1 Peturu 1:12 - Sura Malelaha

¹² Hai Pue Ala mampopaisaahe nabi-nabi hangkoia barahe mopahawe bambari kana i watanda haduduanda. Agaiana ikamuri au ratunggai. Hai ide-ide, apa au rapahawe nabi-nabi hangkoia, rapahawemi i kanoto-notoana irikamu, lawi aramohe tauna au mopahaweakau Ngkora Marasa melempo i kuasana Inao Malelaha au hangko i Pue Ala. Mogalori malaeka, mampeinao worihe moisa kana i katuwo maroa au nihumba iti.

1 Peturu 1:12 Mawu Ofanana

Matiu 11:25

I tempo iti, mekakaemi Yesu, nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia, Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande,

Matiu 11:27

Roo indo, nauli mbuli Yesu, “Hinangkana NaweimoNa UmaNgku. Bara ara hadua au moisaNa, Iko Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.

Matiu 16:17

Nauli Yesu, “Simo anana Yunu, morasi mpuuko, lawi bara manusia au mampopaisaako iti, agaiana UmaNgkuri au ara i suruga.

Markus 16:15

Nauliangaahe Yesu, “Laomokau i humalele dunia, mopahawe Ngkora Marasa i ope-ope tauna.

Lukasi 15:10

Nodo wori kamatananda malaekana Pue Ala mampokatana hadua tomadosa au menoso hangko i dosana.”

Lukasi 9:6

Karoonda napaturo Yesu, meangkamohe lao i boea-boeana mobambari Ngkora Marasa hai mopakaohahe tauna au mahai iumba pea.

Yohane 15:26

Ina mai Inao Malelaha, lempona Inao au mesuwu hangko i Pue Ala hai au moninikau i paturo au tou. Ia Topetulungi au ina Kutudu mai irikamu au hangko i UmaNgku. Ane mai, Ia ina mosabi kana Iriko.

Suro 10:44

Tangana mani Peturu mololita, mendaulumi Inao Malelaha i ope-ope tauna au mampehadingi lolitana.

Suro 16:10

Karoona Paulu moita pampetudungia iti, mangkadipurangkai hai hoholigangkai lao i tampo Makedonia, lawi manotomi kanatudungki Pue Ala mobambari Ngkora Marasa i tauna au arahe inditi.

Suro 2:33

Pue Ala mampopohudami Yesu i pohudaa au tebila hai teadai ntanda i koanaNa. Hai hangko indo, Pue Ala Umanta mowei i Yesu Inao Malelaha nodo au Nadandi. Mewali au niita hai au nihadimi inona, mewali anti kuasana Inao Malelaha au naweingkai Yesu.

Suro 4:31

Karoonda mekakae, modua-duami sou au rapaidai, hai nakuasaimohe Inao Malelaha. Ido hai bai mpuumohe mopahawe Ngkorana Pue Ala i tauna bosa.

Suro 4:8

I tempo iti, Peturu nakuasai Inao Malelaha, hai mololitami, nauli, “Uma-uma, tadulakonda tauna bosa hai tadulako agama!

Suro 8:25

Karoonda Peturu hai Yohane mepaturo hai mopahawe Ngkorana Pue, mesulemohe lao i Yerusale. I polumaonda, rabambari wori Ngkorana Pue i boea-boea ntanina i tampo Samaria.

Roma 1:15

Idomi hai kupeinao mpuu mopahawe wori Ngkora Marasa irikamu au i Roma.

Roma 1:17

Hangko i Ngkora Marasa iti, taisa noumba rarana Pue Ala moimbake manoto i peitaNa, anti pepoinalainta Iria. Bara ara rara ntani, lawi i lalu Sura Malelaha teukimi node, “Tauna au manoto i peitana Pue Ala, ina molambihe katuwo maroa anti pepoinalainda.”

Roma 10:15

Hai noumbami kapeiasanda mobambari kana Iria ane barahe ratudu? Nodo au teuki i lalu Sura Malelaha node: “Maroa mpuu kahawenda tauna au mopahawe bambari maroa!”

