1 Korintu 15:44 - Sura Malelaha

⁴⁴ Watanta au ratawu iami wata au hintoto pea tuwo i dunia, agaiana wata au rapatuwo hule iami wata au hintoto tuwo i suruga anti kuasana Inao Malelaha.

1 Korintu 15:44 Mawu Ofanana

Lukasi 24:31

I tempo iti, hangko manotori lalunda kaYesunami au maande sambelahe. Roo indo, unga pea matanta Yesu; barapi raita.

Yohane 20:19

Kaindina i alo Minggu iti, topeguruna Yesu moguluhe i lalu sou hai ragili babana, lawi langahe i tadulakonda to Yahudi. Unga pea ara Yesu meangka i olonda, hai Natabehe, Nauli, “Roa ngkatuwo hawe irikamu.”

Yohane 20:26

Liumi haminggu, mogulu mbulimohe topeguruna Yesu i lalu sou iti. I tempo iti, Tomas ara womi indo. Hai ope-ope baba ragilimi. Nauri nodo, unga pea Yesu ara meangka i olonda, hai mololita, Nauli, “Roa ngkatuwo hawe irikamu.”

1 Korintu 15:50

Halalu, tunggaiaku node, watanta i dunia ide rapopewali hangko i onto hai wahe. Hai watanta ide ina mate. Ane watanta bara tebaliki, barake peisa maida i lalu poparentana Pue Ala i suruga, lawi indora bara ara kapate.

1 Korintu 2:14

Tauna au bara moisa Pue Ala, barahe mampoinalai paturo au hangko i Inaona Pue Ala, lawi rauli, “Paturo iti, lolita tontuli.” Bara rabuku tauna iti modoko paturo au hangko i Inaona Pue Ala, lawi paturo iti hangangaa napakanoto Inao Malelaha i lalunta.