1 Korintu 4:21 - Sura Malelaha

²¹ Mewali, umba au niunde: Hawena mokambaroakau hai lolita au makasara ba mopaturokau hai lolita au maalusu, au buke pepokaahi.

1 Korintu 4:21 Mawu Ofanana

1 Korintu 4:18

Arakau au mampemahile, lawi nipehangu barakau ina lao kupohidupaa.

1 Korintu 5:5

bona nihuhu peami tauna iti i kuasana Datu Tokadake. Lempona, nitudumi meloho hangko i olomi, hai ineemi nipogaloa. Mewali watana molambi pehuku agaiana tanoanana molambi katuwo maroa i kahawena Pue Yesu.

2 Korintu 1:23

Halalu, barana modongko, Pue Ala sabingku. Ia au moisa lalungku. Barana lao i Korintu hangkoia lawi barana mau mokambaroakau hai lolita au makasara.

2 Korintu 10:6

Mewali, ane mengkoru mpuumokau irikami, ina kihukuhe tauna au mosapuaka maningkai.

2 Korintu 10:8

Ba niuli mampemahilena? Barana mampemahile, agaiana barana maea mopatongawa kuasangku mopaturokau. Lawi au kupakanoto, iami kuasa au naweina Pue bona mopakaroho pepoinalaimi, barari au mopakanawo pepoinalaimi.

2 Korintu 12:18

Hangkoia kuperapi bona Titu lao mosondakikau, hai ara wori hadua halalunta au kutudu mamporangai. Ba naakalangikau Titu i tempo iti? Niisato halalu, Titu hai iko hampepekiri peangkai, himbela poantiki.

2 Korintu 13:10

Ido hai kuukiakau sura ide i tempoku mani karao hangko irikamu bona ane hawena deade, barapi mahara lolitangku irikamu au kupahawe hai kuasa au naweina Pue. Lawi kuasa iti barana Nawei bona mopakanawona pepoinalaimi, ngkalinari Naweina bona kupakaroho pepoinalaimi.

2 Korintu 13:2

Tangangku hihimbela hai ikamu i karombelana, kuweihe lolita i tauna i olomi au mobabehi dosa. Mewali, ide-ide, kehapirina karao hangko irikamu, kuhuleki mbuli lolitangku irikamu tauna au madosa hai i ope-ope tauna ntanina. Ane hawena deade hai ane bara manihe mampenosoi babehianda, ina makasara lolitangku; barahe ara hadua au ina tekabaha hangko i pehuku.

2 Korintu 2:1

Mewali, nauli lalungku: ineekau hampai lao kusondaki, lawi bara kuunde mopakapari mbuli lalumi, nodo au mewali i tempomi kusondaki hangkoia.

2 Korintu 2:3

Ido pongkana pane kupakatumi hambua sura irikamu hangkoia bona ane hawena deade, barapi nipakasusa lalungku. Lawi katouana, ikamuri au hangangaa mopakatana lalungku. Hai kuisa, ane matanana, ikamu wori ina matana.

2 Korintu 3:10

Mahile mpuu peawana aturana Pue Ala au hae, agaiana ane tapahintoto hai peawana dandiNa au wou, atura au hae iti barapi meawa.

Galatia 6:1

Halalu, ane moitakau rangami hampepepoinalai mobabehi sala, ikamu au mampeulaikau peundeana Inao Malelaha, hangangaa ninini wohiraia mesule i rara au manoto i lalu kamaalusu. Hai mokampai worikau watami datikau hawe mobabehi dosa.

1 Tesalonika 2:7

Agaiana bara turu inaongki mobabehi nodo. I tempoki hihimbela hai ikamu, maalusu poantiki, nodo hadua ina au mokadipura anana.

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.