1 Timotiu 1:9 - Sura Malelaha

⁹ Hangangaa takatuinao apa tunggaiana Aturana Musa bona kana katapopobunduna. Aturana Musa barake rawei bona mokambaroa tauna au manoto babehianda. Agaiana tunggaiana bona mokonto: tauna au madosa tauna au molingkai atura iti, tauna au meewa, tauna au barahe mengkoru i Pue Ala, tauna au barahe moagama, tauna au mohaoki pea peundeana laluna, tauna au mopapate inana hai umana ba tauna ntanina,

1 Timotiu 1:9 Mawu Ofanana

Matiu 10:21

Hambela tempo, tauna ina mohuhuhe halalunda ba ananda au meulahe Iriko bona rapapate. Ara wori anangkoi au ina moewa tosaenda hai ina nahuhuhe rapapate.

Roma 1:30

mopakadakehe hangka ranganda, mokahihihe Pue Ala, makasarahe, barahe keada, mampemahilehe, hai mampopetoiahe. Matopahe mohaoki rara mobabehi dake. Moewahe tosaenda.

Roma 4:13

Hangkoia Pue Ala modandi i Burahima hai i pemuleana kaina mokuasainda dunia. Tunggaiana Pue Ala bona Burahima hai pemuleana mewali manoto anti pepoinalainda alana molambihe apa au Nadandi iti. Barahe molambi apa au nadandi Pue Ala anti pampeulainda Aturana Musa.

Roma 5:20

Tunggaiana Aturana Pue Ala au napahawe Musa, iami bona tongawa mpuu kamasalanda ope-ope tauna, lawi ngkaiami peliunginda i Atura iti. Agaiana nauri rumihi kamahilena dosa manusia, melumbu mani kamahilena kabulana laluna Pue Ala i manusia!

Roma 6:14

Ikita, barapoke nakuasai dosa, bara anti pampeulainta Aturana Musa, agaiana anti pampeulainta kabulana laluna Pue Ala.

Galatia 3:19

Mewali, batena ina ara tauna au manguli node, “Ane nodori, apa tunggaiana Aturana Musa?” Aturana Musa naweike Pue Ala bona mopakanoto kamadosanta moliungi peundeaNa. Tunggaiana Pue Ala bona manusia mampeulai Aturana Musa hawe pea i pemuleana Burahima au Natunggai i lalu dandina Pue Ala hangkoia, iami Kerisitu. Pue Ala mampohawaa malaekaNa mopahawe AturaNa i Musa, hai Musa iti mewali sarungkoro au mopahawe Aturana Pue i manusia.

Galatia 5:18

Mewali, ane naninimoke Inao Malelaha, barapoke tetaka i Aturana Musa.

Galatia 5:21

mahina, malangu-langu, mosusa-susahe barapi ara hokana, hai ara mani wori au ntanina. Mewali, ope-ope iti, kupopaingaa mbulikau nodo au kuuliangaamokau hangkoia: hema-hema au mobabehi nodo, barahe ina maida hihimbela hai Pue Ala i lalu poparentaNa.

Galatia 5:23

mengkaiwoike, hai morempekike lalunta. Bara mpuu ara atura au peisa mohomboki babehia au nodo.

2 Tesalonika 2:8

Mewali, ane teweihami topehomboki iti, hangko haweri Manusia Kadake. Agaiana ane hawemi Pue Yesu hai kuasaNa au meawa, Manusia Kadake iti ina ope kuasana, lawi ia ina napapate Pue Yesu hai inao au mesuwu hangko i humeNa.

1 Timotiu 4:7

Ineeko motende tempomu lao mampehadingi lolita au bara tou hai au moanti peake mampeulai peundeana lalunta au kadake. Agina nupakaroho lalumu mengkoru i Pue Ala.

1 Timotiu 6:20

Oio Timotiu, napoinalaiamoko Pue Ala moanti paturo au manoto. Mewali, hangangaa nukingki maroa paturo iti dati ara au mobaliki. Karaohi lolita au bara mobundu hai paturo au bara manoto au rauli kapande agaiana bara tou.

