1 Korintu 8:2 - Sura Malelaha

² Ane hadua tauna manguli, “Mapandena, kuisa paturo au tou,” agaiana bara ara ahina, makura mani kamapandena.

1 Korintu 8:2 Mawu Ofanana

Roma 11:25

Halalungku hampepepoinalai! Kupeinao mouliangaakau apa tunggaiana Pue Ala au bara raisa tauna hangkoia. Kuuliangaakau ide bona ineekau mampemahile. Bona niisa: ide-ide hanggaa to Yahudi matua lalunda agaiana iti bara mahae, duuna handa kabosanda tauna au barahe to Yahudi au mepoinalai i Yesu hintoto hai tunggaiana Pue Ala.

1 Korintu 13:12

Lawi ide-ide, nodoke hadua tauna au mampeita hambua lengge i pampewaoa au mogawu-gawu, lawi bara mani taisa hinangkana i katou-touana. I alo au ina mai, hangko taisari hinangkana, lawi ina mampombelindoamoke Pue Ala hai ina taita i katongawaana. Ide-ide, makura mani kamapandeku. Agaiana i alo au ina mai, ina kuisa ntepuu hinangkana, nodo Pue Ala moisana.

1 Korintu 3:18

Ineekau mopakanawo watami haduduami. Ane ara hadua tauna i olomi au mengkamapande i lindo manusia, agina tauna iti mewali nodo tontuli i lindo manusia bona ia mewali mapande i lindona Pue Ala.

Galatia 6:3

Ane ara hadua tauna au moimba tuwona melumbu, moleri barato, himbela pea mampodongkoa watana haduduana.