1 Korintu 12:4 - Sura Malelaha

⁴ Inao Malelaha moweike paka-pakana kapande mampopolumao bagona Pue Ala. Ikita hadua-hadua molambike kapande au montani-ntani, agaiana hinangka kapande iti, naweike Inao Malelaha.

1 Korintu 12:4 Mawu Ofanana

1 Korintu 12:1

Kaliliuana halalu, ina mololitana kana i kapande au tahumba hangko i Inao Malelaha. Tunggaiaku bona niisa mpuu apa au tou.

1 Korintu 12:28

Hai irikita au mepoinalai, Pue Ala mopakanotomi bona hadua-hadua ara bagona, kaisa arahe au mewali suroNa, kadua arahe au mopahawe NgkoraNa, hai katalu arahe au mepaturo. Ara worihe au Nawei kuasa mobabehi tanda kuasa. Arahe au Nawei kuasa mepakaoha, arahe au molambi kapande motulungi hangka ranganda, arahe au mewali tadulako, arahe au molambi kapande mololita i lalu basa au hangko i Inao Malelaha.

1 Korintu 12:5

Ngkaia pakana bago au tapobago i Pue, agaiana Pue au tapobagoa, hadua pea.

1 Korintu 7:7

Katouana, kuunde ane ope-ope tauna nodo iko, bara motambi. Agaiana bara ope-ope tauna au rabuku ane barahe motambi. Hadua-hadua tauna molambi pewati au montani-ntani hangko i Pue Ala.

Epesu 4:11

Iami au mokira-kira pewati i ope-ope tauna au mepoinalai Iria: arahe au Napopewali suroNa, arahe au Napopewali nabi mopahawe lolitaNa, hai ara worihe au Napopewali topobambari Ngkora Marasa, guru jumaa, hai guru agama.

Ibarani 2:4

Hai Pue Ala mopakaroho ntepuu posabinda, lawi Naweihe kuasa mobabehi ngkaia pakana tanda kuasa hai tanda au metingkarai. Hai Nawei worihe kapande au montani-ntani hangko i Inao Malelaha moula peundeaNa.

1 Peturu 4:10

Ikita ope-ope molambimoke kapande au montani-ntani moula apa au naweike Pue Ala. Mewali hangangaa tapake kapande iti bona motulungike ranganta hai tapopolumao maroa bago au naweimoke Pue Ala hangko i kabulana laluNa.