1 Timotiu 3:6 - Sura Malelaha

⁶ Ane ara hadua tauna au hangko mepoinalai i Pue Yesu, ia bara peisa raangka mewali penatua, dati mampemahile, alana molambi pehuku nodo au rahukua Datu Tokadake.

1 Timotiu 3:6 Mawu Ofanana

Lukasi 10:18

Nauli Yesu, “Kuitami Datu Tokadake manawo hangko i langi nodo kila!

1 Korintu 3:1

Halalu, i tempoku mani hihimbela hai ikamu hangkoia, barakau peisa kupaturo nodo tauna au molambihe Inao Malelaha. Kupaturo peakau nodo tauna au moula manihe peundeana lalunda au kadake. Lawi i tempo iti, bara mani manoto pepoinalaimi i Kerisitu; i pepoinalaimi nodo manikau analei.

1 Korintu 8:1

Kaliliuana, ina mololitana kana i paande au rapopenomba i anitu. Niuli, “Ikita to Sarani, mapandeke, taisami paturo au tou.” Tou mpuu agaiana kuuliangaakau: anti kamapandemi iti, arakau au mampemahile. Aginami maahike i ranganta hai tapakaroho lalunda hangka ranganta.

2 Korintu 12:7

Mewali, anti karumihina kamaroana hinangka au napatongawa Pue Ala, Ia moweina haki au morumpa watangku bona datina mampemahile. Haki ide peisa rapandiri nodo dui i watangku ba nodo hadua hawina Datu Tokadake au hawe iriko bona mampopeahi-ahina.

1 Timotiu 3:7

Kaliliuana, hadua tauna au mewali penatua hangangaa au bara wori ara kamasalana i peitanda tauna au barahe to Sarani dati nakelo Datu Tokadake alana manawo hai kahopoana ina rakakabosai tauna.

1 Timotiu 6:4

tauna iti mengkamapande peahe, moleri baratohe moisa apa-apa. Peundeanda bona mombehehe liliuhe hai mohaoki peahe posisisala i lolita au mopaara kamahina, pobungka-bungka, pekakabosai, pesasalai,

2 Timotiu 3:4

Mopakanawohe hangka ranganda, bara kaladu pampekirinda, hai mengkaiwongkohe. Barahe mampeulai peundeana Pue Ala, agaiana mampeulai peahe peundeana lalunda.

1 Peturu 2:2

Nodo hadua analei au hangko mesupa mampeinao peami mentomi irinana, ikamu wori hangangaa mohaoki liliu peamokau paandena tanoanami, iami Ngkorana Pue Ala. Hangangaa nipailalu Ngkorana Pue bona kamaroho-rohoa lalumi hai kamanoto-notoari pekirimi alana molambikau katehorema.

1 Peturu 5:5

Nodo wori ikamu au mangura mani, hangangaa mengkorukau i tosae. Ope-opekau hangangaa mengkaiwoi hai mombetulungi. Lawi: “Pue Ala moewahe tauna au mampemahile, agaiana tauna au mengkaiwoi Natulungihe.”

2 Peturu 2:4

Mogalorihe malaeka au madosa hangkoia, barahe nakabaha Pue Ala hangko i pehuku. Malaeka iti batenda Natende i lalu naraka hai Nataha i lalu kalolu tampo au makaindi duuna hawe alo pebotusi.

Yudasi 1:6

Nikatuinao wori malaeka au maida i suruga hangkoia. Hantangahe moliungi tampana kuasanda, hai mopalehihe paidaanda. Malaeka iti nahiluhe Pue Ala hai rante au bara mpuu peisa mabotu, hai Natahahe i lalu paidaa au makaindi, hai ina Nataha liliuhe duuna hawe tempona hinangka kara-karanda Napohuda-hudaa i alo pebotusi au mewulungai.