1 Korintu 5:6 - Sura Malelaha

⁶ I olomi arahe au kadake babehianda, agaiana mampemahile liliukau! Bara pae niisa lolita au manguli, “Ragi au haodi mampopembongke tapu”? Lempona, hadua tauna au madosa peisa mopakanawo bosa tauna i olomi.

1 Korintu 5:6 Mawu Ofanana

Matiu 13:33

Ara wori hampaka ngkora pandiri au Napahawe i tauna bosa, Nauli, “Poparentana Pue Ala nodo ragi au naala hadua towawine, hai nagalo tapu. Nauri ragi iti haodi pea peisa mampopembongke tapu au ngkaia.”

Lukasi 13:21

Ara ragi au naala hadua towawine, nagalo hai tapu. Nauri ragi iti haodi pea peisa mampopembongke tapu au ngkaia.”

Roma 6:16

Niisato halalu, pandirina, ane mengkoruke i hadua tauna hai mampeulaike hawana, napohawimoke tauna iti. Nodo wori hai dosa, ane mampeulai liliuke peundeana lalunta au kadake, napohawimoke dosa. Kahopoana ina molambike kapate au mogaakike hangko i Pue Ala hawe i hae-haena. Agaiana ane mengkoruke i Pue Ala, mewalike taunana Pue Ala au mampeulai peundeaNa.

1 Korintu 15:33

Ineekau rapakanawo! Ane mampohimadakau tauna au kadake babehianda, babehiami au maroa ina tebaliki mewali kadake, nodo babehianda.

1 Korintu 3:21

Mewali, kuperapi bona ineekau mampomahile kapande manusia. Lawi hinangkana au niparaluu, naweimokau Pue Ala,

1 Korintu 5:2

Agaiana ikamu, nauri ara au mobabehi nodo i olomi, mampemahile manikau! Katouana, hangangaa masusari lalumi, hai tauna iti hangangaa nipopeloho hangko i olomi.

Galatia 5:9

Paturonda au mepawuli iti nodo ragi, lawi “ragi au haodi mampopembongke tapu mewali ngkaia.”

2 Timotiu 2:17

Paturo iti melelehi nodo haki au melangaki. Tauna au moanti paturo iti tepesua Himeneus hai Filetus.

Yakobu 4:16

Agaiana ide-ide mampemahilekau hai mantindorakau. Ope-ope babehia iti, masala.