1 Peturu 2:7 - Sura Malelaha

⁷ Irikamu, tauna au mepoinalai, watu iti mobundu ntepuu. Agaiana i tauna au barahe mepoinalai, tepabukeimi au teuki i lalu Sura Malelaha node: “Watu au ratende topoaro sou, watu iti au mewali pohudaa sou.” Hai: “Watu iti au mewali katehubeanda, au moantihe manawo.”

1 Peturu 2:7 Mawu Ofanana

Matiu 21:42

Nauliangaahe Yesu, “Bara mani pae nibasa lolita ide i lalu Sura Malelaha au manguli node: ‘Watu au ratende topoaro sou, watu iti au mewali pohudaa sou. Iti mewali moula peundeana Pue Ala, hai maroa ntepuu apa au Nababehi iti.’ ”

Lukasi 2:32

Datu Topehompo ide iami pewangka au ina mopakanoto lalunda tauna au barahe to Isaraeli bona raisaKo, Pue. Hai Ia ide ina moanti pebila i anaMu, ikami to Isaraeli.”

Lukasi 2:34

Roo indo, Simeo mowatihe hai mouliangaa Maria, “Anti kahawenami Anamu ide, bosa to Isaraeli ina molambi pehuku, agaiana bosa wori tauna ina Nahorema bona molambihe katuwo maroa. Iami au Napilei hai au Natudu mai Pue Ala, agaiana Ia ina rasapuaka tauna bosa,

Lukasi 20:17

Agaiana Natotokihe Yesu hai Nauli, “Apa lempona lolita ide au teuki i lalu Sura Malelaha: ‘Watu au ratende topoaro sou, watu iti au mewali pohudaa sou’?”

Yohane 4:42

hai mololitahe i towawine iti, “Ide-ide kipoinalai mpuumi, bara pea hangko i lolitamu, agaiana lawi kihadimi lolitaNa, hai kiisa kaIana mpuumi Datu au mohorema manusia hangko i huku dosanda.”

Suro 26:19

“Datu Agripa au kubila, idomi hai kupari-pari mampeulai apa au nauliangaana Pue i lalu pampetudungiaNa iriko.

Roma 10:21

Agaiana kana i to Isaraeli, Pue Ala manguli node, “Kehapiri hangaloa Kuona taieNgku modokohe, batena rasapuakaNa hai matua liliu lalunda.”

Roma 15:31

Mekakaekau i Pue Ala bona Nakampaina hangko i tauna au barahe mepoinalai i Pue ane laona deade i tampo Yudea. Mekakae worikau bona taunana Pue Ala au i Yerusale ina modoko maroahe doi petulungi au kuanti ide.

Kolose 2:10

Mewali, ane mohintuwumokau hai Kerisitu, barapi ara kamakurami, lawi ope-ope au ara i Kerisitu ara wori irikamu, hai Ia au meliu kuasaNa hangko i ope-ope au makuasa hai au moparenta.

Titu 3:3

Lawi hangkoia, makaindi mani lalunta, bara taisa rara au manoto, taliungi AturaNa. I tempo iti, napohawi manike peundeana lalunta au kadake hai katana dunia au mepakanawo. Kadake lalunta, mahinake i ranganta, hai mombekahihi peake.

Ibarani 11:31

Anti pepoinalaina, Rahab bara rapapate nodo tauna au hambomboeana au barahe mengkoru i Pue Ala. Rahab iti, hadua towawine au bara maroa babehiana. Agaiana i temponda bahangkia surodado to Isaraeli lao mampendenga boea Yeriko, nadokohe i souna, hai natulungihe.

Ibarani 4:11

Mewali halalu, hangangaa tapari-pari molambi pengkarooangaa hihimbela hai Pue Ala bona datike ara au mousuli hangko i pepoinalainta, nodo to Yahudi hangkoia au bara moula hawaNa.

1 Peturu 1:8

Nauri bara manikau moita Yesu Kerisitu, agaiana, nipokakaiami. Hai ide-ide, bara mani wori niita, agaiana nipoinalaimi. Ido hai matana lalumi, hai kamatanami iti mahile, melumbu hangko i apa au peisa rapololita.

1 Peturu 2:4

Pue Yesu peisa rapandiri nodo haogu watu au tuwo. Watu iti ratende tauna, lawi rauli bara mobundu. Agaiana i peitana Pue Ala, watu itiri au mahile holona, hai Pue Ala mopilei watu iti mewali watu pohudaa sou. Hai ikamu, halalu au mepoinalai i Pue Yesu, maikau i Pue Yesu,

1 Peturu 2:8

Tehubehe Iria, lawi barahe mampoinalai Ngkorana Pue Ala. Iti mewali moula apa au napakanotoamohe Pue Ala.