1 Timotiu 2:15 - Sura Malelaha

¹⁵ ido hai towawine rahukumohe molambi pantodiha i temponda moana. Nauri nodo, batena molambi worihe katuwo maroa asala mepoinalai liliuhe i Pue, mampokaahi liliuhe hangka ranganda, hai malelaha tuwonda moula ada au maroa.

1 Timotiu 2:15 Mawu Ofanana

Lukasi 2:7

Moanami hadua tobalilo, anana au nguru-nguruna. Anana iti nalempingi hai nadampa i lalu dula dimba, lawi inditi barapi ara sou au peisa rapaidai.

1 Korintu 12:23

Kirana watanta au raimba bara mobundu, kira itiri au paraluu tapoperae. Kirana watanta au bara hintoto ratotoki tauna, itiri au paraluu takadipura maroa.

1 Timotiu 1:14

Nauri mahile dosangku, agaiana melumbu mani kamahilena ahina Pue Ala. Natulungina hangko i kabulana laluNa, alana mampoinalai hai mampokaahina Kerisitu Yesu.

1 Timotiu 1:5

Tunggaiana paturongku ide bona ikita ope-ope mombepokaahike. Hangangaa mombepokaahike hangko i lalunta au malelaha, hangko i kabulana lalunta hai hangko i kamarohona pepoinalainta i Pue Ala.

1 Timotiu 2:9

Nodo wori towawine. Hangangaa mopakehe hampi au hintoto, moula ada au maroa. Ineehe mobubungai hampinda bona ratoiahe ranganda, ineehe mampopengaa-ngaa weluanda, ineehe mopake bulawa ba mutiara hai hampi au masuli-masuli.

Titu 2:12

Hai Napaturoke bona mokabahake babehianta au moula pea peundeana lalunta au kadake hai au bara hintoto hai peundeaNa. Napaturoke bona mewalike matopa, tapamaroa babehianta, hai mengkoruke Iria lianta mani tuwo i dunia ide.

1 Peturu 4:7

Halalu, kahopoa dunia ide hungkumi hai ope-ope ihina ina matanta. Ido hai hangangaa mainga-ingakau hai nipamanoto pekirimi bona peisakau mekakae.