1 Timotiu 1:6 - Sura Malelaha

⁶ Arahe bahangkia tauna au barapohe mampeulai rara ide. Morara ntanihe hangko i rara au manoto, hai mampombehanaingi liliuhe lolita au bara mobundu.

1 Timotiu 1:6 Mawu Ofanana

Matiu 18:12

Noumba pelambiami? Ane pandirina, ara hadua tauna au dimbana hangatu baana, hai matanta hambaa, apa au ina nababehi? Batena mopalehi dimbana au hahio pulona hai hahio i tongku-tongkuna, hai lao mohaoki hambaa au matanta iti.

1 Timotiu 5:15

Lawi ara tobemba au barapohe mampeulai peundeana Kerisitu, mampeulai pearaihe peundeana Datu Tokadake.

2 Timotiu 2:18

Mopahala batakamohe paturo au tou, rauli pearonda tomate liumi. Paturonda au sala iti mopawulimohe bahangkia tauna alana pepoinalainda barapi mobundu.

2 Timotiu 4:10

Lawi ina barapi ara au mamporangaina inde. Napalehimona Demas, lawi laomi i Tesalonika mohaoki katuwona i dunia ide. Kreskes, lao i Galatia. Titu lao i Dalmatia.

Titu 1:10

Tunggaiaku mopaturoko nodo lawi bosamohe tauna au moewa paturonta, pelumbunami ihira au mampeulai ada mpetile Aturana Musa. Mearohahe, hai mopakanawohe ranganda hai paturo au bara mobundu.

Titu 3:9

Agaiana ara worihe tauna au mombehehe hai mampombehanaingi atura agama Yahudi ba tuntukana pemuleanda. Nukaraohihe! Nupalehi peamohe i pombembehanainda au bara mobundu hai au bara moanti pewati i tauna.