1 Korintu 4:14 - Sura Malelaha

¹⁴ Halalu! Tunggaiaku mouki sura ide barakau kupakaea. Lolitangku ide, mopaturokau, lawi kuimbakau anangku au kupokaahi.

1 Korintu 4:14 Mawu Ofanana

1 Korintu 15:34

Ido hai kuuliangaakau, nipakanoto lalumi moula paturo au tou, hai nikabahami ope-ope dosami. Lawi ara manikau au bara moisa Pue Ala. Iti kupahawe bona maeakau.

1 Korintu 4:15

Lawi kehapi isabunami guru au moninikau i peulami i Kerisitu, iko pea au nipouma, lawi iko au nguru-nguruna mobambari Ngkora Marasa irikamu, alana mepoinalaikau i Kerisitu Yesu.

1 Korintu 4:17

Mewali, kutudumi Timotiu lao mampohidupaakau. Timotiu iti mampopolumao liliu bagona Pue, hai kuimbami anangku au kupokaahi. Ane hawe irikamu, ia ina mampopaingaakau noumba peulangku i Kerisitu hintoto hai paturo au kupahawe i ope-ope to Sarani i boea-boeana.

1 Korintu 6:5

Tunggaiana lolitangku ide bona maeakau. Halalungku au mepoinalai i Kerisitu, bara pae ara hadua i olomi au manoto laluna au peisa mobotusi kara-karami?

1 Korintu 9:15

Mewali peisa mpuungkai merapi sarongki irikamu, agaiana iti bara kibabehi. Hai inee nipehangu tunggaiaku mouki sura ide bona kupari-parikau moweingkai ba apa pea. Matana lalungku lawi barana hambela merapi irikamu. Agingkumi mate panena motanta apa au mopamatana lalungku iti.

2 Korintu 11:11

Moapa hai mololitana nodo? Ba barakau kupokaahi, halalu? Pue Ala moisa kamaahina lalungku irikamu.

2 Korintu 12:19

Ineeri nipehangu kiuki ope-ope ide bona mouli pea notongki. Halalu au kipokaahi! Mololitangkai irikamu anti pohintuwuki hai Kerisitu. Pue Ala au mosabikike! Ope-ope au kipahawe, ope-ope au kibabehi, kipahawe hai kibabehi bona maroho pepoinalaimi.

2 Korintu 7:3

Tunggaiaku, barakau kusalai. Lawi nodo au kuuli inona, rumihi kakipokaahimi. Ane tuwo, tuwo sambelake hai ane mate, mate sambelake.

Kolose 1:28

Mewali, mobambaringkai i ope-ope tauna kana i Kerisitu. Kiweihe lolita hai kipaturohe, hai kininihe ope-ope moula kapande au nakiraiangkai Pue, bona kiantihe ope-ope Iria hai bara ara kamakuranda, lawi mohintuwumohe hai Kerisitu.

1 Tesalonika 2:11

Niisami poantiki irikamu ope-ope, nodo hadua uma i anana. Kipakaroho lalumi hai kiweikau lolita,

1 Tesalonika 5:14

Halalu, kiperapi bona rangami au lohehe mobago niweihe lolita. Nipalindohe au masusa lalunda. Nipakarohohe au malede pepoinalainda, hai hangangaa sabarakau i ope-ope tauna.

2 Tesalonika 3:14

Rapana, ara tauna au bara raunde mampeulai apa au kiuki i lalu sura ide, nipekatandaihe. Ineehe nipohintuwua bona maeahe.

Pilemo 1:10

hai kuperapi bona nudoko maroa woia ide anangku, Onesimus. Kupoanami, lawi tangangku ratarunggu inde, iko au mopaguru bona mepoinalai i Pue Yesu.

1 Yohane 2:1

Anangku, ide kuukiakau bona ineekau mobabehi dosa. Agaiana ane ara au mobabehi dosa, arami hadua au mamperuruike i lindona Pue Ala Umanta, iami Yesu Kerisitu au manoto.

3 Yohane 1:4

Rumihi mpuu kamatanangku mohadi bambari au manguli anangku moula liliu paturo au tou.