1 Korintu 7:11 - Sura Malelaha

¹¹ Agaiana ane nipogaakihe, ineekau motambi hule. Ane bara nodo, hangangaa mesule hulekau i tobalilomi. Hai ikamu tobalilo, inee worikau mampogaaki towawinemi.

1 Korintu 7:11 Mawu Ofanana

Matiu 5:32

Agaiana ide-ide Kuuliangaakau, hema au mampogaaki towawinena au barato masala iria, madosa, lawi anti kanapogaakina, ia moanti towawinena mebualosi, ane towawinena iti motambi hule. Hai tobalilo au mampotambia towawine au napogaaki rangana, mebualosi worimi.”

Markus 10:12

Nodo wori towawine au mampogaaki tobalilona hai mampotambia tobalilo ntanina, ia mebualosi wori.”

Markus 10:2

Arahe bahangkia toParisi au mai mohaoki kamanawona Yesu, mekunehe, rauli, “Moula atura agamanta, ba peisa mpuu tobalilo mogaa hai towawinena?”

Lukasi 16:18

Hema au mampogaaki towawinena hai mampotambia towawine au ntanina, mebualosi. Hai hadua tobalilo au mampotambia hadua towawine au napogaaki rangana, mebualosi wori.”

1 Korintu 7:10

Ikamu au motambimokau, idemi hawangku (katouana bara hawangku, agaiana hawanari Pue Yesu): ikamu towawine, ineekau mampogaaki tobalilomi.

1 Korintu 7:12

Kaliliuana halalu, idemi lolitangku (ide lolitangku haduduangku, bara hawana Pue Yesu): ane arahe tohamboko au barahe to Sarani, hai tobalilona iti mosaranimi, inee mampogaaki towawinena au bara mani mosarani, asala towawine iti naunde tuwo sambela hai ia.