1 Timotiu 3:4 - Sura Malelaha

⁴ Hangangaa naisa mokadipura maroa tauna au maida i lalu souna, hai anana hangangaa mengkoruhe i tosaenda hai mebilahe.

1 Timotiu 3:4 Mawu Ofanana

Suro 10:2

Ia bara to Yahudi, agaiana mengkoru mpuu i Pue Ala, hai ope-ope hantambiana menomba worihe i Pue Ala. Kornelius motulungi liliuhe to Yahudi au meahi-ahi, hai ia mekakae peami i Pue Ala.

Epesu 5:24

Mewali, nodo ope-ope jumaa mengkoru i Kerisitu, nodo wori towawine hangangaa mengkoru i tobalilona i paka-pakana.

Pilipi 4:8

Kahopoana halalu, kuperapi bona nipailalu liliu hinangkana au maroa hai au hintoto ratoia. Apa au tou, apa au hintoto rabila, apa au manoto, apa au malelaha, apa au merae, hai apa au teadai, itimi au hangangaa nipailalu.

1 Timotiu 3:12

Hadua au mewali diaken, hangangaa au hadua pea towawinena, hai hangangaa raisa mokadipura maroa ananda hihimbela hai tauna au maida i lalu sounda.

Titu 1:6

Hai tauna au raangka mewali penatua, hangangaa tauna au bara ara au peisa rasalaia, au hadua pea towawinena; anana hangangaa mepoinalai wori i Kerisitu hai barahe makasara hai barahe mearoha.

Titu 2:2

Ane tobalilo au saemohe, hangangaa nupaturohe bona rabuku morempeki peundeana lalunda, bona manoto lalunda hai hintotohe mewali tosae au rabila. Pepoinalainda i Pue Yesu hangangaa maroho mpuu. Hangangaa maahihe i ranganda hangko i lalunda, hai hangangaa mantahahe i lalu kapari.

Titu 2:7

Hai oio, Titu, ope-ope babehiamu hangangaa mewali pandiri. Ane mepaturoko, mepaturoko hangko i lalumu mpuu, hai hangangaa manoto babehiamu.