Biblia Todo Logo
Baibulo la pa intaneti

- Zotsatsa -




1 Timotiu 4:6 - Sura Malelaha

6 Ane ope-ope paturo ide nupaturoahe halalunta hampepepoinalai, ina mewaliko hawina Kerisitu Yesu au maroa. Hai ina maroho mpuu lalumu anti Ngkorana Pue Ala au tapoinalai hai paturo au maroa au nupeulaimi.

Onani mutuwo Koperani




1 Timotiu 4:6
39 Mawu Ofanana  

Hangko inditi, Nauliangaa mbulihe, “Ane nodo, ara mbuli hampaka ngkora pandiriKu: ane ara hadua guru agama to Yahudi au meula Iriko hai au rapaguru paturo kana i poparentana Pue Ala, guru agama iti peisa rapandiri nodo ampu sou au ara anu-anuna au hae hai ara wori anu-anuna au wou.”


Mewali, karoona kuparesa maroa hinangka au mewali hangko i pepongkana, nauli lalungku agina mouki worina hambua sura bona kupakanotoako tuntukana moula pombeusuna.


Hambela tempo, tauna au teruhu ba aratohe pae hangatu rompulo. I tempo iti, meangkami Peturu mololita i olonda halalu hampepepoinalaina, nauli,


I paka-pakana, kupopaitaamokau noumbake hangangaa mobago bona motulungike ranganta au bara rabuku. Nikatuinao liliu lolitana Pue Yesu au manguli, ‘Morasimi tauna au mokira pane tauna au modoko.’ ”


Agaiana nauri nodo, i lalu surangku ide, barana maea mopaturokau, mampololita bahangkia pakana paturo. Tunggaiaku bona mampopaingaakau ope-ope paturo ide, lawi itimi bago au naweina Pue Ala anti kabulana laluNa.


Mewali, kutudumi Timotiu lao mampohidupaakau. Timotiu iti mampopolumao liliu bagona Pue, hai kuimbami anangku au kupokaahi. Ane hawe irikamu, ia ina mampopaingaakau noumba peulangku i Kerisitu hintoto hai paturo au kupahawe i ope-ope to Sarani i boea-boeana.


Rauli, ihira topobagona Kerisitu, apa mani iko! (Mololitana nodo tauna au barapi manoto pekirina.) Meliu pobagongku hangko i pobagonda. Bahangkiami belangku ratarunggu, meliu hangko irihira! Rumihi karapopeahi-ahingku, meliu hangko irihira! Bosami belangku kemate.


Ia moweingkai kapande mewali topobagoNa au mopaguru tauna i dandiNa au wou. Barahe kipaguru bona mampeulaihe atura-atura au teuki bona mewalihe manoto i peitana Pue Ala. Agaiana kipaguruhe bona molambihe katuwo au wou hangko i Inao Malelaha. Lawi ane mampeinaoke mewali manoto i peitana Pue Ala i kamampeulainta atura au teuki, ina molambike kapate, lawi bara buke katapeulaina. Agaiana ane meulake i Pue Ala anti kuasana Inao Malelaha, molambike katuwo maroa au bara mokahopoa.


I paka-pakana, kibabehi liliu apa au maroa bona tongawa kaikamina topobagona Pue Ala au manoto. Mantahangkai i lalu mampopengaa kasusa hai kapari.


Mewali bona niisa noumba katuwongku hai pobagongku, kutudu halalunta Tikikus lao mosondakikau bona napahaweakau hinangka apa au mewali inde. Tikikus iti, iami halalunta hampepepoinalai au tapokaahi, hai au mampopolumao liliu bagona Pue Ala i lalu kamatundu.


I olonda tauna au arahe inde, batena pea Timotiu au hampepekiri hai iko, hai au tou-tou mpuu mampeinao bona molambikau roa ngkatuwo.


Agaiana Timotiu, niisami kamantahana i lalu pobagona, lawi ia mobagomi hihimbela hai iko mopahawe Ngkora Marasa nodo hadua anangkoi modurei umana.


