1 Peturu 4:5 - Sura Malelaha

⁵ Agaiana hambela tempo tauna iti hangangaa mohanai Pue Ala kana i babehianda au kadake. Lawi Pue Ala ina mobotusi kara-karanda ope-ope tauna, maroa au tuwo mani ba au matemohe.

1 Peturu 4:5 Mawu Ofanana

Matiu 12:36

Mewali bona niisa: i alo pebotusi i kahopoa dunia, ope-ope tauna hangangaa mopangaku ope-ope lolitanda. Kehapiri lolita au bara mobundu, hangangaa rapangaku.

Lukasi 16:2

Ido hai topebuku iti mokakio topobagona, nauliangaa, ‘Ara lolita au rapahaweana kana i pobagomu. Ba tou ba bara? Mewali, hangangaa nupasilolonga ope-ope suramu bona kuparesa. Roo naparesa, nauli topebuku iti, Oio barapoko ina mokadipura doingku hai anu-anungku.’

Suro 10:42

Hai Natudungkai moanti bambari i ope-ope tauna, hai mewali sabi kaIana mpuu au napilei Pue Ala mewali Topobotusi ope-ope tauna, maroa au tuwo mani ba au matemi.

Suro 17:31

Lawi i hambela tempo au Napakanotomi, Pue Ala ina mobotusi kara-karanda tauna i humalele dunia i kanoto-notoaNa. PobotusiNa iti ina napobago hadua tauna au napilei Pue Ala. Hai tauna iti Napatuwo hule hangko i kapate bona tongawa i ope-ope tauna kaIana au Napilei.”

Roma 14:9

Ido hai Kerisitu mate hai tuwo hule bona Ia mewali Ampunda ope-ope tauna, maroa au tuwohe, maroa au matehe.

2 Timotiu 4:1

Timotiu! Paturongku ide kupahawe hangko i lalungku mpuu. Ane hawe hulemi Pue Yesu i dunia ide, Ia ina moparenta nodo hadua Datu, hai mobotusi kara-karanda ope-ope tauna, maroa au tuwo manihe, maroa au matemohe. Ido hai i lindona Pue Ala hai Kerisitu Yesu kuweiko lolita ide:

Yakobu 5:9

Halalu, ineekau mohume-hume hai mombesasalai datikau narumpa pehuku. Lawi ara hadua topebotusi au hungkumi, hai barapi mahae ina hawemi!