1 Tesalonika 1:3 - Sura Malelaha

³ Ane mekakaengkai i Pue Ala Umanta, kikatuinao liliu pobagomi anti pepoinalaimi, kikatuinao petulungimi i rangami anti kamaahimi, hai kikatuinao kamantahami i lalu kapari anti peharungami i Amputa Yesu Kerisitu.

1 Tesalonika 1:3 Mawu Ofanana

Yohane 14:15

“Ane nipokaahiNa, manoto nipeulai hawaNgku.

Yohane 15:10

Iko mampeulaiNa hawana UmaNgku hai tuwo liliuna i lalu ahiNa. Nodo wori, ane nipeulai hawaNgku, ina tuwo liliukau i lalu ahiNgku.

Suro 10:31

Nauliangaana tauna iti: ‘Kornelius, napehadingimi Pue Ala pekakaemu hai Naitami kamaroana lalumu.

Suro 3:19

Halalu-halalu, ido hai hangangaa menosokau hangko i dosami hai mengkorukau i Pue Ala bona Naampungi dosami. Hangko indo, Pue Ala ina mopakaroho lalumi, hai motudu Yesu mai irikamu. Lawi Iami au napakanoto Pue Ala mewali Datu Topehorema.

Roma 12:12

Nipamatana lalumi anti peharungami i hinangka au ina nababehiakau Pue Ala. Mantahakau i lalu kapari. Mekakae liliukau.

Roma 15:13

Taperapi Pue Ala, peharunganta, moweikau katana hai roa ngkatuwo i lalu pepoinalaimi i Pue Yesu, bona kamaroho-rohoa peharungami Iria anti kuasana Inao Malelaha.

Roma 15:4

Ope-ope au teuki hangkoia i lalu Sura Malelaha, teuki bona mewali paturo irikita. Hangko i paturo au tahumba i lalu Sura Malelaha iti, tabuku mantaha i lalu kapari, hai tehuweki lalunta bona maroho peharunganta i Pue Ala.

Roma 16:26

Agaiana ide-ide Pue Ala motudungiake tunggaiaNa i sura au rauki nabi-nabi hangkoia hai au rapahawe i ope-ope tauna moula parentana Pue Ala bona ope-ope tauna peisa mepoinalai hai mengkoru Iria. Iami Pue Ala au tuwo hawe i hae-haena,

Roma 16:6

Hai tabeangku wori i Maria, au mobago rumihimi irikamu.

Roma 2:7

Ara tauna au mobabehi liliuhe roa, lawi rapeinao molambi petoia, pebila hai katuwo au monono hangko i Pue Ala. I tauna au nodo, ina naweihe Pue Ala katuwo maroa au bara mokahopoa.

1 Korintu 13:13

Mewali, ide-ide, ara talu pakana au hangangaa tababehi: mepoinalaike i Pue Ala, meharungake i dandiNa, hai maahike i hangka ranganta. Agaiana hangko i talu pakana iti, au melumbu kamaroana iami ahi.

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

2 Korintu 2:17

Agaiana ikami, barangkai nodo tauna au mohaoki peahe doi hangko i popahawenda Ngkorana Pue. Mopahawengkai Ngkorana Pue hangko i kabulana lalungki anti pohintuwuki hai Kerisitu moula tunggaiana Pue Ala au motudungkai mampopolumao bagoNa. Iami au mampetirongkai.

Galatia 1:4

Pue Yesu mokirami wataNa rapapate mohuru dosanta bona tekabahake hangko i kuasa dunia au kadake ide. Iti Nababehi moula peundeana Pue Ala Umanta.

Galatia 5:13

Halalu, Nakakiomoke Pue Ala bona tekabahake hangko i Aturana Musa. Agaiana inee tapehangu katekabahanta hangko i atura iti peisamoke tuwo moula peundeana lalunta. Aginari mombepokaahike hai mombetulungike hadua hai hadua.

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

Galatia 6:9

Mewali, ineeke oha-oha mobabehi apa au maroa, lawi ane mobabehi liliuke apa au maroa, batena ina tapupu wuana i tempo au tepakanotomi.

1 Tesalonika 3:6

Mewali, ide-ide, Timotiu mesulemi inde, hai napahaweamongkai bambari au mopamatana lalungki. Nauli, “To Tesalonika iti, maroho mpuu pepoinalainda hai kamaahinda. Mabila worihe irikita, hai ikita ara liliu i lalunda. Nodo katapeinaona mampohidupaahe, ihira wori mampeinao mampohidupaake.”

