1 Timotiu 3:15 - Sura Malelaha

¹⁵ bona ane rapana mahae manina pane hawe irio, nuisa babehia au hintoto i ope-ope taunana Pue Ala. Lawi ikita ide, menombake i Pue Ala au tuwo i hae-haena. Ikita au mokingki paturo au tou au hangko i Pue Ala. Maroho mpuu pepoinalainta i paturo iti, hai takampai paturo iti bona dati ara au mobaliki.

1 Timotiu 3:15 Mawu Ofanana

Matiu 16:16

Nahanai Simo Peturu, nauli, “Oiomi Datu Topehompo, Anana Pue Ala au tuwo.”

Matiu 18:18

Nipehadingi: apa au nibotusi i dunia, aminami tebotusi i suruga. Ane niuli hadua tauna hangangaa rahuku, ia nahuku worimi Pue Ala. Ane niuli hadua tauna raampungi dosana, naampungi worimi Pue Ala.

Yohane 1:17

Au tadoko hangko i Musa hangkoia iami aturana Pue Ala. Agaiana au tadoko hangko i Yesu Kerisitu melumbu hangko indo iami kabulana laluna Pue Ala hai paturoNa au manoto.

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Yohane 18:37

Nauli mbuli Pilatu, “Ane nodo, tou mpuu pae datuKo?” Nauli Yesu, “Nodo au nuuli Iko ide datuNa. Ido hai rapoanakaNa i dunia ide bona mopahaweNa apa au tou. Tauna au naunde moula apa au tou, mampehadingihe lolitaNgku.”

Yohane 6:69

Ikami, kipoinalaimi hai kiisa kaOiona mpuu Suro au malelaha hangko i Pue Ala.”

Suro 1:2

duuna hawe i alo pengkaoreNa lao i suruga. Karoona rapapate hai tuwo hule, Yesu mopatongawa wataNa i suroNa. I lalu iba pulona alona, bosa belana mampetudungia wataNa bona tongawa katuwo huleNami. I tempo iti, ihira ara hihimbela hai Ia, hai Napahaweahe kana i poparentana Pue Ala. Hangko damani mengkaore lao i suruga, Naweihe hawaNa hai kuasaNa Inao Malelaha i suroNa au Napileimi.

Suro 14:15

“Ee! Apari dide au nibabehi? Ide ikami, manusia biasa pea woringkai nodo ikamu. Maingkai mobambari Ngkora Marasa irikamu bona nikabaha penombami i anitu au bara mobundu hai bona menomba peakau i Pue Ala au tuwo, lawi Iami au mampopewali langi, tampo, tahi hai hinangka ihi dunia.

Roma 3:2

Ngkaia mpuu rasi irikita to Yahudi, hai mahile pobunduana! Kaisa-isa, i toYahudimi Pue Ala mopahawe NgkoraNa.

Roma 9:26

“Hangkoia Pue Ala mouliangaahe tauna au ara i hambua tampo: ‘Barakau kiraNgku.’ Agaiana hambela tempo, Pue Ala au tuwo ina mouliangaahe, ‘AnaNgkumokau!’ ”

1 Korintu 10:32

Ineeke mobabehi apa pea au mopakanawo ranganta, maroa to Yahudi ba tauna au barahe to Yahudi ba halalunta hampepepoinalai au mengkoru i Pue Ala.

1 Korintu 3:16

Bara pae niisa halalu: ikamumi sou paidaana Pue Ala, hai Inaona Pue Ala maida i lalumi.

2 Korintu 3:3

Nipetudungia i ope-ope tauna wua pobagongki moanti bambari kana i Kerisitu irikamu. Ikamu nodo hambua sura au nauki Kerisitu. Sura iti bara Nauki hai tinta ba i watu poukia. Lawi Kerisitu mouki lolitaNa i lalumi anti kuasana Inaona Pue Ala, au tuwo.

2 Korintu 6:16

Peisa pae Souna Pue Ala rapopogulu hai sou penombaa i anitu? Ikita ide rapandiri nodo souna Pue Ala, lawi Pue Ala au tuwo maida i lalunta. Nodo au teuki i Ngkorana Pue: “Ina maidaNa i olonda hai ina Kuporangaihe. Ina mewaliNa Pue Ala au rapenombai, hai ihira ina mewalihe taunaNgku.”

2 Korintu 6:7

Kipakanoto kaikamina topobagona Pue Ala, lawi mopahawengkai paturo au tou. Kipopolumao bagongki hangko i kuasa au kihumba hangko i Pue Ala. Kibabehi liliu apa au manoto. Babehiangki au manoto peisa rapandiri nodo piho hai laba, lawi ane manoto babehiangki, kibuku moewa iwalingki, hai kibuku mantaha.

