1 Korintu 12:10 - Sura Malelaha

¹⁰ I tohaduana, Nawei kapande mobabehi tanda kuasa; i tohaduana, Nawei kapande mopahawe lolita hangko i Pue Ala. I hadua wori, Nawei kapande mampopontani apa au hangko i Inao Malelaha hai apa au bara hangko i Inao Malelaha. I tauna ntanina, Nawei kapande mololita i lalu basa au hangko i Inao Malelaha. Hai i hadua wori, Nawei kapande mopalimba lempona basa iti bona raisa hangka rangana.

1 Korintu 12:10 Mawu Ofanana

Markus 16:17

I tauna au mepoinalai, ina Kuweihe kuasa mobabehi tanda kuasa au node: i lalu hangaNgku, ihira ina mampopelohohe seta. Ina mololitahe i lalu basa au bara raisa.

Markus 16:20

Hangko inditi, laomohe topeguruNa mopahawe Ngkora Marasa iumba-umba pea. Naporangaihe Pue i lalu bagonda, hai Napakaroho pobambarinda Ngkora Marasa hai tanda kuasa au metingkarai bona tongawa katouna Bambari au raanti.]

Lukasi 24:49

Nipehadingi lolitaNgku! Ina Kutudu Inao Malelaha mai irikamu. Agaiana hangangaa nipegia hampai inde i wanua Yerusale, duumi molambi kuasa moula dandiNa UmaNgku.”

Yohane 14:12

Tou mpuu lolitaNgku ide: tauna au mepoinalai Iriko, peisahe mobabehi nodo au Kubabehi, ba melumburi hangko i apa au Kubabehi, lawi ina laomoNa i UmaNgku.

Yohane 16:13

Ane hawe Inao Malelaha, Ia au ina moninikau hai mampopaisaakau ope-ope paturo au tou. Ia bara mololita moula peundeaNa. Apa au Nahadi hangko i UmaNgku, iti au Napololita. Hai Ia ina mopahaweakau apa au mewali i alo au ina mai.

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

Suro 11:27

I tempo iti, ara worihe bahangkia nabi i Yerusale au lao i wanua Antiokia.

Suro 11:28

Hadua hangko i olonda nabi iti rahanga Agabus. Anti kuasa au nahumba hangko i Inao Malelaha, meangkami Agabus mopahawe kaina arana rimi mahile i humalele Kadatua Roma. (Rimi iti tou-tou mpuu mewali i tempo poparentana Datu Mahile Klaudius i Roma.)

Suro 19:6

Hai i tempona Paulu moona taiena i tanoananda, mendaulu mpuumi Inao Malelaha mokuasaihe. Unga peahe mololita hai basanda tauna ntanina, hai mohowarahe lolita au hangko i Pue Ala.

Suro 5:3

Ido hai mololita Peturu i Ananias, nauli, “Ananias, Datu Tokadake au mokuasai lalumu! Mampodongkoamoko Inao Malelaha, lawi nuuli doi holo tampomu nuhuhumi ope-ope, moleri nuwolito hanggaa!

Roma 12:6

Hadua-haduake molambi kapande au montani-ntani moula apa au nakiraiake Pue Ala i suka kabulana laluNa. Tauna au molambi kapande mopahawe Ngkorana Pue Ala, hangangaa napopolumao mpuu bago iti moula hokana pepoinalaina.

Roma 15:19

hai anti tanda-tanda kuasa au kubabehi hai kuasana Inao Malelaha. Hangko i wanua Yerusale hawe i tampo Ilirikum, kupahawemi Ngkora Marasa i ope-ope tauna, kupaturoahe kahemana Kerisitu.

1 Korintu 11:4

Ane hadua tobalilo metolombu i tempona mekakae ba mopahawe lolitana Pue Ala i paminggu, ia mopapakoi Kerisitu, tadulakona.

1 Korintu 13:8

Ahi bara ara kahopoana. Agaiana ane arake au mapande mopahawe lolita hangko i Pue Ala, hambela tempo kapande iti barapi ina ara. Ane arake au mapande mololita i lalu basa Inao Malelaha, hambela tempo kapande iti ina ope. Ane molambike kapande hangko i Pue Ala bona moisake apa au bara raisa ranganta, hambela tempo, kapande iti barapi raparaluu.

1 Korintu 14:13

Ido hai kuuliangaakau, hema au mololita i lalu basa au hangko i Inao Malelaha, agina merapi i Pue bona molambi kapande mopalimba lempona basa iti bona raisa ope-ope rangana lempona lolitana.

1 Korintu 14:39

Mewali halalu, hangangaa nipari-pari molambi kapande mopahawe lolita hangko i Pue Ala, agaiana inee worihe nikonto au mololita i lalu basa au hangko i Inao Malelaha.

Galatia 3:5

Naweimokau Pue Ala Inao Malelaha hai mobabehimi tanda kuasa i olomi. Ba Nababehi nodo anti peulami i Aturana Musa? Bara. Nababehi nodo, lawi mohadimokau Ngkora Marasa hai mampoinalaimokau Pue Yesu.

1 Tesalonika 5:20

Inee bara nipoinalai lolitana Pue Ala au rapahawe tuduaNa.

Ibarani 2:4

Hai Pue Ala mopakaroho ntepuu posabinda, lawi Naweihe kuasa mobabehi ngkaia pakana tanda kuasa hai tanda au metingkarai. Hai Nawei worihe kapande au montani-ntani hangko i Inao Malelaha moula peundeaNa.

1 Yohane 4:1

Halalu au kupokaahi! Ineehe hampai nipoinalai ope-ope tauna au mouli kaarana Inaona Pue Ala irihira. Nipeita maroahe, ba tou-tou mpuuhe hangko i Pue Ala ba bara. Lawi iumba-umba pea, arahe nabi au mepawuli.

Pampetudungia 2:2

Nauli: Kuisa noumba babehiami: madotakau i lalu bagoNgku, hai mantahakau i tempomi rapopeahi-ahi anti pepoinalaimi Iriko. Kuisa kanikahihina babehianda tauna au kadake. Arahe au manguli suroNgkuhe, agaiana bara tou. Niisa podongkonda, lawi bara maroa babehianda.