1 Korintu 13:1 - Sura Malelaha

¹ Ane rapana, molambina kapande hangko i Inao Malelaha bona mololitana i lalu basa malaeka ba basa manusia au bara kuisa, agaiana bara maahi lalungku, bara mpuu ara bunduna katuwongku. Ope-ope kapande iti nodo pea pomoni ndonge ba porio-riona timbonga.

1 Korintu 13:1 Mawu Ofanana

Matiu 25:45

Hai Iko Datu, Kuhanaihe, ‘Bona niisa, anti kadana nitulungi tauna au meahi-ahi tuwonda, lempona, Ikomi au bara nitulungi.’ ”

Markus 16:17

I tauna au mepoinalai, ina Kuweihe kuasa mobabehi tanda kuasa au node: i lalu hangaNgku, ihira ina mampopelohohe seta. Ina mololitahe i lalu basa au bara raisa.

Roma 14:15

Nodo wori, ane kuande apa au nauli rangangku rapalia duuna kupakapari laluna, madosa worina, lawi barana maahi i rangangku. Ido hai kuuli, hangangaa tapamaroa-roa babehianta bona inee takelo ranganta hai paande au taande alana tapakanawo pepoinalaina. Lawi ranganta iti, iami halalunta hampepepoinalai au nahorema worimi Kerisitu hangko i kamadosana.

1 Korintu 12:10

I tohaduana, Nawei kapande mobabehi tanda kuasa; i tohaduana, Nawei kapande mopahawe lolita hangko i Pue Ala. I hadua wori, Nawei kapande mampopontani apa au hangko i Inao Malelaha hai apa au bara hangko i Inao Malelaha. I tauna ntanina, Nawei kapande mololita i lalu basa au hangko i Inao Malelaha. Hai i hadua wori, Nawei kapande mopalimba lempona basa iti bona raisa hangka rangana.

1 Korintu 12:16

Ane talinga manguli, “Iko, barana mata, ido hai barana hangkira hangko i wata,” tou pae ia bara hangkira hangko i wata?

1 Korintu 12:8

I hadua tauna, Nawei Inao Malelaha kapande mepaturo. I tohaduana, Nawei kapande mopakanoto lempona Ngkorana Pue Ala.

1 Korintu 13:8

Ahi bara ara kahopoana. Agaiana ane arake au mapande mopahawe lolita hangko i Pue Ala, hambela tempo kapande iti barapi ina ara. Ane arake au mapande mololita i lalu basa Inao Malelaha, hambela tempo kapande iti ina ope. Ane molambike kapande hangko i Pue Ala bona moisake apa au bara raisa ranganta, hambela tempo, kapande iti barapi raparaluu.

1 Korintu 14:2

Lawi tauna au mololita i lalu basa au hangko i Inao Malelaha, barahe mololita i ranganda, mololitarihe i Pue Ala. Lawi bara raisa ranganda apa au rauli. Anti peninina Inao Malelaha, mololitahe i lalu basa au bara raisa tauna.

1 Korintu 14:4

Tauna au mololitahe i lalu basa au hangko i Inao Malelaha mopakaroho peahe lalunda haduduanda. Tauna au mopahawe lolita hangko i Pue Ala mopakarohohe lalunda jumaa.

1 Korintu 14:5

Peundeaku halalu bona ikita ope-ope peisake mololita i lalu basa hangko i Inao Malelaha. Agaiana ane mopahaweke lolita hangko i Pue Ala, itiri au meliu kamaroana. Lawi ane mopahaweke lolita hangko i Pue Ala, meliu pobunduana i ranganta pane mololitake i lalu basa au hangko i Inao Malelaha. Agaiana ane arahe au mopalimba basa iti bona manoto lempona, hangko arari pobunduana mopakaroho lalunda jumaa.

1 Korintu 8:1

Kaliliuana, ina mololitana kana i paande au rapopenomba i anitu. Niuli, “Ikita to Sarani, mapandeke, taisami paturo au tou.” Tou mpuu agaiana kuuliangaakau: anti kamapandemi iti, arakau au mampemahile. Aginami maahike i ranganta hai tapakaroho lalunda hangka ranganta.

2 Korintu 12:4

unga pea raangka i paidaana Pue Ala au rahanga Paradesi. Indora tauna iti mohadi apa pea au bara rabuku rapololita manusia hai bara mpuu rakira rapololita tauna.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

1 Timotiu 1:5

Tunggaiana paturongku ide bona ikita ope-ope mombepokaahike. Hangangaa mombepokaahike hangko i lalunta au malelaha, hangko i kabulana lalunta hai hangko i kamarohona pepoinalainta i Pue Ala.

1 Peturu 4:8

Au melumbu hangko i hinangkana, iami pombepokaahimi hadua hai hadua. Hangangaa mombepokaahikau hangko i lalumi mpuu, lawi ane nibabehi nodo, ina nibuku wori moampungi salanda rangami.

2 Peturu 2:18

Polololitanda mampemahile, hai bara mobundu. Modiihe lalunda tauna hai peundeanda au merikai alana tauna iti rapakanawohe, moleri tauna iti bara manihe mahae mopalehi babehianda au kadake.

Pampetudungia 14:2

Ara kuhadi pomoni au mahile hangko i suruga, nodo powoo owai au ngkaia, hai karumihina nodo pogumuru gumpata. Pomoni au kuhadi iti, nodo wori pomoni kecapi au rakalea tauna.