Galatia 2:9

Mewali, Yakobu, Peturu hai Yohane iti, au rauli tadulakonda ope-ope to Sarani i Yerusale, mololitahe rauli, “Tou, Paulu nakakio Pue Yesu mewali suroNa.” Mewali iko hai Baranaba radoko maroangkai. Mombetabemongkai mewali tanda kahintuwungki. I tempo iti, himpudumongkai bona ihira au mopahawe Ngkora Marasa i to Yahudi, hai ikami au mopahawe Ngkora Marasa i tauna au barahe to Yahudi.

Galatia 3:1

Halalu to Galatia, ntuli mpuukau. Hemarikau au mopakanawo, alana barapi nipeulai paturo au tou? Manoto mpuu paturongku hangkoia irikamu au mopakanotoakau tunggaiana Yesu Kerisitu mate i kau mombehape.

Epesu 4:21

Ane nihadi mpuumi kana Iria, hai rapaturoamokau paturo au tou moula kamanotoNa,

Kolose 1:5

Pepoinalaimi hai ahimi maroho, lawi meharunga mpuukau i apa au Napasilolongaakau Pue Ala i suruga, nodo au nihadimi i lalu paturo au tou au rapahaweamokau, iami, Ngkora Marasa.

1 Timotiu 3:14

Timotiu, ara mpuu tunggaiaku lao mosondakiko. Nauri nodo, kupakatuako sura ide,

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

1 Timotiu 3:2

Ido hai hadua penatua hangangaa au bara ara kamasalana. Hangangaa hadua pea towawinena, hai hangangaa nabuku morempeki peundeana laluna au kadake. Hangangaa manoto laluna hai maroa adana. Hangangaa matana modoko torarena. Hangangaa naisa mepaturo.

1 Timotiu 3:5

Lawi ane ara hadua tauna au bara naisa mokadipura tauna i lalu souna, noumbami kanabukuna mokadipura halaluna hampepepoinalai.

1 Timotiu 4:10

Ido hai hangangaa mobago mantimike, lawi mepoinalaike i Pue Ala au tuwo i hae-haena hai au mohorema ope-ope tauna, ihira au mepoinalai Iria.

1 Timotiu 6:16

Batena pea Ia au bara ina mate. Ia maida i lalu kamabaa au meawa ntepuu. Bara ara hadua au peisa mohungkuki ba moita, lawi Ia bara raita. Batena pea Ia au hintoto rabila hai au hintoto moparenta hawe i hae-haena. Amin.

2 Timotiu 2:19

Nauri nodo, Ngkorana Pue Ala batena maroho peangkana. Ngkorana Pue Ala rapandiri nodo haogu watu au bara ina tedua. I lalu Ngkorana Pue Ala teuki node, “Pue moisa hema au Napilei mewali anaNa,” hai, “Hema-hema au mopangaku kaYesuna Ampunda, hangangaa mokabahahe babehianda au kadake.”

2 Timotiu 2:20

I lalu sou au meawa, ara ngkaia pakana parewa. Ara parewa au rababehi hangko i bulawa hai salaka. Ara wori au rababehi pea hangko i kau ba tampo polo. Au maroa, rapake modoko torare au rabila. Hai au bara maroa, rapake alo-alona.

Ibarani 10:21

Yesumi au mewali Tadulako Mpenomba Mahilenta au mokadipura souna Pue Ala i suruga.

Ibarani 12:22

Halalu, barakau mohungkuki bulu au nodo. Agaiana ide-ide molindomokau Bulu Sion hai wanua Yerusale au i suruga, au napaidai Pue Ala au tuwo. Molindokau isabuna malaeka au moguluhe i lalu katana-tana.

Ibarani 3:12

Halalu! Maroa-roakau, datikau ara au kadake lalumi. Ineekau nodo toiorumi iti au mopalehi pepoinalainda i Pue Ala au tuwo!

Ibarani 9:14

pelumbunami wahena Kerisitu! Anti kuasana Inao Malelaha au tuwo hawe i hae-haena, Kerisitu mohuhu wataNa i Pue Ala bona rapapate mewali popenomba au bara ara kamakurana. WaheNa iti mobahoi lalunta hangko i hinangka babehianta au moantike i kapate bona peisake menomba i Pue Ala au tuwo.

1 Peturu 2:5

bona Napopewalikau nodo watu au tuwo au rapake moaro sou penombaa i Pue Ala. Napopewali worimokau nodo tadulako mpenomba au malelaha. Nodo tadulako mpenomba mohuhu popenombanda i Pue Ala, ikamu wori hangangaa mohuhu katuwomi i Pue Ala. Itimi au mewali popenombami Iria, hai popenombami iti mopamatana laluna Pue Ala anti kanahoremantami Yesu Kerisitu.

1 Peturu 4:17

Hawemi tempona Pue Ala ina mobotusi kara-karanda ope-ope tauna. Hai ikita au Napoana, batena ioru Nabotusi kara-karanta. Mewali ane kara-karanta au ioru Nabotusi, manoto ina melumbu pehukuNa i tauna au barahe mepoinalai i Ngkora Marasa au hangko Iria.