Ide paraluu ntepuu: hangangaa tuwoke moula apa au taisami hawe ide-ide.


Tauna iti barapohe mohintuwu hai Kerisitu. Kerisitu peisa rapandiri nodo waa hai ikita ope-ope au mepoinalai Iria rapandiri wataNa. Waa mokuasai ope-ope wata. Nodo wori Kerisitu, Ia au moteteke hai au mopahintuwuke bona kamaroho-rohoa peulanta Iria hintoto hai peundeana Pue Ala.


Hangangaa nipailalu liliu Ngkorana Kerisitu. Mombepakaroho mpolalumokau hai mombepaturokau moula sukana kanotona lalumi. Mampolingakau nani petoia, hai nani pepomahile, hai nani ntanina au naweikau Inao Malelaha. Hangko i lalumi mpuu, monanikau manguli ngkaia kamaroana i Pue Ala.


Kutudumi halalunta Tikikus lao irikamu bona nauliangaakau apa au mewali iriko inde. Tikikus iti iami halalunta au tapokaahi hai rangangku hampopobago au mampopolumao liliu bagona Pue.


tauna au mebualosi hai tauna au mobabehi babehia au merikai nodo au rababehi tobalilo hore tobalilo ba towawine hore towawine, tauna au motawani rangana bona rapohawi tauna au mosabi dongko, hai ope-ope tauna au mobabehi apa au bara hintoto hai paturo au tou.


Poantimu hangangaa nukampai, hai paturomu hangangaa manoto. Nupobago liliu ope-ope iti bona molambiko katehorema, hihimbela hai tauna au mampehadingi paturomu.


Ane arahe au moanti paturo au mosisala hai paturonta, barahe mampoinalai paturo au tou hangko i Amputa, Pue Yesu Kerisitu hai bara worihe mampoinalai lolita au mopaturoke bona mengkoruke i Pue Ala,


Mewali Timotiu, Kupopaingaako kana i bago au naweiko Pue Ala hangkoia, i tempoku moona taiengku i tanoanamu motawiko. Ido hai kuperapi bona nupakaroho mpuu lalumu mampopolumao liliu bago iti.


Agaiana oio Timotiu, lawi mahaemoko kuporanga, nuisami paturongku hai babehiangku hai tunggaiana lalungku. Nuita mpuumi pepoinalaingku, kasabarangku, kamaahingku, hai kamantahaku i lalu kapari.


Lawi i alo-alo au ina mai, tauna barapi ina raunde mampehadingi paturo au tou. Ina mohaokihe guru-guru au mopaturoahe lolita au mopakatana pea lalunda bona peisahe mampeulai apa peundeana lalunda.


Agaiana oio Titu, hangangaa mepaturoko hai paturo au tou.


Nodo hadua analei au hangko mesupa mampeinao peami mentomi irinana, ikamu wori hangangaa mohaoki liliu peamokau paandena tanoanami, iami Ngkorana Pue Ala. Hangangaa nipailalu Ngkorana Pue bona kamaroho-rohoa lalumi hai kamanoto-notoari pekirimi alana molambikau katehorema.


Ope-ope tauna au megaaki hangko i paturo au tou hai barahe moula paturona Kerisitu, tauna iti barahe mohintuwu hai Pue Ala. Agaiana au moula liliu paturona Kerisitu, ihirami au mohintuwu hai Pue Ala Umanta hai Yesu AnaNa.


Mewali, halalu, katouana ope-ope au kuuliangaakau ide niisami. Agaiana nauri nodo, kupeinao mampopainga hulekau noumba pehukuna Pue Ala i tauna au kadake babehianda. Hangkoia Pue Ala mokabaha to Yahudi au bosa hangko i tampo Masiri. Agaiana roo indo, arahe au bara mepoinalai Iria. Mewali tauna iti napapatehe Pue Ala i pada wungi.


Titsatireni:

Zotsatsa


Zotsatsa