1 Korintu 14:2 - Sura Malelaha

² Lawi tauna au mololita i lalu basa au hangko i Inao Malelaha, barahe mololita i ranganda, mololitarihe i Pue Ala. Lawi bara raisa ranganda apa au rauli. Anti peninina Inao Malelaha, mololitahe i lalu basa au bara raisa tauna.

1 Korintu 14:2 Mawu Ofanana

Matiu 13:11

Nahanai Yesu, “Hangkoia, tewuniangi mani paturo kana i poparentana Pue Ala. Ide-ide Naweikau Pue Ala pekiri bona niisa lempona paturo iti. Agaiana ane tauna bosa, barahe Nawei pekiri molempo paturo iti.

Markus 16:17

I tauna au mepoinalai, ina Kuweihe kuasa mobabehi tanda kuasa au node: i lalu hangaNgku, ihira ina mampopelohohe seta. Ina mololitahe i lalu basa au bara raisa.

Markus 4:11

Nauli Yesu, “Hangkoia, noumba poparentana Pue Ala i dunia tewuniangi mani. Ide-ide rapopaisaamokau, agaiana i tauna ntanina Kupahaweahe hai ngkora pandiri,

Suro 10:46

Manoto kamolambindami Inao Malelaha, lawi rahadihe mololita i lalu basa au bara raisa au Naweihe Inao Malelaha, hai motoiahe Pue Ala. Hangko inditi, naulimi Peturu:

Suro 19:6

Hai i tempona Paulu moona taiena i tanoananda, mendaulu mpuumi Inao Malelaha mokuasaihe. Unga peahe mololita hai basanda tauna ntanina, hai mohowarahe lolita au hangko i Pue Ala.

Suro 22:9

Rangangku moita worihe au mewangka iti, agaiana bara raisa apa au nauliangaana wotu iti.

Roma 16:25

Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

1 Korintu 12:10

I tohaduana, Nawei kapande mobabehi tanda kuasa; i tohaduana, Nawei kapande mopahawe lolita hangko i Pue Ala. I hadua wori, Nawei kapande mampopontani apa au hangko i Inao Malelaha hai apa au bara hangko i Inao Malelaha. I tauna ntanina, Nawei kapande mololita i lalu basa au hangko i Inao Malelaha. Hai i hadua wori, Nawei kapande mopalimba lempona basa iti bona raisa hangka rangana.

1 Korintu 12:28

Hai irikita au mepoinalai, Pue Ala mopakanotomi bona hadua-hadua ara bagona, kaisa arahe au mewali suroNa, kadua arahe au mopahawe NgkoraNa, hai katalu arahe au mepaturo. Ara worihe au Nawei kuasa mobabehi tanda kuasa. Arahe au Nawei kuasa mepakaoha, arahe au molambi kapande motulungi hangka ranganda, arahe au mewali tadulako, arahe au molambi kapande mololita i lalu basa au hangko i Inao Malelaha.

1 Korintu 13:1

Ane rapana, molambina kapande hangko i Inao Malelaha bona mololitana i lalu basa malaeka ba basa manusia au bara kuisa, agaiana bara maahi lalungku, bara mpuu ara bunduna katuwongku. Ope-ope kapande iti nodo pea pomoni ndonge ba porio-riona timbonga.

1 Korintu 13:2

Ane rapana, molambina kapande mopahawe lolita hangko i Pue Ala hai molambina ope-ope kapande hangko i Pue Ala au bara raisa rangangku, hai ane maroho pepoinalaingku pane kubuku mopalimba bulu, agaiana bara maahi lalungku, bara mpuu ara bunduna katuwongku.

1 Korintu 14:16

Ane rapana mololitake i lalu basa au hangko i Inao Malelaha manguli ngkaia kamaroana i Pue Ala, hai bara manoto lempona lolitanta i tauna au mohadi, tauna iti barahe peisa mampokana lolitanta lawi bara ina raisa apa au tauli.

1 Korintu 14:26

Mewali halalu, apa lempona ope-ope iti? Ane maminggukau, hadua-hadua tauna ara kamapandenda: arahe au monani, arahe au mepaturo, arahe au mopahawe lolita hangko i Pue Ala, arahe au mololita i lalu basa au hangko i Inao Malelaha, arahe au mopalimba lempona lolitanda iti bona raisa ope-ope tauna. Agaiana hinangkana iti hangangaa nibabehi bona mopakarohokau lalunda rangami.

1 Korintu 15:51

Mewali bona niisa, kupahaweakau paturo au tewuniangi hangkoia: i kahawena hule Pue Yesu, arake au bara mani mate, agaiana ikita ope-ope ina rabaliki, maroa au tuwo, maroa au mate.

1 Korintu 2:10

Agaiana ikita, moisamoke tunggaiana Pue Ala, lawi tunggaia iti napopaisaamoke Pue Ala hai kuasana Inao Malelaha. Hai i Inao Malelaha bara ara au tewuniangi, lawi Ia moparesa hinangkana hawe-hawe i tunggaiana Pue Ala au bara mani raisa tauna.

1 Korintu 2:7

Au kipahaweakau, iami kapande au hangko i Pue Ala. Mopahawengkai tunggaiana Pue Ala moweike katuwo au meawa i alo au ina mai. TunggaiaNa iti, bara mani raisa tauna hangkoia. Agaiana hangko damani dunia ide rapopewali, Pue Ala mopakanoto amimi kaina Naweinta katuwo au meawa iti.

Epesu 6:19

Hai nipekakaea worina bona i tempoku mololita, Pue Ala moweina lolita au manoto bona datina langa mopahawe Ngkora Marasa au tewuniangi hangkoia.

Kolose 2:2

Tunggaiaku bona maroho lalumi hai mombepokaahikau, alana mohintuwukau hadua hai hadua. Peundeaku bona tongawa i lalumi tunggaiana Pue Ala au tewuniangi hangkoia hai bara bata-bata lalumi; tunggaiaNa iti bona moisakau Kerisitu.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

1 Timotiu 3:9

Hangangaa modoko mpuuhe paturo kana i pepoinalai au napahaweake Pue Ala, hai mampeulaihe paturo iti hangko i kamalelahana lalunda.