1 Korintu 9:1 - Sura Malelaha

¹ Barana pae peisa mobabehi apa-apa moula peundeaku haduduangku? Barana pae surona Pue Yesu? Bara manina pae moita Yesu Amputa? Hai bara pae napopewalimona suroNa? Hai bara pae ikamumi wua pobagongku i Pue?

1 Korintu 9:1 Mawu Ofanana

Suro 13:2

Hambela tempo, tanganda menomba i Pue hai mopuasa, Inao Malelaha mouliangaahe, “Kupileihe Baranaba hai Saulu mewali topobagoNgku. Nipopeangka maroahe bona laohe mampopolumao bago au Kupahaleangiahe.”

Suro 14:14

Agaiana surona Pue Yesu au rodua iti mohadihe apa tunggaianda tauna bosa, mohepa-hepamohe hampinda, tanda kadanda mampokana tunggaia iti. Mewali, melangkamohe lao i olonda tauna bosa, hai mololitahe masisimbuku, rauli,

Suro 14:4

Agaiana ampu boea iti bararihe hintuwu. Arahe au ntanda i to Yahudi, hai ara worihe au ntanda i surona Pue Yesu.

Suro 23:11

Kaindi iti, i karombenginami Paulu i sou surodado iti, unga pea Pue Yesu meangka i holana Paulu, Nauli, “Pakaroho lalumu. KuposabimoKo inde i Yerusale, hai batena ina kuposabi woriKo i wanua Roma.”

Suro 9:15

Agaiana, Nauli mbuli Pue Yesu i Ananias, “Hangangaa laoko! Lawi Saulu iti, Kupileimi mewali topobagoNgku. Ia ina mopahawe hangaNgku i to Yahudi hai i tauna ntanina hawe-hawe wori i datu.

Suro 9:17

Mewali, lao mpuumi Ananias i sou au natunggai Pue Yesu inona, hai moonami taiena i Saulu, nauli, “Saulu, halalungku! Pue Yesu au nuita i rara i tempomu mai inde, Iami au motuduna mai mosondakiko bona meita huleko hai bona nakuasaiko Inao Malelaha.”

Suro 9:3

Mewali, i lalu polumaona lao i Damsik, hungkumi i wanua, unga pea ara pewangka hangko i langi motoleliki Saulu.

Suro 9:5

Nauli Saulu, “Tua, hemaKo?” Mehana au mololita iti, Nauli, “Ikomi Yesu, au nupopeahi-ahi!

Roma 1:1

Sura ide hangko iriko, Paulu, hawina Yesu Kerisitu, au Napilei hai Natudu mobambari Ngkora Marasa hangko i Pue Ala.

Roma 1:5

Hai anti kaYesuna, Naweina Pue Ala pewati mahile, Naangkana mewali suroNa bona iko au mobambari Ngkora Marasa i tauna au barahe to Yahudi i humalele dunia. Kupaturohe bona mepoinalaihe hai mengkoruhe i Pue Yesu, duuna hangana Yesu rapomahile.

Roma 11:13

Au natunggai lolitangku iami halalungku au barakau to Yahudi. Ide iko, suronana Pue Yesu au Natudu mobambari Ngkora Marasa irikamu au barakau to Yahudi. Bagongku ide kuwoli liliu i tanoanangku.

1 Korintu 1:1

Sura ide hangko iriko Paulu hai hangko i halalu hampepepoinalainta Sostenes, kipakatu irikamu jumaa au ara i wanua Korintu au nakakiokau Pue Ala mewali taunaNa. Iami au mopamalelahakau anti pohintuwumi hai Kerisitu Yesu hihimbela hai ope-ope tauna au maida iumba-umba pea au mepoinalai i Yesu Kerisitu, Pue au rapenombai hai au tapenombai. Iko, naangkana Pue Ala mewali surona Yesu Kerisitu moula peundeaNa.

1 Korintu 10:29

Tunggaiaku node: hangangaa takatuinao laluna ranganta. Ane lalunta haduduanta, bara moapa ane taande paande iti. Agaiana hangangaa ara tauna au ina mampekune, “Moapari hai peundeaku peisa rahomboki tauna ntanina?

1 Korintu 10:30

Ane kuande bau iti, hai kuuli ngkaia kamaroana i Pue Ala, moapari pane arahe tauna au mosalaina?”

1 Korintu 11:16

Agaiana ane ara au mampeinao mosapuaka au kuuli ide, idemi lolitangku moula ada au kipeulai, towawine hangangaa metolombu i paminggua, hai ada iti rapeulai wori halalunta hampepepoinalai i boea-boeana. Au ntanina hangko ide, bara ara.

1 Korintu 3:6

Iko au mantuda, Apolo au mobumbuhi, agaiana Pue Ala au mopatuwo.

1 Korintu 9:19

Barana hawina tauna, ido hai peisana moula peundeaku. Agaiana nauri nodo, kuoaka tuwo nodona hawinda ope-ope tauna. Kubabehi iti bona tetambai tauna au kuanti mepoinalai i Kerisitu.

2 Korintu 10:7

Nipekiri maroa-roa! Ane nipakanoto i lalumi kaikamuna topeulana Kerisitu, hangangaa nipangaku kaikamina wori topeulana Kerisitu.

2 Korintu 11:5

Guru iti mampomahile peahe watanda haduduanda, agaiana kuperapi bona nipeulai paturongku, lawi bara tepaiwoi tuwongku hangko irihira.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

Galatia 1:1

Halalungku hampepepoinalai i ope-ope jumaa au ara i Galatia, Iko, Paulu, surona Pue Yesu hai ope-ope halalungku hampepepoinalai au arahe inde, manguli tabea! Kiharunga Pue Ala Amputa hai Pue Yesu Kerisitu ina mowatikau hai moweikau roa ngkatuwo. Iko, mewalina surona Pue Yesu bara anti manusia ba naangkana manusia, agaiana Pue Yesu hai Pue Ala Umanta au mopatuwo hulemi Yesu hangko i kapateNa, au mampopewalimona suroNa.

Galatia 5:1

Kerisitu mokabahamoke hangko i Aturana Musa bona tou-tou mpuu tekabahake. Ido hai hangangaa tapatetida lalunta. Ineeke rapohawi hule.

1 Tesalonika 2:6

Bara woringkai mampopetoia irikamu ba i tauna ntanina. Katouana, bara sala ane merapingkai ba apa irikamu halalu, lawi ikami ide surona mpuungkai Kerisitu.

1 Timotiu 2:7

Ido hai naangkamona Pue Ala mewali suroNa. Natuduna mopahawe bambari iti i tauna au barahe to Yahudi. Natuduna mopaguruahe paturo au tou bona mepoinalaihe i Yesu. Tou mpuu au kuuli ide, barana modongko.

2 Timotiu 1:11

Ido hai naangkamona Pue Ala mewali surona Pue Yesu bona mopahawena Ngkora Marasa i tauna hai kupaturohe bona mepoinalaihe i Yesu.