1 Peturu 1:23 - Sura Malelaha

²³ Lawi molambimokau katuwo au wou, hai katuwo au wou iti bara hangko i manusia au peisa mate. Katuwo iti naweikau Pue Ala au bara ara kahopoana. Molambikau katuwo au wou lawi mepoinalaimokau i Ngkorana Pue Ala au tuwo hai au bara mokahopoa.

1 Peturu 1:23 Mawu Ofanana

Matiu 24:35

Langi hai tampo ina magero, agaiana lolitaNgku batena ara hawe i hae-haena.”

Lukasi 8:11

Idemi lempona ngkora pandiriKu inona: tinuda au rahawu iti, lempona Ngkorana Pue Ala.

Yohane 1:13

Mewalihe anana Pue Ala bara hangko i ulu bubunda, ba anti posamboko tauna ba anti i peundea manusia. Batena pea mpuu Pue Ala au mampopewalihe anaNa.

Yohane 1:3

Iami au napopatoa Pue Ala mampopewali hinangkana au ara. Bara ara hampaka au mewali ane bara Ia.

Yohane 3:3

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Yohane 3:5

Nauli Yesu, “Ane tauna bara rapoanaka hai owai hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou!

Yohane 6:63

Inaonami Pue Ala au mowei katuwo. Kamaroho manusia bara mobundu. Lolita au Kupahaweakau mesuwu hangko i Inaona Pue Ala hai katuwo.

Roma 1:23

Barahe mau menomba i Pue Ala au tuwona monono. Menombarihe i watu au rababehi himbela hai lengge pinatuwo au peisahe mate; nodo tadasi, binata au mobiti iba hai binata au mendele ba nodo manusia.

Ibarani 4:12

Lawi Ngkorana Pue Ala iami lolita au tuwo hai au makuasa. Meliu kamataruna hangko i piho au momata mpotimali. Piho peisa mebelai hawe i leho-leho buu hai ati buu. Nodo wori NgkoraNa Pue Ala metohu hawe i lalunta. Ngkora iti napake Pue Ala moparesa pekirinta hai tunggaiana lalunta.

Yakobu 1:18

Napopewalimoke anaNa moula peundeaNa haduduaNa melempo i Ngkora Marasa, au bara ara kamasalana, bona hangko i ope-ope au Napopewali, ikitami au Napokatana ntepuu.

1 Peturu 1:25

agaiana Ngkorana Pue Ala mantaha hawe i hae-haena.” Ngkorana Pue Ala iti, iami Ngkora Marasa au rapahaweamokau.

1 Peturu 1:3

Tatoiami Pue Ala, Umana Amputa Yesu Kerisitu! Anti kamahilena ahiNa, Naweimoke katuwo au wou, hai katuwo au wou iti tahumba hangko i katuwona hule Yesu Kerisitu. Ido hai maroho peharunganta.

1 Yohane 3:9

Ope-ope tauna au napoana Pue Ala, barapohe mobabehi dosa, lawi poantina Pue Ala arami i lalunda. Barapohe mobabehi dosa, lawi napoanamohe Pue Ala.

1 Yohane 5:18

Au taisa: ope-ope tauna au napoana Pue Ala, barahe mobabehi liliu dosa, lawi nakampaihe Anana Pue Ala, ido hai barahe peisa nasilakai Datu Tokadake.