1 Korintu 7:26 - Sura Malelaha

²⁶ Mewali, idemi pelambiaku: i tempo ide ikita to Sarani narumpake ngkaia pakana kapari. Ido hai kuuli agina inee tabaliki katuwonta au Napakanotoake i dunia ide.

1 Korintu 7:26 Mawu Ofanana

Matiu 24:19

Ina masusa mpuu tuwonda towawine au mantimi hai au mopatomi ananda.

Lukasi 21:23

Ina masusa mpuu tuwonda towawine au mantimi hai au mopatomi ananda. Lawi i tempo iti tauna ina narumpahe kapari hai pehukuna Pue Ala au rumihi ntepuu.

1 Korintu 7:1

Kaliliuana halalu, ide-ide ina kuhanai pekunemi i lalu surami au nipakatuana. Ikamu tobalilo, maroa ane barakau motambi.

1 Korintu 7:27

Pandirina: ikamu tobalilo au motambimokau, ineekau mohaoki rara mampogaaki towawinemi. Ikamu au bara manikau motambi, inee nipari-pari bona motambikau.

1 Korintu 7:28

Agaiana ane ara hadua anantomoane au mampeinao motambi, barato wori madosa. Hai ane ara hadua anantowawine au mampeinao motambi, barato wori madosa. Agaiana nikatuinao: tauna au motambi ina molambi kapari i lalu dunia ide. Hai peundeaku bona datikau narumpa kapari iti.

1 Korintu 7:8

I tauna au bara mani motambi ba i tobemba, idemi lolitangku: maroa ane ineemokau motambi nodo iko.

2 Tesalonika 2:2

datikau holi-holi napawuli bambari au mampololita kahawenami Pue Yesu, lawi arahe au manguli Inao Malelaha mampopaisaahe nodo. Ara worihe au mouli kaarana sura hangko irikami au mopakanoto kahawenami alona Pue.

1 Peturu 4:17

Hawemi tempona Pue Ala ina mobotusi kara-karanda ope-ope tauna. Hai ikita au Napoana, batena ioru Nabotusi kara-karanta. Mewali ane kara-karanta au ioru Nabotusi, manoto ina melumbu pehukuNa i tauna au barahe mepoinalai i Ngkora Marasa au hangko Iria.