1 Korintu 15:10 - Sura Malelaha

¹⁰ Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

1 Korintu 15:10 Mawu Ofanana

Matiu 10:20

Mewali, apa au niuli i tempo iti, bara hangko i pekirimi. Lolitami iti ina mesuwu hangko i Inao Malelaha au Naweikau Umami au ara i suruga. Iami au ina mopakanotoakau apa au niuli i tempomi mololita.

Matiu 25:16

Hawi au rawei lima sabuna doi bulawa liliu mampopolumao doi iti mohaoki anana, nalambi mpuumi anana lima wori sabuna.

Roma 11:1

Mewali kupekune, natendemohe pae Pue Ala to Isaraeli au mewali taunaNa hangkoia? Manoto bara. Lawi ide iko, to Isaraeli worina, pemuleanana Burahima hangko i tina Benami.

Roma 12:3

Anti kabulana laluna Pue Ala, Nawatimona mewali suroNa, ido hai kuweikau lolita ide: ineeke mampemahile. Ineekau mampekiri apa au bara hintoto nipekiri, agaiana nipekiri pea apa au hintoto moula apa au Nakiraiaamoke Pue Ala hadua-hadua, moula hokana pepoinalainta.

1 Korintu 15:11

Arakau au kupaturo, ara worikau au rapaturo suroNa Pue Yesu au ntanina, agaiana bara topobambari Ngkora au tapaioru. Au tapaioru iami Ngkora Marasa au kibambariakau hai au nipoinalai.

1 Korintu 15:2

Tehoremakau hangko i huku dosami, asala mepoinalai liliukau i Ngkora Marasa au kupahaweakau. Ane bara, mbero-mbero pea pepoinalaimi iti.

1 Korintu 3:10

Anti kabulana laluna Pue Ala, ikomi au nguru-nguruna mobambari Ngkora Marasa irikamu. Iko nodona hadua topoaro sou au mapande. Moaromona watu pohudaa sou, hai tauna ntanina moaro sou i wongko watu iti. Hai ope-ope topobago hangangaa mobagohe maroa-roa.

1 Korintu 3:6

Iko au mantuda, Apolo au mobumbuhi, agaiana Pue Ala au mopatuwo.

1 Korintu 4:7

Ba niuli maroa lalumi hangko i rangami? Apa pae au ara irikamu au bara nidoko hangko i Pue Ala? Moapari hai mampemahilekau ane ope-ope au ara irikamu au nawei peakau Pue Ala?

2 Korintu 12:11

Ane inona mololitamona nodo tontuli, ikamu au mampopewalina node. Katouana ikamuri au hangangaa motoiana. Lawi kehapina malede, barato worina tepaiwoi hangko i suro ntanina au mampemapande gagahe iti.

2 Korintu 3:5

Bara kiuli kibuku mpuu mampopolumao bagona Pue. Bara kibuku hangko i kapandeki haduduangki; Pue Alami au moweingkai kapande.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

Galatia 2:8

Lawi Pue Ala mowei karoho i Peturu bona mewali surona Pue Yesu i to Yahudi. Hai Pue Ala moweina karoho bona mewalina suroNa i tauna au barahe to Yahudi.

Pilipi 2:13

Lawi Pue Ala au mampopokale lalumi pane niunde moula peundeaNa, hai Ia au moweikau karoho moula peundeaNa.

Pilipi 4:13

Kubuku molindo hinangka au merumpa, lawi Kerisitu mopakaroho lalungku.

1 Tesalonika 5:12

Halalu, kiperapi bona nibilahe tauna au mobago mantimi i lalu bagona Pue i olomi, lawi ihira napileimohe Pue bona monini hai mopaturokau.

1 Timotiu 4:10

Ido hai hangangaa mobago mantimike, lawi mepoinalaike i Pue Ala au tuwo i hae-haena hai au mohorema ope-ope tauna, ihira au mepoinalai Iria.