1 Peturu 3:17 - Sura Malelaha

¹⁷ Agintami molambi kapari anti babehianta au maroa, ane iti peundeanami Pue Ala, paneke molambi kapari anti babehianta au kadake.

1 Peturu 3:17 Mawu Ofanana

Matiu 26:39

Roo indo, lao karao haodi, molingkudumi motumpa mekakae, Nauli, “UmaNgku, ane peisa, Nupakaraoa wongkoia kapari au ina morumpaNa ide. Agaiana bara peundeaKu au Kuula; peundeaMuri, Uma.”

Matiu 26:42

Hangko inditi, lao mbulimi mekakae haduduana, Nauli, “UmaNgku, ane kapari ide bara peisa rapakarao hangko Iriko, batena peundeaMuri au mewali.”

Suro 21:14

Anti kadana napokana pekontoki, ido hai barapi kipari-pari kikonto. Kiuli pearai, “Peundeana pea Pue au mewali.”

1 Peturu 1:6

Ido hai hangangaa matana liliukau. Ide-ide masusa lalumi lawi ara ngkaia pakana kapari au morumpakau. Agaiana nauri nodo, hangangaa nipamatana lalumi, lawi kaparimi iti hampalai pea.

1 Peturu 2:15

Hangangaa nibabehi nodo, lawi itimi peundeana Pue bona hangko i kamaroana babehiami, tauna au bara moisa Pue barapohe bai mosalaikau.

1 Peturu 2:20

Ane mantahakau mohalea kapari au nihumba anti kamasalami, apami porasiami? Agaiana ane molambikau kapari anti babehiami au maroa hai mantahakau mohalea kapari iti, batena napokatanakau Pue Ala.

1 Peturu 3:14

Agaiana ane rapana molambikau kapari hangko i babehiami au manoto, morasikau! Mewali, ane arahe tauna au mampopalangakau, ineehe nipokalanga hai inee karao inaomi.

1 Peturu 4:15

Agaiana inee mpuu ara hadua i olomi au molambi kapari lawi mepapate ba manangka ba mobabehi au kadake ba mampesuaki peami urusana rangana.

1 Peturu 4:19

Ido hai, halalu, ane arakau au molambi kapari moula peundeana Pue Ala, nipaisare katuwomi i Pue Ala au mampopewali hinangkana, hai hangangaa nibabehi liliu babehia au maroa. Hai Pue Ala ina mopabukei ope-ope dandiNa irikamu.