1 Korintu 12:9 - Sura Malelaha

⁹ I tauna ntanina, Nawei pepoinalai au maroho. Hai i tohaduana, Inao Malelaha mowei kuasa mepakaoha.

1 Korintu 12:9 Mawu Ofanana

Matiu 10:8

Nipakaoha tauna au mahai, nipatuwo tauna au mate, nipakaoha tauna au kehaki tangga, nipopeloho seta au mampesuangi tauna. Ope-ope pewati nawei mberokau Pue Ala. Mewali, hangangaa niwei mbero worihe rangami pewati iti.

Matiu 21:21

Nahanai Yesu, “Tou mpuu au Kuuliangaakau, ane nipoinalai hai bara bata-bata lalumi, peisa wori nibabehi nodo au Kubabehi i kau iti. Mogalori bulu olou, peisa nipohawaa, niuli: ‘Teangkamoko, pengkanawo i lalu tahi!’ hai batena ina mewali.

Markus 16:18

Nauri mokingkihe ile, ba maenuhe rasu, agaiana barahe ina moapa-apa. Ane motobohe tauna au mahai, tomahai iti batena ina maoha.”

Markus 6:13

Topeguruna Yesu iti mampopelohohe ngkaia seta au mampesuangi tauna, hai morirohihe tomahai hai lana mawongi pane maohahe.

Lukasi 10:9

Nipakaoha tomahai au ara i lalu boea iti, hai niuliangaahe ampu boea: ‘Ina hawemi poparentana Pue Ala irikamu.’

Lukasi 9:2

Natuduhe lao mopahawe bambari kana i poparentana Pue Ala hai mopakaohahe tauna au mahai.

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Suro 5:15

Ngkaia tanda kuasa au rababehi suro iti, ido hai bosa tomahai raanti hai rapopaturuhe i ale i wiwi rara. Rababehi nodo lawi raharunga ane Peturu moliu inditi, nau bao-baona pea kana watanda tomahai iti, batenda maoha.

1 Korintu 12:28

Hai irikita au mepoinalai, Pue Ala mopakanotomi bona hadua-hadua ara bagona, kaisa arahe au mewali suroNa, kadua arahe au mopahawe NgkoraNa, hai katalu arahe au mepaturo. Ara worihe au Nawei kuasa mobabehi tanda kuasa. Arahe au Nawei kuasa mepakaoha, arahe au molambi kapande motulungi hangka ranganda, arahe au mewali tadulako, arahe au molambi kapande mololita i lalu basa au hangko i Inao Malelaha.

1 Korintu 12:30

ba mepakaoha. Bara ope-ope tauna molambi kapande mololita i lalu basa au hangko i Inao Malelaha ba mopalimba basa iti bona raisa tauna ntanina.

1 Korintu 13:2

Ane rapana, molambina kapande mopahawe lolita hangko i Pue Ala hai molambina ope-ope kapande hangko i Pue Ala au bara raisa rangangku, hai ane maroho pepoinalaingku pane kubuku mopalimba bulu, agaiana bara maahi lalungku, bara mpuu ara bunduna katuwongku.

2 Korintu 4:13

I lalu Sura Malelaha, teuki node: “Anti pepoinalaingku, ido hai barana langa mololita.” Nodo wori ikami. Mepoinalaingkai i Pue Ala, ido hai barangkai langa mopahawe Ngkora Marasa.

Epesu 2:8

Nahoremamoke Pue Ala hangko i huku dosanta moula kabulaNa laluNa, anti pepoinalainta i Yesu Kerisitu. Barake Nahorema anti babehianta au maroa, batena pea anti kabulana laluNa irikita. Ido hai bara ara hadua au peisa manguli: “Anti kamaroana babehiangku, ido hai nahoremana Pue Ala hangko i huku dosangku.”

Ibarani 11:33

Anti pepoinalainda: mampopengkoruhe datu, moparentahe i kanoto-notoana, molambihe apa au nadandi Pue Ala, mokamumuhe nganga singa,