1 Timotiu 2:8 - Sura Malelaha

⁸ Peundeaku bona ane mamingguke iumba pea, tobalilo hangangaa mekakae i lalu kamalelaha, hai barahe peisa mosisala ba masodo.

1 Timotiu 2:8 Mawu Ofanana

Matiu 21:21

Nahanai Yesu, “Tou mpuu au Kuuliangaakau, ane nipoinalai hai bara bata-bata lalumi, peisa wori nibabehi nodo au Kubabehi i kau iti. Mogalori bulu olou, peisa nipohawaa, niuli: ‘Teangkamoko, pengkanawo i lalu tahi!’ hai batena ina mewali.

Matiu 5:44

Agaiana ide-ide Kuuliangaakau, nipokaahi iwalimi, hai nipekakaea tauna au mampopeahi-ahikau.

Matiu 6:12

Nuampungi wongkamia hangko i kamasalangki, nodo ikami moampungi woringkai rangangki au masala irikami.

Lukasi 23:34

Yesu mekakae, Nauli, “Uma, Nuampungi wohiraia tauna ide, lawi bara raisa apa au rababehi.” Surodado au mopaku Yesu motendemohe dadu bona mopakanoto kahemana au molambi hampiNa.

Lukasi 24:50

Roo indo, nawawahe Yesu lao i raoa wanua Yerusale, hungku i boea Betania, pane Naangkami taieNa hai Nawatihe.

Yohane 4:21

Nauli Yesu, “Ina, nupoinalai lolitaNgku ide: ina hawe tempona, bara i Yerusale tauna menomba i Pue Ala, hai bara wori i bulu ide.

Suro 10:2

Ia bara to Yahudi, agaiana mengkoru mpuu i Pue Ala, hai ope-ope hantambiana menomba worihe i Pue Ala. Kornelius motulungi liliuhe to Yahudi au meahi-ahi, hai ia mekakae peami i Pue Ala.

Suro 10:31

Nauliangaana tauna iti: ‘Kornelius, napehadingimi Pue Ala pekakaemu hai Naitami kamaroana lalumu.

Suro 10:4

Langa mpuu Kornelius mototoki malaeka iti, ido hai nauli, “Tua, apari tunggaiamu?” Mehana malaeka iti, nauli, “Nahadimi Pue Ala pekakaemu, hai Naisa kamagolona lalumu motulungi tauna au meahi-ahi.

Suro 21:5

Agaiana i temponami kapala tahi iti meangka, kiulimi batengki pea liliu lao i Yerusale. Mewali, ope-ope rangangki hai towawinenda hai ananda raporangaingkai lao i raoa wanua. I wiwi ntahi, molingkudu sambelamongkai hai mekakae.

Suro 7:60

Roo indo, molingkudumi, hai mololita masisimbuku, nauli, “Pue, ineehe Nuhuku anti dosanda ide.” Karoona mololita nodo, matemi.

1 Korintu 7:7

Katouana, kuunde ane ope-ope tauna nodo iko, bara motambi. Agaiana bara ope-ope tauna au rabuku ane barahe motambi. Hadua-hadua tauna molambi pewati au montani-ntani hangko i Pue Ala.

2 Korintu 2:14

Agaiana kuuli ngkaia kamaroana i Pue Ala, lawi anti pohintuwuta hai Kerisitu, menangike, hai Ia mewali tadulakonta au monini liliuke. Iumba pea kalaoangki, mopahawengkai Ngkora Marasa i ope-ope tauna bona peisahe moisa Pue Ala. Ngkora Marasa iti peisa rapandiri nodo lana mawongi.

Pilipi 1:12

Mewali kupeinao bona niisa halalu, naurina ratarunggu, matanana, lawi anti karatarungguku ide, kabosa-bosaari tauna mohadi Ngkora Marasa.

1 Tesalonika 1:8

Lawi hangko irikamu, Ngkorana Pue tebambari i humalele Makedonia hai Akaya. I raoa hangko indo, pepoinalaimi i Pue Ala rapololita iumba-umba pea. Mewali, ampu boea i ope-ope boea au kikalaongi moisa noumba kanidokongki. Ikami barapongkai paraluu mopahawe ba apa-apa, lawi tauna iti mohadimohe bambari au manguli kanikabahanami menomba i anitu, katebalikina lalumi hai pengkorumi i Pue Ala au manoto hai au tuwo.

1 Timotiu 5:14

Ido hai kuuli, tobemba au mangura manihe, agina motambi hulehe, bona moanahe, hai mokadipura maroahe tauna au i lalu sounda dati ara raranda iwalinta mokakabosaike.

Titu 3:8

Tou mpuu lolitangku inona. Ido hai kuperapi bona paturo ide nupakanotoahe ope-ope tauna au mepoinalai i Pue Ala bona mobabehi liliuhe apa au maroa. Paturo ide iami paturo au maroa, hai au mobundu i ope-ope tauna.

Ibarani 10:22

Lalunta Napamalelahami hai waheNa bona taisa kadanapi ara kamanawonta. Watanta rariu hai owai tanda kaNabahointa hangko i dosanta. Ido hai kuhuweki lalumi, halalu, bona mohungkukike Pue Ala hangko i lalunta mpuu hai hangko i pepoinalainta au maroho.

Yakobu 4:8

Hangangaa hungkukau i Pue Ala bona Ia wori hungku irikamu. Ane ara dosami, hangangaa nipangaku hai nikabaha. Ane morompenga lalumi, hangangaa nipamalelaha.

1 Peturu 3:7

Nodo wori ikamu tobalilo, hangangaa mohintuwukau hai towawinemi, hai hangangaa nipekiri noumba rarami motulungihe, lawi rohonda bara nodo rohomi. Agaiana nauri nodo, towawinemi batena himbela hai ikamu i peitana Pue Ala, lawi hangko i kabulaNa laluNa Pue Ala mowei worihe katuwo au bara mokahopoa himbela hai ikamu. Idomi hai hintoto mpuuhe nibila. Lawi ane barahe nibila, pekakaemi bara ina napehadingi Pue Ala.