1 Peturu 1:18 - Sura Malelaha

¹⁸ Hangangaa mengkorukau i Pue Ala, lawi niisami noumba kanahompokimi Pue Ala. Ia mokabahamokau hangko i tuwomi hangkoia au bara mobundu. Tuwomi iti iami sosorami hangko i toiorumi. Hai i kaNahompokimi Pue Ala iti, bara hai anu-anu au bara mantaha nodo bulawa ba salaka,

1 Peturu 1:18 Mawu Ofanana

Markus 8:37

Katuwo maroa iti bara ara intolohina.

Roma 1:21

Raisato kaarana Pue Ala, agaiana barahe mengkoru Iria, hai bara wori raisa manguli ngkaia kamaroana Iria. Pekirinda kakakaraoari hangko i Pue Ala, alana makaindi lalunda.

1 Korintu 3:20

Ara wori au teuki node: “Pue Ala moisa hinangka tangara lalu manusia, katouana ope-ope iti mbero-mbero pea.”

1 Korintu 6:20

Lawi ikita ide naholomoke Pue Ala hai pirimoke Nabaiari. Ido hai watanta ide hangangaa tapake mobila Pue Ala.

1 Korintu 7:23

Masuli kanaholomi Pue Ala. Ineemokau moula peundeana manusia.

Galatia 1:4

Pue Yesu mokirami wataNa rapapate mohuru dosanta bona tekabahake hangko i kuasa dunia au kadake ide. Iti Nababehi moula peundeana Pue Ala Umanta.

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Ibarani 9:12

I tempoNa mesua i lalu Bambaru Malelaha, Ia liliu lao i lalu Hologa Malelaha Ntepuu molindo Pue Ala. Hai wahe au Naanti mesua, bara wahe towau laki ba wahe ana japi laki, agaiana waheNa haduduaNa. PesuaNa iti, hambela pea i hae-haena, lawi hai waheNa iti, Ia mohompomi dosanta hawe i hae-haena.

1 Peturu 1:7

Narumpakau kapari bona ane mantahakau ina tongawa mpuu kamarohona pepoinalaimi. Ane bulawa rawoli i api, tongawa bulawa ba bara. Agaiana melumbu kamasulina pepoinalaimi pane bulawa, lawi bulawa bara mantaha hawe i hae-haena. Bulawa hangangaa raparesa i lalu api. Nodo wori pepoinalaimi hangangaa rapetandaka i tempomi narumpa kapari. Mewali ane maroho mpuu pepoinalaimi, ikamu ina ratoia, rabila hai rapomahile i kahaweNa hule Yesu Kerisitu i dunia.

1 Peturu 4:3

Lawi mahae gagamokau mobabehi babehianda tauna au barahe moisa Pue. I tempo iti, merikai babehiami, moulakau peundeana lalumi au kadake, malangu-langukau, mosusa liliukau, masurokoakau, hai menombakau i anitu au bara hintoto rapenombai.

1 Yohane 3:5

Hai niisa mpuu halalu, tunggaiana Yesu mai i dunia ide bona mogewo dosa manusia, nauri Ia haduduaNa, bara ara dosaNa.