1 Korintu 5:11 - Sura Malelaha

¹¹ Tunggaiaku iami: ineekau mampogaloa tauna au mouli peamohe katoSaraninda agaiana mobabehi liliuhe sala, mehiorohe, menombahe i anitu, metunda-tundahe, malanguhe, hai modongkohe. Mogalorikau maande sambela hai tauna au nodo, inee!

1 Korintu 5:11 Mawu Ofanana

Matiu 18:17

Ane bara naunde mampehadingi lolitanda sabi iti, nupahawemi i ope-ope halalumi hampepepoinalai. Ane bara liliu napoinalai kehapiri ope-ope halalumi hampepepoinalai mokambaroa, pogiangaamide, hai niimbami nodo tauna au bara moisa Pue Ala hai au kadake babehiana.

Matiu 23:25

Hurewumokau, guru agama hai toParisi! Maroa i raoa peakau! Ikamu nodo hadua tauna au mobahoi paenua hai tabo i raoana pea. Agaiana i lalumi buke pehioro hai dosa.

Lukasi 18:11

Toparisi iti meangka hai mekakae, nauli, ‘Pue Ala, kuuli ngkaia kamaroana Irio, lawi barana nodo tauna ntanina au manangka, au motengko lalunda, hai au mebualosi. Kuuli ngkaia kamaroana Irio lawi barana nodo olou toperuru asele.

Lukasi 21:34

“Mainga-ingakau, datikau mosusa-susa hai malangu-langu liliu. Mainga-ingakau datikau mampepekiri liliu katuwomi i dunia ide, alana mampomaleakau. Lawi alo kahaweNgku hule unga pea ina morumpa ope-ope tauna i dunia. KahaweNgku hule iti peisa rapandiri nodo tilobu au mopakanawo tauna au mampomalea.

Suro 1:15

Hambela tempo, tauna au teruhu ba aratohe pae hangatu rompulo. I tempo iti, meangkami Peturu mololita i olonda halalu hampepepoinalaina, nauli,

Suro 9:17

Mewali, lao mpuumi Ananias i sou au natunggai Pue Yesu inona, hai moonami taiena i Saulu, nauli, “Saulu, halalungku! Pue Yesu au nuita i rara i tempomu mai inde, Iami au motuduna mai mosondakiko bona meita huleko hai bona nakuasaiko Inao Malelaha.”

Roma 13:13

Nibabehi babehia au hintoto i kabaakana. Ineekau mosusa-susa hai malangu-langu. I babehia tobalilo hai towawine, ineekau mobabehi babehia au sala ba au moula peundeana lalunta au kadake. Ineekau mobungka-bungka ba mahina.

Roma 16:17

Halalu hampepepoinalai, kupopaingaakau bona hangangaa maroa-roakau i tauna au mopaara pogaa-gaa hai au rapeinao mopakanawokau i paturonda au montani hai paturo au rapaturoamokau. Nikaraohihe tauna au nodo!

1 Korintu 10:14

Mewali, halalu au kupokaahi, hangangaa nipalehi ada penomba i anitu!

1 Korintu 11:21

Lawi i poteruhumi, arakau au moande hai moenu mpoioru paandemi hai anggoromi i lindonda rangami au meahi-ahi alana ikamu malangumokau, hai ihira marimi hai mangkadouhe.

1 Korintu 6:10

au manangka, au mehioro, au malangu-langu, au mepakadake, hai au modongko. Tauna au nodo, barahe mewali taunana Pue Ala i lalu poparentaNa.

1 Korintu 6:6

Ara kuhadi hadua tauna hangko i olomi au mosalai halaluna hampepepoinalai i lindona topebotusi au bara mepoinalai i Pue Yesu!

1 Korintu 6:9

Bara pae niisa halalu, tauna au kadake babehianda, barahe ina mewali taunana Pue Ala i lalu poparentaNa. Ineekau ranawo-nawo. Tauna au mobabehi babehia au merikai, au menomba i anitu, au mebualosi, au mobabehi sala nodo tobalilo au mamposamboko hangka tobalilona,

1 Korintu 7:12

Kaliliuana halalu, idemi lolitangku (ide lolitangku haduduangku, bara hawana Pue Yesu): ane arahe tohamboko au barahe to Sarani, hai tobalilona iti mosaranimi, inee mampogaaki towawinena au bara mani mosarani, asala towawine iti naunde tuwo sambela hai ia.

