1 Peturu 2:20 - Sura Malelaha

²⁰ Ane mantahakau mohalea kapari au nihumba anti kamasalami, apami porasiami? Agaiana ane molambikau kapari anti babehiami au maroa hai mantahakau mohalea kapari iti, batena napokatanakau Pue Ala.

1 Peturu 2:20 Mawu Ofanana

Matiu 26:67

Hangko inditi, arahe au motinuduhi lindoNa hai mopapahai wataNa. Ara worihe au mopapakoi: rabungkuhi mataNa, rahapa hai rauliangaa,

Matiu 5:47

Ane maroa pea lalumi i himadami, ba niuli maroami babehiami? Mogalori tauna au bara moisa Pue Ala, nodo wori rababehi.

Markus 14:65

Hangko inditi, arahe au motinuduhi Yesu, ara worihe au mampopowadi-wadi: ratuko mataNa, rajangguru, hai rauliangaa, “Ee nabi! Uli ba hema au mojangguruKo!” Topekampai mohapa worihe Yesu.

Lukasi 6:32

Ane maahi peakau i tauna au mampokaahi worikau, inee nipehangu ina nawatikau Pue Ala. Mogalori tauna au kadake, maahihe i tauna au mampokaahihe.

1 Korintu 4:11

Duuna ide-ide, bara handa paandeki, bara handa paenungki, bara handa hampiki. Rapopeahi-ahi liliungkai. Bara ara paidaangki au maroa.

Galatia 4:18

Barakau kusalai ane arahe au modiikau mewali ranganda, asala maroa tunggaianda. Hai tunggaianda hangangaa maroa liliu, bara pea i tempoku ara i olomi.

Epesu 5:10

Nipari-pari mobabehi apa au hintoto i peitana Pue.

Pilipi 4:18

Mewali bona niisa: ope-ope au nipakatu, kulambimi hangko i Epafroditus. Pakatumi iti bara pea handa, agaiana melabitori hangko i apa au kuparaluu. Kabula lalumi iti nodo anu-anu mawongi au nipopenomba i Pue Ala. Popenombami iti Napokana mpuu, hai matana laluNa modoko.

1 Peturu 2:19

Ane arakau au rapopeahi-ahi ampumi kehapiri barakau masala, nitodiha peami mohalea kapari iti, lawi niisa iti peundeana Pue Ala bona mengkorukau. Ane nibabehi nodo, ina nawatikau Pue Ala.

1 Peturu 3:14

Agaiana ane rapana molambikau kapari hangko i babehiami au manoto, morasikau! Mewali, ane arahe tauna au mampopalangakau, ineehe nipokalanga hai inee karao inaomi.

1 Peturu 3:17

Agintami molambi kapari anti babehianta au maroa, ane iti peundeanami Pue Ala, paneke molambi kapari anti babehianta au kadake.