2 Timotiu 2:16

Nukaraohi lolita au bara mobundu. Lawi lolita iti bara moanti tauna i katuwo au malelaha, agaiana kakakaroarihe hangko i Pue Ala.

2 Timotiu 3:2

Bosa tauna ina mampokakaia peahe watanda haduduanda, mampeinaohe mewali topebuku, mampopetoiahe, mampemahilehe, hai mokakabosaihe ranganda. Barahe mengkoru i tosaenda, bara raisa manguli ngkaia kamaroana i Pue Ala, hai barahe mobila Pue Ala.

Titu 1:10

Tunggaiaku mopaturoko nodo lawi bosamohe tauna au moewa paturonta, pelumbunami ihira au mampeulai ada mpetile Aturana Musa. Mearohahe, hai mopakanawohe ranganda hai paturo au bara mobundu.

Titu 1:16

Rauli, moisahe Pue Ala, agaiana modongkohe, lawi babehianda bara hintoto hai apa au rauli. Kadake mpuu babehianda. Barahe matundu i hawana Pue Ala, hai bara rabuku mobabehi apa au maroa.

Titu 1:6

Hai tauna au raangka mewali penatua, hangangaa tauna au bara ara au peisa rasalaia, au hadua pea towawinena; anana hangangaa mepoinalai wori i Kerisitu hai barahe makasara hai barahe mearoha.

Titu 3:3

Lawi hangkoia, makaindi mani lalunta, bara taisa rara au manoto, taliungi AturaNa. I tempo iti, napohawi manike peundeana lalunta au kadake hai katana dunia au mepakanawo. Kadake lalunta, mahinake i ranganta, hai mombekahihi peake.

Ibarani 11:31

Anti pepoinalaina, Rahab bara rapapate nodo tauna au hambomboeana au barahe mengkoru i Pue Ala. Rahab iti, hadua towawine au bara maroa babehiana. Agaiana i temponda bahangkia surodado to Isaraeli lao mampendenga boea Yeriko, nadokohe i souna, hai natulungihe.

Ibarani 12:16

Nipamaroa-roa babehiami bona datikau ara au mebualosi ba mobabehi babehia au merikai. Ineekau ara au bara meula i peundeana Pue Ala nodo Esau hangkoia, lawi ia bara moholoi pewatina Pue Ala hangko i katowutuna. Kirana au katouana nahumba hangko i umana anti katowutuna, napobaluri i adina, naintolohi pea hai hantabo paande.

1 Peturu 2:7

Irikamu, tauna au mepoinalai, watu iti mobundu ntepuu. Agaiana i tauna au barahe mepoinalai, tepabukeimi au teuki i lalu Sura Malelaha node: “Watu au ratende topoaro sou, watu iti au mewali pohudaa sou.” Hai: “Watu iti au mewali katehubeanda, au moantihe manawo.”

1 Peturu 3:20

Ihira iti ratarunggu anti pesapuakanda i Pue Ala hangkoia i tempona mani Noho tuwo. Tongawami kasabarana Pue Ala, lawi Ia mampegia katebalikina lalunda tangana Noho mobabehi duanga mahile. Agaiana kahopoana, Pue Ala molaboa dunia hai owai. Ualu peahe tauna au mesua i lalu duanga mahile hai au Nahorema hangko i kapate.

1 Peturu 4:18

I lalu Sura Malelaha teuki node: “Mogalori tauna au manoto babehianda, hangangaa motodihahe kapari, hangko molambirihe katuwo maroa. Apa mani tauna au kadake hai au bara mengkoru i Pue Ala!”

Yudasi 1:15

Ia ina mai mampohuda-hudaa kara-karanda ope-ope tauna, hai Ia ina mohuku ope-ope tauna au mosapuaka kuasaNa anti babehianda au kadake. Ope-ope tauna au bara mengkoru Iria ina Nahukuhe, hai ope-ope lolitanda au mepapakoi ina Nahurungiahe.”

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”

Pampetudungia 22:15

Agaiana tauna au kadake, topedoti, topobabehi au merikai, topepapate, topenomba i anitu, topodongko, hai tauna au mampokatana podongkonda, barahe rapaliu mesua i lalu wanua iti.