1 Korintu 13:5 - Sura Malelaha

⁵ barahe makasara, barahe mohaoki peundeanda haduduanda, barahe hengke, hai barahe mepailalu.

1 Korintu 13:5 Mawu Ofanana

Matiu 5:22

Agaiana ide-ide kuuliangaakau: hema au rumpu i halaluna hampepepoinalai, ina rabotusi i kara-karana. Hema au motunda-tunda halaluna, ina raanti i Topeparesa Mahile. Hai hema au mampotontulia hampepepoinalaina, hintoto mpuu ratende i lalu api naraka.

Matiu 9:4

Agaiana naisa ntepuu Yesu apa au ara i lalunda. Ido hai Nauliangaahe, “Moapari hai kadakeri pekirimi?

Markus 3:5

Membalilimi Yesu mototokihe. Rumpumi hai masusa laluNa anti kamatuana lalunda, hai mouliangaami tauna au wara taiena, “Ona taiemu!” Naona mpuumi taiena hai liliu maoha.

Lukasi 7:39

Kanaitana Simo apa au nababehi towawine iti, nauli laluna, “Ane tauna ide tou-tou mpuu hadua nabi, hangangaa Naisa kahemana towawine au motobo, hai hangangaa Naisa wori kadana maroa babehiana.”

1 Korintu 10:24

Inee tababehi au motulungi pea watanta haduduanta. Hangangaa tababehi wori au motulungi ranganta.

1 Korintu 10:33

Nodo wori iko, i paka-pakana kubabehi liliu apa au maroa i peitanda ope-ope tauna. Bara kuhaoki apa au mobundu pea i watangku haduduangku, agaiana kubabehi apa au ina mobundu i rangangku bona tehoremahe hangko i huku dosanda.

1 Korintu 11:18

Nguru-nguruna, kuhadi bambari au manguli, ane moteruhukau maminggu, ara posisalami hadua hai hadua. Hai kupekiri bambari iti hangangaa tou!

1 Korintu 12:25

Nodo wori ikita au mepoinalai i Pue Yesu, ikita ope-ope rapandiri nodo kira-kirana wata au hambua pea, hai hangangaa mombekamatake hadua hai hadua bona dati ara posisalanta.

1 Korintu 7:36

Ane rapana ara hadua anantomoane mampomanua hadua anantowawine, hai nauli anantomoane iti: “Bara hintoto ane bara kupotambia hampomanungku, lawi kasae-saeami.” Mewali, ane barapi rabuku morempeki peundeana lalunda hai ane mampeinaomohe motambi, agina motambi peamohe, baratohe madosa.

2 Korintu 5:19

Idemi bambari au kipahawe: melempo i Kerisitu, Pue Ala mopahintuwu tauna hai wataNa haduduaNa, hai barapi Napailalu salanda. Ikami ide, Naweingkai bago moanti bambari iti i tauna ntanina bona peisa worihe mohintuwu hai Pue Ala.

Galatia 5:13

Halalu, Nakakiomoke Pue Ala bona tekabahake hangko i Aturana Musa. Agaiana inee tapehangu katekabahanta hangko i atura iti peisamoke tuwo moula peundeana lalunta. Aginari mombepokaahike hai mombetulungike hadua hai hadua.

Pilipi 2:21

Ane au ntantaninahe, mampekiri peahe watanda haduduanda, barahe mampekiri peundeana Yesu Kerisitu.

Pilipi 4:8

Kahopoana halalu, kuperapi bona nipailalu liliu hinangkana au maroa hai au hintoto ratoia. Apa au tou, apa au hintoto rabila, apa au manoto, apa au malelaha, apa au merae, hai apa au teadai, itimi au hangangaa nipailalu.

2 Tesalonika 3:7

Niisa mpuu babehiangki halalu, barangkai lohe mobago i tempoki hihimbela hai ikamu hangkoia. Babehia iti hangangaa nipopandiri.

2 Timotiu 2:10

Ido hai kubuku mohalea ope-ope kapari ide bona tauna au napileimohe Pue Ala ina mampehadingi hai mampoinalai Ngkora Marasa iti duunda molambi katehorema hai katuwo meawa au bara mokahopoa anti pohintuwunda hai Kerisitu Yesu.

2 Timotiu 4:16

Nguru-nguruna kara-karangku rapohuda-hudaa hangkoia, bara mpuu ara hadua au motulungina. Ope-opehe mopalehina. Mekakaena i Pue dati Nahurungi babehianda iti.

Yakobu 1:19

Halalungku au kupokaahi! Nipailalu maroa lolita ide: ikita ope-ope hangangaa manaki talinganta mampehadingi lolitana tauna, hai ineeke sosa mololita hai ineeke hoholiga rumpu.