1 Korintu 6:15 - Sura Malelaha

¹⁵ Bara pae niisa halalu, watami iami hangkira hangko i watana Kerisitu. Maroa pae ane watanta au mewalimi kirana Kerisitu tapake mobabehi sala hai towawine au kadake babehiana? Bara!

1 Korintu 6:15 Mawu Ofanana

Lukasi 20:16

Batena topokadipura bondena iti maihe napapate, hai bondena ina naweihe tauna ntanina.” Karahadina tauna bosa ngkora pandiri iti, mololitamohe i Yesu, rauli, “Inee mpuu hawe mewali nodo! Ikita to Yahudi, barake ina nahuku Pue Ala nodo topokadipura bonde i lalu ngkora pandiriMu iti!”

Roma 12:5

Nodo wori ikita au mepoinalai i Kerisitu, bosake agaiana hawata-wata peake i lalu pohintuwuta hai Kerisitu. Mohintuwuke hadua hai hadua.

Roma 3:31

Mewali, naimbamoke Pue Ala manoto i peitaNa hangko i pepoinalainta pea, bara anti pampeulainta atura au nauki Musa. Agaiana inee tapehangu atura iti bara tou, lawi hai pepoinalainta, mopakarohori atura iti.

Roma 3:6

agaiana bara tou. Lawi ane rapana Pue Ala bara manoto, Ia bara peisa mampohuda-hudaa kara-karanda ope-ope tauna i alo pebotusi i kahopoa dunia.

Roma 6:15

Mewali noumba halalu! Ane nahoremamoke Pue Ala bara anti pampeulainta Aturana Musa, agaiana anti kabulana pea laluna Pue Ala, ba peisamoke mobabehi dosa? Inee nodo halalu.

Roma 6:2

Inee tapehangu nodo halalu! Bara hintoto ane mobabehi liliuke dosa, lawi matemoke hihimbela hai Kerisitu bona dosa barapi makuasa irikita.

Roma 7:13

Ba Aturana Musa au maroa iti au mogaakina hangko i Pue Ala? Bara. Agaiana Aturana Musa iti mewali rara au mogaakina hangko i Pue Ala anti dosangku. Hangko i atura au maroa iti, tongawami kamadosangku, hai manoto worimi kakadakengku.

Roma 7:7

Tauli inona, Kerisitu mokabahake hangko i Aturana Pue Ala au napahawe Musa. Agaiana inee tauli kadake Atura iti. Bara tou lolita iti! Aturana Musa maroa, lawi hangko i atura iti, taisa apa au rauli dosa. Ane rapana bara ara parenta au manguli, “Inee nupokaelu anu-anuna rangamu,” kebara kuisa kakadakena babehia iti.

1 Korintu 11:3

Agaiana ara hampaka au hangangaa kupopaingaakau, Kerisitu mewali tadulakonda ope-ope tobalilo. Hai tobalilo mewali tadulakonda towawine. Hai Pue Ala mewali tadulakona Kerisitu.

1 Korintu 12:27

Ikamu ope-ope wataNamokau Kerisitu, hai hadua-haduakau iami hangkira hangko i wata iti.

1 Korintu 6:13

Ara wori lolita, “Paande mobundu i tainta, hai tai mobundu rapoihii paande.” Tou lolita iti, agaiana hambela tempo hinangkana iti ina napatuna Pue Ala. Agaiana watanta ide bara napopewali Pue Ala bona mebualosike. Watanta hangangaa tapake mobabehi peundeana Pue. Iami ampuna watanta.

1 Korintu 6:17

Agaiana hadua tauna au mohintuwu hai Pue, ia hampepekiri hai Pue.

1 Korintu 6:19

Bara pae niisa halalu, watami iami paidaa Inao Malelaha. Inao Malelaha au maida i lalumi, nihumba hangko i Pue Ala. Mewali watami barapi ikamu ampuna.

1 Korintu 6:3

Bara pae niisa, i alo pebotusi ikita to Sarani au ina mampohuda-hudaa kara-karanda malaeka. Mewali, hangangaa nibuku mpuu mobotusi kara-karanda tauna i dunia ide.

Galatia 2:17

Mewali, idemi peharungangki: anti pohintuwuki hai Kerisitu, ido hai napamanotomongkai Pue Ala i peitaNa. Agaiana ara tauna au mosalai pepaturongku, rauli, “Ane mepoinalai peakau i Yesu hai barapokau mengkoru i Aturana Musa, lempona mewalikau tomadosa himbela hai tauna au barahe to Yahudi. Madosa manikau anti peulami i Yesu.” Lolita iti bara tou!

Galatia 3:21

Kaliliuana halalu, Aturana Musa bara moewa tunggaiana dandina Pue Ala. Ane rapana, peisa tapeulai atura-atura iti bona molambike katuwo maroa, lempona atura itimi au mewali raranta mopamanoto watanta i peitana Pue Ala.

Galatia 6:14

Agaiana iko, bara kuunde rapomahile i raoa hangko i kapatena Pue Yesu Kerisitu i kau mombehape. Lawi ope-ope au peisa raita i dunia ide hai au raimba mahile holona barapi ara bunduna iriko. Hai tauna i dunia ide, bara ara au tedii lalunda i apa au kupomahile.

Epesu 4:12

Ia mokira-kira pewati iti bona ikita ope-ope au mepoinalai Iria raparewaike bona tabuku mampopolumao bagona Pue. Lawi ane iti au tababehi, ikita au rauli Watana Kerisitu ina tetambai kamarohona pepoinalainta,

Epesu 5:23

Lawi tobalilo mewali tadulako i towawinena nodo Kerisitu mewali tadulako i jumaa, hai Ia haduduana au mohorema jumaa au mewali wataNa.

Epesu 5:30

Ia mokadipurake lawi ikita au mepoinalai Iria mewalimoke hangkira hangko i WataNa.

Kolose 2:19

Tauna iti barapohe mohintuwu hai Kerisitu. Kerisitu peisa rapandiri nodo waa hai ikita ope-ope au mepoinalai Iria rapandiri wataNa. Waa mokuasai ope-ope wata. Nodo wori Kerisitu, Ia au moteteke hai au mopahintuwuke bona kamaroho-rohoa peulanta Iria hintoto hai peundeana Pue Ala.