1 Timotiu 5:1 - Sura Malelaha

¹ Ane mopaturoko hadua tobalilo au matinuwu hangko irio, ineeko makasara. Agina nukambaroa hai lolita au maalusu, nuimba umamu. Nodo wori i anantomoane, nuimbahe halalumu,

1 Timotiu 5:1 Mawu Ofanana

Matiu 23:8

Agaiana ikamu, ineekau mampeinao rabila hai rakakio ‘Guru,’ lawi hadua pea gurumi, iami Kerisitu, hai ikamu ope-ope topohalalu peakau.

Suro 14:23

I polumaonda iti, Paulu hai Baranaba mopilei hai moangkahe penatua i boea-boeana. Mopuasa hai mekakaehe, merapihe bona nakadipurahe Pue lawi Ia pea peharunganda.

Suro 15:4

Kahawenda i Yerusale, radoko maroahe to Sarani hai surona Pue Yesu hai penatua-penatua au ara inditi. Paulu hai Baranaba motuntuahe ope-ope au nababehi Pue Ala i polumaoanda hangkoia mobambari Ngkora Marasa i tamponda tauna au barahe to Yahudi.

Suro 15:6

Ido hai teruhumohe surona Pue Yesu hai penatua-penatua mampohuda-hudaa kara-kara iti.

Suro 20:17

Hangko i Miletus, Paulu mopakatu bambari lao i Epesu bona penatua au ara inditi maihe mampohidupaa.

Roma 13:7

Nibaiari ope-ope i tauna apa au hintoto nibaiari. Nibaiari asele ba pobaiari au ntanina i topoparenta. Mengkorukau i tauna au hintoto rapengkorui. Bila tauna au hintoto rabila.

Galatia 6:1

Halalu, ane moitakau rangami hampepepoinalai mobabehi sala, ikamu au mampeulaikau peundeana Inao Malelaha, hangangaa ninini wohiraia mesule i rara au manoto i lalu kamaalusu. Hai mokampai worikau watami datikau hawe mobabehi dosa.

1 Timotiu 5:17

Penatua au maroa pobagonda, hintoto mpuuhe rawei peadai au rombela hangko i tauna ntanina, pelumbunami penatua au mepaturo hai au mopahawe Ngkorana Pue.

1 Timotiu 5:2

towawine au matinuwu nuimbahe inamu, hai towawine au mangura nuimbahe adimu; nupamaroa mpuu ope-ope babehiamu irihira.

Titu 2:2

Ane tobalilo au saemohe, hangangaa nupaturohe bona rabuku morempeki peundeana lalunda, bona manoto lalunda hai hintotohe mewali tosae au rabila. Pepoinalainda i Pue Yesu hangangaa maroho mpuu. Hangangaa maahihe i ranganda hangko i lalunda, hai hangangaa mantahahe i lalu kapari.

Titu 2:6

Nodo worihe tobalilo au mangura mani, nupaturohe bona raisa morempeki ope-ope peundeana lalunda au kadake.

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.

Yakobu 5:14

Ane ara au mahai, maroa ane mokakiokau penatua, bona penatua iti peisahe mampekakaea hai morirohi tomahai iti hai lana i lalu hangana Pue.

1 Peturu 5:1

Ara wori pamperapiku irikamu au mewalikau penatua. Kuukiakau ide lawi iko wori hadua penatua, hai moita matamona kapari au morumpa Kerisitu hangkoia. Hai ane hawe Kerisitu i lalu peawana tuwoNa au ina rapatongawa i ope-ope tauna, ina molambi worina kirangku i lalu peawana tuwoNa iti.

2 Yohane 1:1

Sura ide hangko iriko Tosaenda to Sarani, kupakatu irio Ina, au napileiko Pue Ala, hai i ope-opehe anamu au tou-tou mpuuhe kupokaahi. Bara pea iko au mampokaahikau, agaiana ope-ope worihe tauna au moisa paturo au tou mampokaahikau.

3 Yohane 1:1

Sura ide hangko iriko, Tosaenda to Sarani, kupakatu irio Gayu, rangangku au tou-tou mpuuko kupokaahi.

Pampetudungia 4:4

Hai mantoleli kadera kadatua, ara wori rompulo hai iba pohudaa datu. Pohudaa iti rapohudai rompulo hai iba totosae au mehampi bula hai mesongko bulawa.