1 Peturu 1:25 - Sura Malelaha

²⁵ agaiana Ngkorana Pue Ala mantaha hawe i hae-haena.” Ngkorana Pue Ala iti, iami Ngkora Marasa au rapahaweamokau.

1 Peturu 1:25 Mawu Ofanana

Matiu 5:18

Tou mpuu au Kuuliangaakau, ope-ope lolita au teuki i lalu Sura Aturana Pue Ala hangangaa mewali. Ane ara mani langi hai dunia ide, batena bara ara hambua lolita i lalu Aturana Pue Ala au bara ina mewali, nauri au koi ntepuu.

Lukasi 16:17

Ope-ope lolita au teuki i lalu Sura Aturana Pue Ala hangangaa mewali. Ane ara mani langi hai tampo, batena bara ara hampaka lolita i lalu Sura Aturana Pue Ala au bara ina mewali.

Yohane 1:1

Nguru-nguruna, hangko damani dunia rapopewali, arami Ngkora. Ngkora iti, aminami hihimbela hai Pue Ala, hai Ngkora iti iami Pue Ala haduduaNa.

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

1 Korintu 2:2

Lawi kupakanotomi i lalungku: mepongka i kahawengku irikamu, barana ina mampololita au ntanina, batena pea Yesu Datu Topehompo au mate rapaku i kau mombehape.

Epesu 2:17

Kerisitu mai bona mopahawe bambari pohintuwu irikamu au karao hangko i Pue Ala hai irikami to Yahudi au hungku i Pue Ala.

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

Titu 1:3

Mewali, i tempo au Napakanoto, Napopaisaake rara molambi katuwo maroa melempo i bagongku mobambari Ngkora. Bago iti Napoinalaiana moula hawana Pue Ala, au mohoremake hangko i huku dosanta.

Ibarani 6:5

moisa mpuuhe kamaroana Ngkorana Pue Ala hai kuasana Pue Ala au ina tongawa i alo-alo au ina mai.

1 Peturu 1:12

Hai Pue Ala mampopaisaahe nabi-nabi hangkoia barahe mopahawe bambari kana i watanda haduduanda. Agaiana ikamuri au ratunggai. Hai ide-ide, apa au rapahawe nabi-nabi hangkoia, rapahawemi i kanoto-notoana irikamu, lawi aramohe tauna au mopahaweakau Ngkora Marasa melempo i kuasana Inao Malelaha au hangko i Pue Ala. Mogalori malaeka, mampeinao worihe moisa kana i katuwo maroa au nihumba iti.

1 Peturu 1:23

Lawi molambimokau katuwo au wou, hai katuwo au wou iti bara hangko i manusia au peisa mate. Katuwo iti naweikau Pue Ala au bara ara kahopoana. Molambikau katuwo au wou lawi mepoinalaimokau i Ngkorana Pue Ala au tuwo hai au bara mokahopoa.

1 Peturu 2:2

Nodo hadua analei au hangko mesupa mampeinao peami mentomi irinana, ikamu wori hangangaa mohaoki liliu peamokau paandena tanoanami, iami Ngkorana Pue Ala. Hangangaa nipailalu Ngkorana Pue bona kamaroho-rohoa lalumi hai kamanoto-notoari pekirimi alana molambikau katehorema.

2 Peturu 1:19

Ido hai kipoinalai mpuu Ngkorana Pue Ala au rapahawemi nabi-nabi hangkoia kana i Yesu. Lolitanda iti nodo hulo au mewangka i lalu kakaindiana. Lolitanda nabi iti hangangaa nipailalu liliu duuna Pue Yesu hawe hule i dunia ide. Kahawena hule Yesu peisa rapandiri nodo pembeto alo ba nodo Betue i Mata alo au mewangka i lalumi.

1 Yohane 1:1

Sura ide mampololita kana i Ngkora au mopaara katuwo. Ngkora iti, arami hangko i nguru-nguruna, kihadimi, kiita matami, kisabikimi hai kipetobomi.

1 Yohane 1:3

Apa au kiita hai kihadimi, iti au kipahaweakau bona ikamu wori mepoinalaikau hai peisakau mohintuwu hai ikami i lalu pohintuwuki hai Pue Ala Umanta hai Yesu Kerisitu AnaNa.

Pampetudungia 14:6

Moita worina hadua malaeka ntanina au membaro i laerawa. Malaeka iti mobambari Ngkora Marasa au bara ara katebaliana hawe i hae-haena. Ngkora Marasa iti nabambari i humalele tauna i dunia, i ope-ope kadatua, ope-ope pemulea hai i hinangkana basa.