1 Korintu 6:11 - Sura Malelaha

¹¹ Halalu, arakau au nodo babehiami hangkoia. Agaiana Napamalelahamokau Pue Ala hai Napopewalimokau taunaNa. Napamanotomokau i peitaNa anti pohintuwumi hai Pue Yesu Kerisitu hai anti kuasana Inaona Pue Ala Amputa.

1 Korintu 6:11 Mawu Ofanana

Matiu 20:4

Nauliangaahe: ‘Laomokau mobago i bondeku, kuweikau saromi au hintoto hai pobagomi.’ Lao mpuumohe.

Lukasi 18:14

Hangko indo, napahopo Yesu lolitaNa, Nauli, “Tou mpuu au Kuuliangaakau: i pesulenda i sounda, toperuru asele itimi nadoko Pue Ala hai Naimba manoto i peitaNa, agaiana toParisi iti, bara nadoko Pue Ala. Lawi hema au mampeindora, ina napaiwoi Pue Ala. Hai hema au mengkaiwoi, ina napaiwongko Pue Ala.”

Yohane 13:10

Nauli Yesu, “Tauna au mendoimi, barapi kedai, barapi paraluu rabahoi hule. Batena pearai bitina au hangangaa rabahoi. Ikamu, tebahoimokau, agaiana barakau ope-ope.”

Yohane 13:8

Nauli Peturu, “Inee, Pue! IneeKo hawe mobahoi bitingku.” Nauli Yesu, “Ane barako Kubahoi, barako mohintuwu hai Iko.”

Yohane 5:4

Lawi hambela-hambela ara malaekana Pue au mendaulu i wuhu iti mampopokale owai. Hai hema au ioru mendaulu i lalu wuhu i tempona owai mokale, maohami hangko i hakina.]

Suro 13:39

Barake peisa tekabaha hangko i dosanta hai rapakanoto i peitana Pue Ala hangko i pampeulainta Aturana Musa. Agaiana ope-ope tauna au mepoinalai i Yesu, ina tekabahahe hangko i hinangka dosanda hai batena nadokohe Pue Ala, Naimba nodo tauna au manoto.

Suro 22:16

Mewali, apa mani au nupegia? Meangkamoko hai laomoko rariu. Mekakaemoko i Pue Yesu bona Naampungi dosamu.’ ”

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Roma 3:24

Agaiana Pue Ala mokabahamoke hangko i huku dosanta, hai Naimbake manoto i peitaNa anti kanapahurunta Kerisitu Yesu. Ope-ope iti Nawei mberoke anti kabulana laluNa.

Roma 4:5

Agaiana pohintuwuta hai Pue Ala bara nodo tauna au mampedurei, lawi Naimbake Pue Ala manoto i peitaNa bara anti kamaroana babehianta agaiana anti pepoinalainta Iria au mopamanoto tauna madosa.

Roma 5:1

Mewali, ide-ide manotomoke i peitana Pue Ala anti pepoinalainta. Ido hai maroami pohintuwuta hai Pue Ala anti kanatanga-tangainta Amputa Yesu Kerisitu.

Roma 5:9

Mewali ide-ide, manotomoke i peitana Pue Ala, lawi Yesu matemi mohuru dosanta. Ido hai taisa katekabahantami hangko i karumpuna Pue Ala i alo pebotusi anti kanaperuruintami Yesu Kerisitu.

Roma 8:30

Mewali ikita au Napileimoke Pue Ala hangko i nguru-nguruna, Nakakioke bona mewalike anaNa. Hai ikita au Nakakioke mewali anaNa, Napakanotomoke i peitaNa. Hai au Napakanotomoke i peitaNa, Naweike katuwo mahile i alo au ina mai.

Roma 8:33

Hai ikita au napileimoke Pue Ala, hema mani au peisa mosalaike, lawi Pue Ala haduduaNa mopakanoto kadanta masala?

1 Korintu 1:30

Pue Ala pea au mobungkahiake rara pane mohintuwuke hai Kerisitu Yesu. Anti pohintuwuta hai Kerisitu Yesu, taisami kamapandena Pue Ala: Napamanotomoke Kerisitu i peitana Pue Ala, au mopamalelahamoke, hai au mohompomi dosanta.

1 Korintu 12:2

Nikatuinao halalu, hangkoia hangko bara manikau moisa Pue Ala, tedii lalumi menomba i anitu au bara peisa mololita, au rababehihe hangko i watu ba kau.

Galatia 2:16

Nauri nodo, kiisa kadana babehiangki au maroa ba pampeulaingki Aturana Musa au mopamanotongkai i peitana Pue Ala. Ane taunde mewali manoto i peitana Pue Ala, hangangaa mampoinalaike Kerisitu Yesu. Ido hai mepoinalaimongkai i Kerisitu bona mewalingkai manoto i peitana Pue Ala. Barapi kiharunga peulanta i Aturana Musa, lawi bara ara hadua tauna au mewali manoto i peitana Pue Ala anti peulana i parenta-parenta au ara i Aturana Musa.

