1 Korintu 4:11 - Sura Malelaha

¹¹ Duuna ide-ide, bara handa paandeki, bara handa paenungki, bara handa hampiki. Rapopeahi-ahi liliungkai. Bara ara paidaangki au maroa.

1 Korintu 4:11 Mawu Ofanana

Matiu 8:20

Nahanai Yesu, Nauli, “Serigala ara kalolunda, hai tadasi ara haranda, agaiana Iko, Ana Manusia, bara ara sou au Kupaturui.”

Suro 14:19

Bara mahae hangko inditi, bahangkia to Yahudi hangko i wanua Antiokia hai wanua Ikonium hawehe i wanua Listra. To Yahudi iti mohuwekihe lalunda tauna bosa i wanua Listra bona laohe mowatui Paulu. Karoona Paulu rawatui, watana rabisoso lao i raoa wanua hai rapalehi inditi, lawi rapehangu matemi.

Suro 16:23

Karoonda rapapahai, liliuhe ratarunggu. Kapala tarunggu rapohawaa bona Paulu hai Silas nakampai maroahe.

Suro 23:2

Tangana Paulu mololita nodo, Tadulako Mpenomba Mahile Ananias motuduhe tauna au i holana Paulu, mohapa humena Paulu.

Roma 8:35

Apa pae au peisa mogaakike hangko i ahina Kerisitu? Kehapirike narumpa kasusa, ba kapari, pepopeahi-ahi, rimi, peahi-ahi, pepopalanga, ba pepapate, bara ina tekabaha ahina Kerisitu irikita.

1 Korintu 9:4

Ikami au mewali surona Pue Yesu, bara pae hintoto ane molambingkai paandeki ba paenungki hangko i pobagongki mobambari Ngkorana Pue?

2 Korintu 11:20

Ane arahe guru au mampohawikau, nidokohe. Ane arahe au mopakanawokau hai mobagiukau, nidokohe. Ane arahe au mampemahile hai mohapakau, nitodiha pea.

2 Korintu 4:8

Iumba pea kalaoangki, narumpangkai ngkaia kapari, agaiana barangkai manawo. Wulingkai, agaiana bara ope peharungangki i Pue Ala.

Pilipi 4:12

Peisana tuwo i anu-anu au haodi pea, peisa worina tuwo i anu-anu au ngkaia. Nauri apa pea au morumpana, kupamatana liliu lalungku maroa i tempo buhu, ba i tempo rimi, ngkaia ba haodi.

2 Timotiu 3:11

Nuitami kamantahaku i pepopeahi-ahi hai kapari au morumpana i wanua Antiokia, i Ikonium hai i Listra. Rumihi mpuu kapari iti! Agaiana nakabahana Pue hangko i hinangka kapari iti.