1 Korintu 12:25 - Sura Malelaha

²⁵ Nodo wori ikita au mepoinalai i Pue Yesu, ikita ope-ope rapandiri nodo kira-kirana wata au hambua pea, hai hangangaa mombekamatake hadua hai hadua bona dati ara posisalanta.

1 Korintu 12:25 Mawu Ofanana

1 Korintu 12:24

Agaiana kirana watanta au maroa raita tauna, bara paraluu tapoperae. Pue Ala mokadipura kirana watanta bona hangkira au bara gaga rabila, iti au hangangaa takadipura ntepuu.

1 Korintu 12:26

Ane ara hadua ranganta au mahai, hangangaa mantodiha sambelake. Ane ara hadua ranganta au ratoia, ikita ope-ope ina matana sambela worike.

1 Korintu 3:3

lawi moula manikau peundeana lalumi au kadake. Mahinakau hai mobungka-bungka manikau, itimi au mopakanoto poulami mani peundeana lalumi au kadake, nodo tauna au bara manihe moisa Pue.

2 Korintu 13:11

Kahopoana halalu, hangangaa matana-tanakau. Nipakaroho peulami i Pue! Nipeulai paturongku! Hangangaa hampepekirikau hai tuwo mohintuwukau. Pue Ala ina mamporangaikau, mampopaitaakau ahiNa, hai moweikau roa ngkatuwo.

2 Korintu 7:12

Halalu-halalu, i lalu surangku hangkoia au kuukiamokau, bara ara tunggaiaku mokambaroa hadua tauna au masala iti. Bara wori ara tunggaiaku bona motulungi pea tauna au molambi rugi anti tauna au masala iti. Tunggaiaku mouki sura iti, bona nipatongawa i peitana Pue Ala, noumba kamahilena ahimi irikami.

2 Korintu 8:16

Kuuli ngkaia kamaroana i Pue Ala, lawi Ia au mampopokale laluna Titu pane madota motulungikau. Tunggaiana Titu iti, himbela wori hai tunggaiaki.