1 Timotiu 4:3 - Sura Malelaha

³ Mopaturohe tauna bona ineehe motambi hai mopaliahe bahangkia pakana paande. Katouana ope-ope paande iti napopewali Pue Ala bona raande. Ikita tauna au mepoinalai i Kerisitu hai au moisake paturo au tou peisake moande paande iti, asala tapekakaea hai tauli ngkaia kamaroana i Pue Ala.

1 Timotiu 4:3 Mawu Ofanana

Matiu 14:19

Hangko indo, Natudumohe tauna bosa mohuda i hehi. Mohudamohe i hehi, Naalami Yesu roti au lima oguna hai ikane au rombaa, hai mengoa i langi mekakae i Pue Ala. Roo indo, Nabise-bisemi roti iti, pane Naweihe topeguruNa bona rakira-kiraahe tauna bosa.

Matiu 15:11

Paande au mesua i nganganta, bara iti au mopakedaike i peitana Pue Ala. Lolita au mesuwu hangko i humenta, iti au mopakedaike i peitana Pue Ala.”

Matiu 15:36

Naalami roti au pitu oguna hai ikane kokoi au bahangkia baana iti, hai mekakae i Pue Ala. Roo indo, Ia mobise-bisemi roti hai ikane hai Naweihe topeguruNa bona rakira-kiraahe tauna bosa.

Lukasi 24:30

Mohudamohe hihimbela ina maande, Yesu moala roti. Napekakaea, Nabise-bise hai Nahuhuahe.

Yohane 6:23

Roo indo, hawemohe tauna moduanga hangko i wanua Tiberias, hai mesorehe hungku i paandea tauna bosa moande roti au nawati Pue Yesu.

Suro 27:35

Karoona Paulu mololita nodo, moalami paande, hai mekakae i Pue Ala i lindonda ope-ope tauna. Paande iti nakira-kiraahe, hai ia haduduana mepongkami maande.

Roma 14:17

Lawi i lalu poparentana Pue Ala, bara ada mpaande ba paenu au mewali patoana i peitana Pue Ala. Patoana iami lalunta au manoto, pohintuwuta hai ranganta, hai katana lalu au naweike Inao Malelaha.

Roma 14:3

Ikamu au moandekau mampopengaa, ineekau mopapakoi rangami au barahe moande bau. Hai ikamu au barakau moande bau, inee worikau mosalai rangami au moandehe mampopengaa. Lawi Pue Ala modoko worihe rangami iti mewali anaNa.

Roma 14:6

Tauna au mopaioru alo au tepakanoto, iti rababehi bona mobila Pue. Tauna au moande mampopengaa paande, iti raande bona mobilahe Pue, lawi mangulihe ngkaia kamaroana i Pue Ala. Nodo wori tauna au moande peahe paande au tepakanoto. Tauna iti moulahe palianda bona mobilahe Pue, hai manguli worihe ngkaia kamaroana i Pue Ala.

1 Korintu 6:13

Ara wori lolita, “Paande mobundu i tainta, hai tai mobundu rapoihii paande.” Tou lolita iti, agaiana hambela tempo hinangkana iti ina napatuna Pue Ala. Agaiana watanta ide bara napopewali Pue Ala bona mebualosike. Watanta hangangaa tapake mobabehi peundeana Pue. Iami ampuna watanta.

1 Korintu 7:28

Agaiana ane ara hadua anantomoane au mampeinao motambi, barato wori madosa. Hai ane ara hadua anantowawine au mampeinao motambi, barato wori madosa. Agaiana nikatuinao: tauna au motambi ina molambi kapari i lalu dunia ide. Hai peundeaku bona datikau narumpa kapari iti.

1 Korintu 8:8

Katouana, bara paande iti au moantike hungku i Pue Ala hai bara worike naanti karao hangko i Pue Ala. Ane taande, barake morasi. Ane bara taande, bara worike marugi.

Kolose 2:16

Halalu, arahe tauna au rapeinao mopari-parikau moula ada agamanda. Rasalaikau lawi barakau mampeulai palianda kana i paande hai i paenu. Rasalai worikau lawi barakau moula ada alo mahile agama Yahudi, nodo alo mahile wula wou hai palia mobago i Alo Pengkarooangaa. Ineekau mampeulai paturonda kana i atura iti.

Kolose 3:17

Apa pea au nibabehi ba au nipololita, hangangaa nibabehi hai nipololita hintoto hai poanti tauna au meula i Pue Yesu. Hai niuli ngkaia kamaroana i Pue Ala Umanta i lalu hangana Pue Yesu.

1 Timotiu 2:4

Lawi peundeaNa bona ope-ope tauna tehorema hangko i huku dosanda, hai moisahe paturo au tou.

1 Timotiu 4:4

Lawi hinangka au napopewali Pue Ala maroa, hai bara ara au rapalia ane tadoko hai tauli ngkaia kamaroana i Pue Ala,

1 Timotiu 5:14

Ido hai kuuli, tobemba au mangura manihe, agina motambi hulehe, bona moanahe, hai mokadipura maroahe tauna au i lalu sounda dati ara raranda iwalinta mokakabosaike.

Ibarani 13:4

Ope-ope tauna hangangaa mampeulai ada posamboko. Ada iti inee nilingkai. Lawi tauna au mebualosi hai au mobabehi babehia merikai, batenda ina nahuku Pue Ala.

Ibarani 13:9

Mewali ineekau mampeulai paturo wou au mepakanawo hai au mosisala hai pepoinalainta, nodo ada hai palia i paande. Lawi ada iti bara moanti katuwo maroa. Aginami tapakaroho lalunta hangko i kabulana laluna Pue Ala, lawi iti au moanti katuwo maroa irikita.