1 Peturu 5:12 - Sura Malelaha

¹² Surangku au sosoe ide kuuki hai petulungina Silwanus, halalunta hampepepoinalai i Pue Yesu, hai kuisa ia ina mantaha liliu i lalu pepoinalaina. Inona kupahaweakau i kanoto-notoana noumba kamahilena ahina Pue Ala irikita bona maroho lalumi. Hangangaa tetida liliukau i kamaahiNa iti.

1 Peturu 5:12 Mawu Ofanana

Yohane 21:21

Kanaitana Peturu rangana iti, mekunemi i Yesu, “Pue, apa au ina mewali i rangangku ide?”

Suro 11:23

Baranaba iti, tauna au maroa laluna. Ia nakuasai Inao Malelaha hai maroho pepoinalaina. Kahawena Baranaba i Antiokia, matana mpuu laluna, lawi naita kamahilena pewatina Pue Ala irihira au mepoinalai i Yesu. Mewali, Baranaba mopakaroho lalunda, hai nauliangaahe bona mampeulai liliuhe Pue Yesu hangko i lalunda. Ido hai bosa wori to Antiokia mepoinalai i Pue Yesu.

Suro 15:22

Roo indo, suronahe Pue Yesu, penatua-penatua hai ope-ope to Sarani au teruhu inditi mopileihe bahangkia ranganda bona ratuduhe lao i Antiokia hihimbela hai Paulu hai Baranaba. Au rapilei iti, rodua tobalilo au rabila halalu hampepepoinalainda, iami Silas, hai Yudasi, au rahanga wori Barsabas.

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

Roma 5:2

Anti pepoinalainta i kanatanga-tangainta Yesu Kerisitu au mopahintuwuke hai Pue Ala, ido hai taisami kabulana laluna Pue Ala i lalu katuwonta ide. Hai matana lalunta, lawi maroho peharunganta. Anti peharunganta iti, taisa kaina molambita kiranta i lalu peawana tuwona Pue Ala.

1 Korintu 15:1

Ide-ide halalu, kupeinao kupopaingaakau Ngkora Marasa au kupahaweamokau. Ngkora Marasa iti nidokomi hai nipopobundumi i katuwomi mopakaroho pepoinalaimi.

2 Korintu 1:19

Lawi Yesu Kerisitu, Anana Pue Ala, au kibambariamokau, iko, Silas hai Timotiu, bara nodo tauna au bara tetida pekirina, hambela manguli “io” hambela manguli “bara”. Agaiana Ia ane Naulimi “io” barapi ina tebaliki.

2 Korintu 1:24

Barapokau kupari-pari kana i apa au hangangaa nipoinalai, lawi marohomi pepoinalaimi i Kerisitu. Agaiana kiunderi mobago sambela hai ikamu bona matana lalumi.

Epesu 3:3

Hangkoia, tunggaiana Pue Ala iti tewuniangi mani. Agaiana ide-ide Napatongawami iriko, hai iti kuukimi i lalu surangku ide nauri sosoe pea.

Epesu 6:21

Mewali bona niisa noumba katuwongku hai pobagongku, kutudu halalunta Tikikus lao mosondakikau bona napahaweakau hinangka apa au mewali inde. Tikikus iti, iami halalunta hampepepoinalai au tapokaahi, hai au mampopolumao liliu bagona Pue Ala i lalu kamatundu.

Kolose 1:7

Ngkora Marasa iti nihadi hangko i Epafras, rangangki hampopobago au kipokaahi. Epafras iti iami hawina Kerisitu au mobago liliu motulungikau.

Kolose 4:7

Kutudumi halalunta Tikikus lao irikamu bona nauliangaakau apa au mewali iriko inde. Tikikus iti iami halalunta au tapokaahi hai rangangku hampopobago au mampopolumao liliu bagona Pue.

Kolose 4:9

Hihimbela hai Tikikus, kutudu worimi Onesimus, halalu hambomboeami au tapokaahi, hai ia tauna au peisa rapoinalai. Ihira rodua ina mouliangaakau ope-ope au mewali inde.

1 Tesalonika 1:1

Sura ide hangko irikami: Paulu, Silas hai Timotiu. Kipakatuakau jumaa i Tesalonika au mohintuwumokau hai Pue Ala Umanta hai Pue Yesu Kerisitu! Mekakaengkai i Pue Ala bona Nawatikau hangko i kabulana laluNa hai Naweikau roa ngkatuwo.

2 Tesalonika 1:1

Sura ide hangko irikami: Paulu, Silas hai Timotiu. Sura ide kipakatu irikamu halalungki hampepepoinalai i Tesalonika au menombakau i Pue Ala Umanta hai i Pue Yesu Kerisitu! Mekakaengkai bona Pue Ala Umanta hai Pue Yesu Kerisitu mowatikau hai moweikau roa ngkatuwo.

Ibarani 13:22

Halalu-halalu, kuperapi bona nipehadingi maroa-roa ide paturongku, nauri ihi surangku ide sosoe pea.

1 Peturu 1:13

Mewali, halalu, anti kamarohona peharungami, ido hai kuuliangaakau: nipakanoto pekirimi, nirempeki peundeana lalumi au kadake, hai nipakaroho peharungami i kabulana laluNa au ina raweikau ane hawe hulemi Yesu Kerisitu.

1 Peturu 4:10

Ikita ope-ope molambimoke kapande au montani-ntani moula apa au naweike Pue Ala. Mewali hangangaa tapake kapande iti bona motulungike ranganta hai tapopolumao maroa bago au naweimoke Pue Ala hangko i kabulana laluNa.

2 Peturu 1:12

Mewali halalu, nauri niisa ope-ope ide, hai nauri maroho peulami i paturo au tou, agaiana barana oha-oha mampopaingaakau paturo ide.

2 Peturu 2:15

Mehupemohe hangko i rara au tou, ido hai kadake babehianda. Moulahe rara au naporarai Bileam anana Beor hangkoia, lawi Bileam mohaoki pea doi au nahumba hangko i babehiana au kadake.

3 Yohane 1:12

Demetrius, ratoia ope-ope tauna. Ia hintoto mpuu ratoia, lawi babehiana moula paturo au tou. Kitoia wori, hai nuisa katouna lolitangki.

Yudasi 1:3

Halalu au kupokaahi! Nguru-nguruna au kekuukiakau i sura ide iami kana i katehorema au tahumba sambela hangko i Pue Ala. Agaiana ide-ide, tediimi lalungku mobaliki tunggaiaku au nguru-nguruna. Ide-ide kuukiakau sura ide bona nipakaroho pepoinalaimi i paturo au tou hai bona niewa liliuhe tauna au moanti paturo au sala. Lawi Pue Ala mopahawe paturo au tou irikita ope-ope au mewali kiraNa bona iti au tapoinalai, hai paturo iti bara peisa rabaliki.