1 Korintu 4:9 - Sura Malelaha

⁹ Agaiana, moula pelambiaku, ikami surona Pue Yesu napopewalimongkai Pue Ala tauna au meahi-ahi tuwona hangko i ope-ope tauna. Ikami rapahimbela hai tauna au ina rahuku mate i lindonda tauna bosa. Tepaiwoi tuwongki i lindonda manusia hai malaeka.

1 Korintu 4:9 Mawu Ofanana

Suro 19:29

Mewali humalele wanua iti magunego. Hai rame-ramehe tauna bosa lao mohaka Gayu hai Aristarkus. Gayu hai Aristarkus iti iami to Makedonia au mamporangai Paulu i polumaona. Rahakamohe tauna rodua iti hai raantihe lao i sou poteruhua mahile i lalu wanua.

Suro 19:31

Ara worihe bahangkia tuana (himadana Paulu i propinsi Asia) au motudu tauna mouliangaa Paulu bona inee lao i poteruhua mahile.

Roma 8:36

I lalu dunia ide, batena narumpake kapari, nodo au teuki i lalu Sura Malelaha hangkoia: “Anti kaOiona, rapopara peamongkai rapapate nodomongkai dimba au ina rasambale.”

1 Korintu 15:19

Rapana natulungi peake Kerisitu tanganta mani tuwo i dunia hai roo indo barapoke Natulungi, lempona, hangko i ope-ope tauna i dunia ide, ikitami au meahi-ahi ntepuu katuwonta.

2 Korintu 11:23

Rauli, ihira topobagona Kerisitu, apa mani iko! (Mololitana nodo tauna au barapi manoto pekirina.) Meliu pobagongku hangko i pobagonda. Bahangkiami belangku ratarunggu, meliu hangko irihira! Rumihi karapopeahi-ahingku, meliu hangko irihira! Bosami belangku kemate.

2 Korintu 6:9

Barangkai rahaile hanggaa tauna agaiana hanggaa tauna mopakahile hangangki. Mapari katuwongki. Raawunga peamongkai rapapate, agaiana tuwoto maningkai! Rapapahaimongkai, agaiana bara mani woringkai rapapate.

1 Tesalonika 3:3

Kiuliangaa nodo bona dati ara hadua au mousuli hangko i pepoinalaina anti kapari au morumpakau. Lawi niisato halalu, kapari au morumpake ide moula tunggaiana Pue Ala.

Ibarani 1:14

Bara hambela, lawi malaeka iti topobagoNa peahe Pue Ala au Natudu motulungi hai mokadipura tauna au ina molambi katehorema.

Ibarani 10:33

Hambela-hambela rakakabosaikau hai rapopeahi-ahikau i lindonda tauna bosa; ara tempona mantodiha sambela worikau hai rangami au rapopeahi-ahihe.

Ibarani 11:36

Arahe au rakakabosai hai rakandangi, ara worihe au rataka hai ratarunggu.