1 Peturu 4:16 - Sura Malelaha

¹⁶ Agaiana ane rapopeahi-ahikau anti katoSaranimi, inee nipokaea. Niuli ngkaia kamaroana i Pue Ala lawi ikamu au rauli topeulana Kerisitu.

1 Peturu 4:16 Mawu Ofanana

Suro 11:26

Kanalambina, naporangami lao i Antiokia hai maidahe inditi hampare kamahaena. Teruhuhe inditi hihimbela hai tauna au mepoinalai i Yesu, hai mopaturohe tauna bosa. Inditimi nguru-nguruna, tauna au mepoinalai i Yesu rauli to Sarani.

Suro 26:28

Nahanai Datu Agripa nauli, “Nupehangu pae, holi-holi pewalingku to Sarani.”

Suro 28:22

Kipeinao mohadi kana paturo au nupoinalai iti. Lawi kihadi iumba-umba pea tauna mosapuaka paturo au nupoinalai iti.”

Suro 5:41

Padumohe suro iti mopalehi poteruhuanda. Matana mpuu lalunda, lawi Naweihe Pue Ala katepaka rapopeahi-ahi hai rakakabosai anti peulanda i Yesu.

Pilipi 1:20

Peundeaku hai peharungangku hangangaa mampopolumaona bagongku au napatokami Pue Ala iriko i karoa-roakana datina maea. Kuharunga ina baina mopahawe liliu posabingku, pelumbunami ide-ide bona mampomahilena hangana Kerisitu, maroa i tuwongku, maroa i kapatengku.

Pilipi 1:29

Mewali, ineekau langa i tauna au moewakau, lawi tunggaiana Pue Ala mopileikau, bara pea bona mepoinalaikau i Kerisitu, agaiana bona molambi worikau kapari alana hangana Kerisitu rapomahile.

2 Timotiu 1:12

Mewali, anti pobagongku mobambari Ngkora Marasa iti, ido hai molambina kapari i lalu tarunggu. Agaiana nauri nodo, barana maea. Lawi kuisa kahemana au kupoinalai, hai kupoinalai kaIana au ina mokadipurana, hai batena manoto i lalungku kamakuasaNa mokadipurana hawe i alo pebotusi.

Yakobu 2:7

Bara pae ihirami au mopapakoi hangana Pue Yesu au tebila hai au mewali Amputa?

1 Peturu 2:12

Arahe tauna au bara moisa Pue Ala au mopapakoikau hai mopakadakekau. Ido hai hangangaa nipamaroa-roa babehiami bona kamaroana babehiami ina tongawa irihira. Kahopoana, ina rapangaku kamaroana babehiami, alana motoiahe Pue Ala i alo kahaweNa.

1 Peturu 4:11

Hema au motuntu, hangangaa mopahawe apa au nadokomi hangko i Pue Ala. Hema au motulungi rangana, hangangaa metulungi hangko i karoho au nalambi hangko i Pue Ala. Hangangaa nibabehi nodo bona i hinangkana au mewali, Pue Ala rapomahile i lalu hangana Yesu Kerisitu, lawi Pue Ala au makuasa hai hintoto rapomahile hawe i hae-haena! Amin.

1 Peturu 4:14

Morasikau, halalu, ane rakakabosaikau anti peulami i Kerisitu, lawi Inao Malelaha au meawa au hangko i Pue Ala maida liliu i lalumi.

1 Peturu 4:19

Ido hai, halalu, ane arakau au molambi kapari moula peundeana Pue Ala, nipaisare katuwomi i Pue Ala au mampopewali hinangkana, hai hangangaa nibabehi liliu babehia au maroa. Hai Pue Ala ina mopabukei ope-ope dandiNa irikamu.