1 Timotiu 3:9 - Sura Malelaha

⁹ Hangangaa modoko mpuuhe paturo kana i pepoinalai au napahaweake Pue Ala, hai mampeulaihe paturo iti hangko i kamalelahana lalunda.

1 Timotiu 3:9 Mawu Ofanana

1 Timotiu 1:19

Mantahako i lalu pepoinalaimu, hai mobabehi liliuko babehia au maroa hangko i kabulana lalumu. Ara bahangkia tauna au mosapuaka ope-ope paturo ide, alana marugi pepoinalainda.

1 Timotiu 1:5

Tunggaiana paturongku ide bona ikita ope-ope mombepokaahike. Hangangaa mombepokaahike hangko i lalunta au malelaha, hangko i kabulana lalunta hai hangko i kamarohona pepoinalainta i Pue Ala.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.