1 Timotiu 4:13 - Sura Malelaha

¹³ Hangko damanina hawe, Sura Malelaha hangangaa nubasaa liliuhe halalunta hampepepoinalai. Hangangaa nupakaroho liliu lalunda hai nupaturohe.

1 Timotiu 4:13 Mawu Ofanana

Yohane 5:39

Moparesakau Sura Malelaha, lawi nipehangu hangko i Sura Malelaha iti nilambi katuwo maroa au bara mokahopoa. Moleri Sura Malelaha iti mololita kana Iriko.

Suro 17:11

Tauna i Berea iti maroa lalunda, bara nodo au i Tesalonika, lawi mampehadingihe lolitanda Paulu hai Silas hangko i katanana lalunda. Alo-alona moparesahe Sura Malelaha bona raisa ba manoto lolitana Paulu ba bara.

Suro 6:4

Lawi ikami hangangaa mekakae hai mobambaringkai Ngkorana Pue Ala.”

Roma 12:8

Tauna au molambi kapande mopakaroho laluna rangana, hangangaa napopolumao mpuu bago iti. Hema au mokira apa pea i hangka rangana, hangangaa nababehi hangko kabulana laluna. Hema au molambi kapande mewali tadulako, hangangaa mewali mpuu tadulako au madota. Hai hema au molambi kapande motulungi rangana au meahi-ahi, hangangaa natulungihe hangko i laluna au matana.

1 Korintu 14:26

Mewali halalu, apa lempona ope-ope iti? Ane maminggukau, hadua-hadua tauna ara kamapandenda: arahe au monani, arahe au mepaturo, arahe au mopahawe lolita hangko i Pue Ala, arahe au mololita i lalu basa au hangko i Inao Malelaha, arahe au mopalimba lempona lolitanda iti bona raisa ope-ope tauna. Agaiana hinangkana iti hangangaa nibabehi bona mopakarohokau lalunda rangami.

1 Korintu 14:3

Agaiana hema au mopahawe lolita hangko i Pue Ala, mopaturohe tauna, lawi lolitanda mopakaroho pepoinalainda ranganda, mohuweki lalunda hai mopalindohe.

1 Korintu 14:6

Mewali halalu, ane rapana maina irikamu, hai mololitana i lalu basa au hangko i Inao Malelaha, apami bunduna irikamu? Agaiana ane mopakanotona tunggaiana Pue Ala ba mopahawena bambari hangko i Pue Ala au bara mani niisa, ba moantina Ngkorana Pue, ba mepaturona, hangko arari pobunduana irikamu.

1 Timotiu 4:16

Poantimu hangangaa nukampai, hai paturomu hangangaa manoto. Nupobago liliu ope-ope iti bona molambiko katehorema, hihimbela hai tauna au mampehadingi paturomu.

1 Timotiu 4:6

Ane ope-ope paturo ide nupaturoahe halalunta hampepepoinalai, ina mewaliko hawina Kerisitu Yesu au maroa. Hai ina maroho mpuu lalumu anti Ngkorana Pue Ala au tapoinalai hai paturo au maroa au nupeulaimi.

2 Timotiu 3:15

Hai hangko koi-koi peamoko, nuisami apa au teuki i lalu Sura Malelaha. Sura Malelaha iti au peisa mopakanoto lalunta duuna mepoinalaike i Kerisitu Yesu hai tehoremake hangko i huku dosanta.

2 Timotiu 4:2

Hangangaa masilolonga peamoko mopahawe Ngkorana Pue Ala i tempo au maroa ba i tempo mapari. Nukambaroahe au moanti paturo au sala, nukontohe au kadake babehianda, hai nupakaroho lalunda bona maroa babehianda. Hangangaa sabara liliuko mopaguruhe.

Titu 2:15

Mewali, Titu, ope-ope ide hangangaa nupaturoahe. Nupakaroho lalunda hai nuweihe lolita. Ineeko maea, lawi raweimoko kuasa mopaguruhe. Ineehe nupogiangaa bahema pea mopapakoiko.