2 Tesalonika 1:11

Idomi hai kipekakaea liliukau halalu. I pekakaengki kiuli node: “O Pue Ala Umangki! Kiperapi bona Nupopewali tunggaiaMu i lalu katuwonda to Tesalonika duuna Nuimbahe tauna au hintoto rauli taunaMu, lawi Nupileimohe. Kiperapi bona anti kuasaMu, Nupopewali ope-ope tunggaianda au maroa, hai Nupahandai hinangkana au rapobago anti pepoinalainda i Pue Yesu.”

2 Tesalonika 1:3

Halalu-halalu, barangkai oha-oha manguli ngkaia kamaroana i Pue Ala anti kaikamuna. Hai hintoto mpuu kibabehi nodo, lawi kamaroho-rohoami pepoinalaimi i Pue Yesu, hai katetetambaiami ahimi i hangka rangami.

1 Timotiu 1:14

Nauri mahile dosangku, agaiana melumbu mani kamahilena ahina Pue Ala. Natulungina hangko i kabulana laluNa, alana mampoinalai hai mampokaahina Kerisitu Yesu.

1 Timotiu 2:3

Itimi au maroa hai au naunde Pue Ala au mohoremake hangko i huku dosanta.

Ibarani 10:36

Kehapiri apa pea au mewali, hangangaa mantahake. Nipeulai liliu peundeana Pue Ala hai ina molambikau apa au Nadandiakau.

Ibarani 11:17

Anti pepoinalaina Burahima, i tempona napetandaka Pue Ala, ia lao mohuhu Isaki anana mewali popenombana. Hangkoia Pue Ala mololita iria, Nauli, “Batena pea pemuleana Isaki au ina raimba pemuleamu moula apa au Kudandiako.” Agaiana nauri nodo, bula laluna Burahima mohuhu anana au haduduana mewali popenombana.

Ibarani 13:21

Kuperapi bona handa kaNaparewaimi i hinangkana au maroa bona peisakau mobabehi peundeaNa. Kuperapi bona anti pohintuwuta hai Yesu Kerisitu, Pue Ala mobago i lalunta bona Napokatana mpuuke. Tatoiami Pue Yesu hawe i hae-haena. Amin.

Ibarani 4:11

Mewali halalu, hangangaa tapari-pari molambi pengkarooangaa hihimbela hai Pue Ala bona datike ara au mousuli hangko i pepoinalainta, nodo to Yahudi hangkoia au bara moula hawaNa.

Ibarani 6:15

Burahima mepoinalai liliu i Pue Ala duuna molambi apa au Nadandia Pue Ala.

1 Peturu 3:4

Pongkana kamakarami mesupa hangko i lalumi. Hangangaa maalusu babehiami hai lolitami. Itimi kamakara au bara ara katebaliana, hai au napokatana Pue Ala.

1 Yohane 3:18

Anangku, inee peake maahi hai lolitanta. Agaiana hangangaa tapatongawa kamaahinta i lalu babehianta, lawi itimi ahi au tou.

1 Yohane 3:21

Mewali, halalu au kupokaahi, ane barapoke nasalai lalunta, baimoke mohungkuki Pue Ala,

1 Yohane 3:3

Hai ope-ope tauna au moharungahe iti hangko i Kerisitu, ina mopakaraohe hinangka dosa hangko i watanda bona malelaha tuwonda nodo kamalelahana Kerisitu.

1 Yohane 5:3

Lawi ane mampokaahike Pue Ala, lempona mampeulaike hawaNa. Hai hawaNa iti, bara mapari,

Pampetudungia 2:19

Nauli: Kuisa noumba babehiami. Kuisa ahimi hai pepoinalaimi Iriko. Maroa pampopolumaomi bagoNgku. Mantahakau i lalu kapari. Meliu karumihina pobagomi Iriko ide-ide hangko i pobagomi i tempomi nguru-nguruna mepoinalai Iriko.

Pampetudungia 3:10

Anti kanipeulaina hawaNgku au manguli hangangaa mantahakau, ido hai ina Kupeparaikau hangko i kapari au ina morumpa humalele dunia. Ope-ope tauna au maida i dunia, ina rapetandakahe i tempo kapari iti.