Roma 15:19

hai anti tanda-tanda kuasa au kubabehi hai kuasana Inao Malelaha. Hangko i wanua Yerusale hawe i tampo Ilirikum, kupahawemi Ngkora Marasa i ope-ope tauna, kupaturoahe kahemana Kerisitu.

1 Korintu 2:10

Agaiana ikita, moisamoke tunggaiana Pue Ala, lawi tunggaia iti napopaisaamoke Pue Ala hai kuasana Inao Malelaha. Hai i Inao Malelaha bara ara au tewuniangi, lawi Ia moparesa hinangkana hawe-hawe i tunggaiana Pue Ala au bara mani raisa tauna.

2 Korintu 1:22

hai Naweike Inao Malelaha au mopakanoto kamewalintami taunaNa. Inao Malelaha iti mewali tanda i lalunta kaina Napabukeina haha dandiNa irikita.

2 Korintu 6:6

I paka-pakana, kipakanoto kaikamina topobagona Pue Ala, lawi malelaha babehiangki, mopahawengkai Ngkorana Pue Ala i kanoto-notoana, sabarangkai, maroa lalungki i ope-ope tauna, nakuasaingkai Inao Malelaha, hai mampokaahingkai hangka rangangki hangko i kabulana lalungki.

Galatia 1:12

Ngkora Marasa iti, bara kudoko hangko i manusia, bara wori ara tauna au mopaguruana. Agaiana Yesu Kerisitumi au mopahawe Ngkora Marasa iti iriko.

Galatia 1:16

Napopaitaamona AnaNa bona kubambari kana Iria i ope-ope tauna au barahe to Yahudi, hai i tempo iti barana lao merapi paturo i tauna.

Epesu 3:10

Tunggaiana Pue Ala iami bona ide-ide melempo i pohintuwunda tauna au mepoinalai Iria, maroa to Yahudi ba au bara to Yahudi, ope-ope topoparenta hai ope-ope au makuasa i suruga ina moisa kamatopana Pue Ala mampobago hinangka tunggaiaNa.

1 Tesalonika 2:9

Halalu, manoto nikatuinao mpuu noumba karumihina pobagongki hangkoia. Mabaa ba kaindi mohaoki liliungkai paandeki datikau kipakapari tangangki mopaturoakau Ngkora Marasa au hangko i Pue Ala.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

Ibarani 11:13

Ope-ope tauna iti mampoinalai liliuhe dandina Pue Ala duuna i kapatenda, agaiana bara manihe mohumba apa au nadandiahe Pue Ala. Peisa tauli: moita ngkarao peahe pewalina. Raisa mahae mani hangko mewaliri. Agaiana nauri nodo, bara bata-bata lalunda i dandina Pue Ala. Matana mpuuhe mampegia pewalina, ido hai rauli: tuwohe i dunia ide nodo pea torare ba topolilo.

Ibarani 2:4

Hai Pue Ala mopakaroho ntepuu posabinda, lawi Naweihe kuasa mobabehi ngkaia pakana tanda kuasa hai tanda au metingkarai. Hai Nawei worihe kapande au montani-ntani hangko i Inao Malelaha moula peundeaNa.

Ibarani 4:2

Lawi ikita ide, rapahawea worimoke Ngkora Marasa, nodo to Yahudi hangkoia. Agaiana Ngkora Marasa iti bara moanti pewati irihira, lawi rahadi mbero pea, bara rapoinalai.

1 Peturu 1:25

agaiana Ngkorana Pue Ala mantaha hawe i hae-haena.” Ngkorana Pue Ala iti, iami Ngkora Marasa au rapahaweamokau.

1 Peturu 4:6

Ido hai Ngkora Marasa rabambaria worihe tauna au mate, bona kehapihe mate nodo ope-ope manusia anti kamadosanda, batenda molambi worihe katuwo maroa moula peundeana Pue Ala.

Pampetudungia 5:11

Roo indo, kuitahe malaeka au bosa, isabuna ba i jutana kabosanda, hai kuhadimi wotunda. Meangkahe motoleliki kadera kadatua hai pinatuwo hai totosae iti.