1 Korintu 7:15

Agaiana ane tauna au bara mani mepoinalai i Pue iti mampeinao mampogaaki towawinena ba tobalilona, pogiangaamide megaaki. Ane nodo, tobalilo ba towawine au mepoinalaimi i Pue barapi tetaka hai sambokona. Agaiana Pue Ala mokakioke mewali anaNa bona mohintuwuke.

1 Korintu 8:11

Kahopoana, hangko i kamapandeta iti, mopakanawomoke halalunta au bata-bata mani laluna. Hai au tapakanawo iti, iami halalunta hampepepoinalai au napahurumi Kerisitu hangko i huku dosana.

Galatia 2:12

Nguru-nguruna ia bara mampopontani to Yahudi hai tauna au barahe to Yahudi, lawi ia biasa maande hihimbela hai halaluna hampepepoinalai au barahe to Yahudi. Agaiana i kahawenda bahangkia rangana Yakobu hangko i Yerusale, Peturu mokaraohihe halaluna hampepepoinalai au bara to Yahudi. Kahopoana, barapi mau maande hihimbela hai ihira, lawi langa rasalai to Yahudi au hangko hawehe.

Epesu 5:18

Ineekau malangu-langu, lawi iti ina moantikau mobabehi ngkaia pakana dake, agaiana hangangaa nakuasai peamokau Inao Malelaha. Anti kuasana Inao Malelaha iti,

Epesu 5:5

Nipehadingi maroa: hema-hema au mobabehi babehia kedai, merikai ba au mehioro, nodohe tauna au menomba i anitu. Tauna iti barahe hintoto molambi kiranda i lalu poparentana Kerisitu hai Pue Ala.

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

2 Tesalonika 3:14

Rapana, ara tauna au bara raunde mampeulai apa au kiuki i lalu sura ide, nipekatandaihe. Ineehe nipohintuwua bona maeahe.

2 Tesalonika 3:6

Halalu, hai kuasa au naweingkai Pue Yesu Kerisitu, kiuliangaakau: ineehe nipohintuwua halalumi hampepepoinalai au lohehe mobago hai au barahe mampeulai atura au nidoko hangko irikami.

1 Timotiu 3:3

Bara peisa au malangu-langu ba au paka mobungka-bungka. Hangangaa au maalusu poantina, au mohintuwu hai rangana, hai au bara mohaoki pea doi.

1 Timotiu 6:5

hai pombembehehe. Pekirinda tauna iti barapi maroa, barahe moisa paturo au tou. Rauli, peisahe molambi rasi hangko i poagamanda.

2 Yohane 1:10

Mewali, ane ara guru agama au hawe i boeami au moanti paturo au mosisala hai paturo ide, ineehe nidoko i lalu soumi hai ineehe nidoko nodo halalu hampepepoinalaimi.

Pampetudungia 2:14

Agaiana ara bahangkia pakana au Kusalaiakau, lawi arakau hanggaa au mampeulai paturona Bileam. Hangkoia Bileam iti mopaguru Balak noumba rara mopakanawo to Isaraeli bona madosahe. Nawawahahe moande paande au rapopenomba i anitu, hai nawawahahe mobabehi au merikai.

Pampetudungia 2:20

Agaiana ara mani au Kusalaiakau. Lawi ara hadua towawine au rahanga Isebel, au mouli kaiana hadua nabi, hai nipogiangaa pea mopaguru tauna au mepoinalai Iriko. Towawine iti mopaturohe mobabehi babehia au merikai hai laohe moande paande au rapopenomba i anitu. Bosa hawiNgku napakanawo hai paturona iti.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”

Pampetudungia 22:15

Agaiana tauna au kadake, topedoti, topobabehi au merikai, topepapate, topenomba i anitu, topodongko, hai tauna au mampokatana podongkonda, barahe rapaliu mesua i lalu wanua iti.