Galatia 3:11

Mewali, taisa kadana ara hadua au manoto i peitana Pue Ala anti peulanta i Aturana Musa. Lawi ara wori lolita i lalu Sura Malelaha au manguli node, “Tauna au manoto i peitana Pue Ala molambi katuwo maroa anti pepoinalainda.”

Galatia 3:24

Aturana Musa monini hai mokampaike duuna Kerisitu mai i dunia bona Napatongawa Pue Ala kamanotonta i peitaNa, lawi mepoinalaimoke i Kerisitu.

Galatia 3:8

Mepongka hangkoia arami tunggaiana Pue Ala mopamanoto tauna au barahe to Yahudi ane mepoinalaihe. Ido hai i lalu Sura Malelaha, Pue Ala nguru-nguruna mopahawe Ngkora Marasa i Burahima, nauli, “Anti kaoiona, ina Kuwatihe ope-ope tauna i dunia.”

Epesu 5:26

Ope-ope iti Nababehi bona Napatanike mewali taunaNa, Nabahoike hangko i dosanta hai owai hai NgkoraNa,

Epesu 5:8

Hangkoia, makaindi mani lalumi, agaiana ide-ide mabaami lalumi anti pohintuwumi hai Pue. Mewali, hangangaa tuwokau i lalu kamabaa.

2 Tesalonika 2:13

Halalu-halalu au napokaahi Pue, hintoto mpuungkai manguli liliu ngkaia kamaroana i Pue Ala anti kaikamuna. Lawi Pue Ala mopileikau hangko i nguru-nguruna bona tehoremakau hangko i huku dosami anti pepoinalaimi i bambari au tou. Napileimokau bona Nahoremakau anti kuasana Inao Malelaha au mampopewalikau taunana Pue Ala au malelaha.

Ibarani 10:22

Lalunta Napamalelahami hai waheNa bona taisa kadanapi ara kamanawonta. Watanta rariu hai owai tanda kaNabahointa hangko i dosanta. Ido hai kuhuweki lalumi, halalu, bona mohungkukike Pue Ala hangko i lalunta mpuu hai hangko i pepoinalainta au maroho.

Ibarani 10:29

Ane tauna au mosapuaka Aturana Musa nodo karahukuna, pelumbunami tauna au mokabaha pepoinalainda i Yesu! Tauna iti moihe-ihehe Anana Pue Ala, lawi rauli bara ara pobunduana wahena Yesu au mopakaroho dandina Pue Ala hai au mopamalelahahe. Mopakoimohe Inao Malelaha au naweike Pue Ala hangko i kabulana laluNa.

Ibarani 2:11

Yesu, au mopamalelaha tauna, hai tauna au Napamalelahami, hadua pea Umanda. Ido hai Yesu bara maea mouli kaNapohalalunda.

1 Peturu 1:2

Ikamu, napileikau Pue Ala Umanta lawi nodomi tunggaiaNa hangko i nguru-nguruna. Ia mopileikau, hai anti pobagona Inao Malelaha, mewalimokau kiraNa bona mengkorukau i Yesu Kerisitu hai Napamalelahakau hai waheNa. Kuharunga Pue Ala ina moweikau ngkaia pewati hai roa ngkatuwo.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Peturu 3:21

KaNahoremanda hangko i owai au molaboa dunia peisa rapopandiri ada mperiu to Sarani ide-ide, lawi ada iti moanti katuwo maroa irikamu. Ane tababehi ada mperiu iti, bara peake mobahoi watanta. Agaiana ara tunggaiata au melumbu hangko inditi. Ada mperiu iti taimba hambua pamperapita i Pue Ala bona Nabahoike hangko i dosanta. Hai anti katuwona hule Yesu Kerisitu, Naampungi mpuumoke hangko i dosanta.

1 Yohane 2:12

Anangku, kuukiakau sura ide, lawi teampungimi dosami i lalu Kerisitu.

Pampetudungia 1:5

hai hangko i Yesu Kerisitu, Sabi au manoto. Iami au nguru-nguruna tuwo hule hangko i kapate hai au makuasa moparenta ope-ope datu i dunia. Yesu mampokakaiake, hai Ia mokira wataNa rapapate bona tekabahake hangko i huku dosanta,

Pampetudungia 7:14

Kuhanai: “Barahe kuisa, ampu. Nuuliangaa wongkoia.” Nauliangaana: “Ihira iti, tauna au mamporaraimohe au rauli Tempo Pepopeahi-ahi au Rumihi Ntepuu. Hampinda rabahoi hai wahena Ana Dimba bona mewali bula.