1 Korintu 15:52 - Sura Malelaha

⁵² Ope-ope iti pewalina hangkapira mata pea ane ratawuemi tatamburu au kahopoana. Lawi ane tatamburu iti ratawue, Pue Ala ina mopatuwo hule tomate, hai Naweihe wata au barapi ina mate. Hai ikita au tuwo manike, Nawouki wori watanta.

1 Korintu 15:52 Mawu Ofanana

Matiu 24:31

Tatamburu au mahile ina ratawue, hai ina Kutudu malaekaNgku lao mogulu tauna au Kupilei hangko i humalele dunia, mepongka i wuntuna hambali hawe i wuntuna hambali.”

Yohane 5:25

Tou mpuu lolitaNgku ide: ina hawe tempona hai katouana tempo iti hawemi, tomate ina mohadi wotuna Anana Pue Ala, hai ihira au mohadi wotuNgku ina molambi katuwo au wou.

Yohane 5:28

Inee nipotingkara lolitaNgku ide, lawi hambela tempo ope-ope tauna au mate ina mohadi wotuNgku, hai ina mearohe hangko i talumbanda. Tauna au mobabehi roa ina rapopearohe bona molambihe katuwo maroa. Agaiana tauna au mobabehi dake ina rapopearohe bona rahuku.”

1 Korintu 15:23

Agaiana ope-ope tauna ina rapatuwo hule moula tempo au tepatokami au nguru-nguruna iami Kerisitu. Roo indo i kahawe huleNa i dunia ide, ope-ope tauna au meula Iria ina rapatuwo hulehe.

1 Korintu 15:42

Nodo wori karapatuwo hulenda tomate. Watanta au ratawu iami wata au malede hai peisa magoro, agaiana ina rapopearo huleke hai wata au barapi peisa magoro.

1 Korintu 15:50

Halalu, tunggaiaku node, watanta i dunia ide rapopewali hangko i onto hai wahe. Hai watanta ide ina mate. Ane watanta bara tebaliki, barake peisa maida i lalu poparentana Pue Ala i suruga, lawi indora bara ara kapate.

1 Tesalonika 4:15

Idemi paturo au kidoko hangko i Pue Yesu: i kahawena hule Pue Yesu, ikita au tuwo manike, barake ina mampehindorungi ranganta au matemohe.

2 Peturu 3:10

Agaiana batena mpuu ina hawe Pue! Hai i kahaweNa iti, ina tingkara mpuuhe tauna, nodo i kahawena hadua topanangka. I alo iti, ina rahadi hambua pomoni au melangaki, hai i tempo iti peami, langi ina magero. Hinangkana au ara ina naande api. Dunia ide hihimbela hai ihina ina pumpu.

Pampetudungia 8:13

Hangko inditi kuita, ara hambaa tadasingkaia au membaro i laerawa. Kuhadimi tadasi iti mololita masisimbuku, nauli, “Hurewu! Hurewu! Hurewumohe tauna au maida i dunia, ane talu malaeka au kahopoana motawue tatamburunda.”

Pampetudungia 8:2

Kuita pitu malaeka meangka i lindona Pue Ala. Malaeka au pitu iti rawei pitu tatamburu.