1 Peturu 3:11 - Sura Malelaha

¹¹ Ia hangangaa mokabaha babehiana au kadake hai mobabehi apa au maroa. Hangangaa napari-pari mohintuwu hai hangka rangana,

1 Peturu 3:11 Mawu Ofanana

Matiu 5:45

Lawi ane maroa lalumi i iwalimi, babehiami ina nodo babehiana Umami au ara i suruga, hai ina tongawa kaikamuna anana Pue Ala. Lawi Pue Ala maroa laluna i ope-ope tauna. Ia mampopesupa alo i tauna au maroa hai i tauna au kadake. Napopendaulu uda i tauna au manoto hai i tauna au motengko lalunda.

Matiu 5:9

Morasihe tauna au moanti pohintuwu i hangka ranganda, lawi ihirami au ina rauli anana Pue Ala.

Matiu 6:13

Inee wongkamia Nupogiangaa nakelo tokadake agaiana Nukabaha wongkamia hangko i kuasa au kadake. [Lawi Oiomi ampu Kadatua hai Kuasa hai Peawa, hawe i hae-haena. Amin.]

Markus 14:7

Lawi tauna au meahi-ahi, ara mpaliliuhe irikamu. Ane niunde motulungihe, arato katepakami. Agaiana Iko, baraNa ara liliu irikamu.

Lukasi 1:79

Lawi nodo alo mosimbaki dunia au makaindi ide, nodo wori Pue mowangkahi tauna au tuwo i lalu kamakaindi hai au mampokalanga kapate. Ia ina moninike bona molambike roa ngkatuwo.”

Lukasi 6:35

Inee nodo babehiami! Hangangaa nipokaahi iwalimi, hai hangangaa nibabehi au maroa irihira. Ane ara tauna au mampeinao mebolo irikamu, niwei woia hai inee niharunga pesulena. Ane nibabehi nodo, ngkaia pewati ina naweikau Pue Ala, hai ina raimbakau anaNa, lawi nodomi kamaroana laluna Pue Ala i tauna au kadake hai i tauna au bara raisa manguli ngkaia kamaroana Iria.

Lukasi 6:9

Roo indo, Nauliangaahe Yesu, “Moula atura agamanta, apa au peisa tababehi i Alo Pengkarooangaa: mobabehike au maroa ba au kadake? Motulungike ranganta ba mopapateke ranganta?”

Yohane 17:15

Bara Kuperapi bona topeulaNgku Nualamohe hangko i dunia ide. Agaiana Kuperapi bona Nupeparaihe hangko i Datu Tokadake.

Roma 12:18

Nipari-pari mobabehi apa pea au maroa i tauna bona peisakau tuwo mohintuwu hai rangami.

Roma 14:17

Lawi i lalu poparentana Pue Ala, bara ada mpaande ba paenu au mewali patoana i peitana Pue Ala. Patoana iami lalunta au manoto, pohintuwuta hai ranganta, hai katana lalu au naweike Inao Malelaha.

Roma 14:19

Ido hai hangangaa tapari-pari mohintuwu hai ranganta hai mombepakaroho mpolaluke hadua hai hadua.

Roma 5:1

Mewali, ide-ide manotomoke i peitana Pue Ala anti pepoinalainta. Ido hai maroami pohintuwuta hai Pue Ala anti kanatanga-tangainta Amputa Yesu Kerisitu.

Roma 7:19

Bara kubabehi babehia au maroa nodo peundeaku. Au kubabehi liliu, iami babehia au kadake au bara kuunde.

Roma 7:21

Itimi au mewali liliu i lalu katuwongku kuunde mobabehi apa au maroa, agaiana babehia au kadake peari au kubabehi.

Roma 8:6

Lawi peundeana lalunda au kadake mopaara kapate, agaiana peundeana Inao Malelaha mopaara katuwo hai roa ngkatuwo.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Galatia 6:10

Ido hai, liana mani ara loga au raweike, hangangaa mobabehike apa au maroa i ope-ope tauna, pelumbunami i halalunta hampepepoinalai.

Kolose 3:15

Pue Ala mokakiokau hai Napopewalikau hawata-wata anti pohintuwumi hai Kerisitu. Mewali, nipakaroho liliu kahintuwumi au hangko i Kerisitu. Hai niuli liliu ngkaia kamaroana i Pue Ala.

1 Timotiu 6:18

Nuweihe lolita bona manoto liliu babehianda, maroa lalunda: motulungihe hangka ranganda hai ineehe bohi.

Ibarani 12:14

Hangangaa nipari-pari mohintuwu hai ope-ope tauna. Nipari-pari wori bona malelaha tuwomi, lawi tauna au bara malelaha tuwona bara ina moita Pue.

Ibarani 13:16

Ineekau mokabaha babehiami au maroa. Hangangaa motulungikau rangami, lawi itimi popenomba au napokatana Pue Ala.

Yakobu 4:17

Mewali, hema au moisa apa au maroa au hangangaa nababehi agaiana bara nababehi, tauna iti madosa.

1 Peturu 3:12

lawi Pue Ala mokampaihe ope-ope tauna au moula peundeaNa, hai Ia mampehadingi pekakaenda. Agaiana Pue Ala moewa ope-ope tauna au kadake babehianda.”

3 Yohane 1:11

Halalungku! Ineeko mampeulai babehia au kadake. Nupeulaimi babehia au maroa. Tauna au mobabehi roa, tongawa kanapoanandami Pue Ala. Tauna au mobabehi dake, tongawa kadanda mani moisa Pue Ala.