1 Korintu 16:1 - Sura Malelaha

¹ Kaliliuana halalu, ina mololitana kana i doi au nigulu bona nipopotulungihe halalunta hampepepoinalai au meahi-ahi tuwonda i wanua Yerusale. Kuperapi bona nibabehi iti moula apa au kuhawaamohe to Sarani au ara i tampo Galatia.

1 Korintu 16:1 Mawu Ofanana

Suro 11:28

Hadua hangko i olonda nabi iti rahanga Agabus. Anti kuasa au nahumba hangko i Inao Malelaha, meangkami Agabus mopahawe kaina arana rimi mahile i humalele Kadatua Roma. (Rimi iti tou-tou mpuu mewali i tempo poparentana Datu Mahile Klaudius i Roma.)

Suro 11:30

Kateguluna doi iti, motudumohe Baranaba hai Saulu au rapoinalaia moanti doi iti lao i penatua i Yerusale.

Suro 16:6

Inao malelaha mohombokihe Paulu hai rangana lao mopahawe Ngkorana Pue Ala i propinsi Asia. Ido hai tebalikimi tunggaianda, hai laomohe mampolumaongi tampo Frigia hai Galatia.

Suro 18:23

Bahangkia kamahaena hihimbela hai halalu hampepepoinalaina i Antiokia, meangka mbulimi lao i tampo Galatia hai Frigia mopakaroho pepoinalainda tauna au mepoinalai i Pue Yesu.

Suro 24:17

Bahangkia parena, paduna hangko i Yerusale. Roo indo, lao hulena bona moantina doi petulungi i halalungku to Yahudi hai moantina popenombaku i Pue Ala.

Suro 9:13

Nahanai Ananias, “Io, Pue. Agaiana, bosa tauna mololita kana i babehiana Saulu iti. Ia rumihi pampopeahi-ahina tauna au mepoinalai Irio i wanua Yerusale.

Suro 9:41

Nakingkimi Peturu taiena hai napopeangka. Roo indo, nakakio hulemohe ope-ope tauna au mepoinalai i Yesu hai tobemba iti, nauliangaahe, “Idemi halalumi, ia tuwo hulemi.”

Roma 12:13

Nitulungihe rangami hampepepoinalai au ara i lalu kamakuranda. Hangangaa matanakau modoko torare.

1 Korintu 11:34

Ane ara au marimi, agina maande amikau mai i sou. Ane nibabehi apa au hintoto i poteruhuami maminggu, barakau ina molambi pehuku hangko i Pue. Au ntanina, ina rapakanotoaraikau ane hawena irikamu.

1 Korintu 16:15

Halalu, niisami Setepanu hantambi au nguru-nguruna mewali to Sarani i propinsi Akaya. Ihira mohuhu katuwonda i Pue bona motulungihe halalunda hampepepoinalai. Mewali, kuperapi halalu

1 Korintu 4:17

Mewali, kutudumi Timotiu lao mampohidupaakau. Timotiu iti mampopolumao liliu bagona Pue, hai kuimbami anangku au kupokaahi. Ane hawe irikamu, ia ina mampopaingaakau noumba peulangku i Kerisitu hintoto hai paturo au kupahawe i ope-ope to Sarani i boea-boeana.

Galatia 2:10

Hampaka pea pamperapinda irikami dati naliu inaongki motulungi tauna au meahi-ahi tuwonda, hai ido wori au kipeinao kibabehi.

Pilemo 1:5

Lawi kuhadimi bambari au manguli noumba kamarohona pepoinalaimu i Pue Yesu hai kamahilena ahimu i ope-ope to Sarani.

Pilemo 1:7

Halalungku, Matana mpuuna hai tepalindo lalungku anti kamahilena ahimu iti, lawi oio au mopakaroho lalunda ope-ope tauna au mepoinalai i Pue Yesu.

Ibarani 6:10

Pue Ala batena manoto. Bagomi au nipobagomi hangko i lalumi au buke ahi bara ina naliu inaoNa. Manoto nipokaahi Pue Ala, lawi bosami belana motulungikau halalumi hampepepoinalai, maroa i tempo au liu, maroa ide-ide.

1 Yohane 3:17

Rapana ara hadua tauna au maroa tuwona, hai moita halaluna au meahi-ahi, agaiana bara mau motulungi halaluna iti, noumba? Ane nodo, ahi au hangko i Pue Ala bara ara i laluna tauna iti.