1 Korintu 11:5 - Sura Malelaha

⁵ Agaiana ane hadua towawine mekakae ba mopahawe lolitana Pue Ala i paminggu hai bara metolombu, towawine iti mopapakoi tobalilona au mewali tadulakona. Towawine au bara metolombu iti, hangangaa maea nodo hadua towawine au rakou weluana.

1 Korintu 11:5 Mawu Ofanana

Lukasi 2:36

Kahawenda Yusupu hai Maria i Souna Pue Ala, ara wori inditi hadua nabi towawine. Hangana Hana, anana Fanuel, pemuleana Aser. Hana iti, ualumi pulona hai iba parena tinuwuna. Hangkoia motambi, agaiana pitu pea parena hangko indo, matemi tobalilona. Mepongka i tempo iti, ia bemba hai maida liliu i Souna Pue Ala. Alo-alona hai wengi-wengina Hana menomba i Pue Ala, mekakae hai mopuasa.

Suro 2:17

Nauli Pue Ala: ‘I alo-alo kahopoa dunia, Ope-ope tauna ina Kukiraiahe inaoNgku. Anami tobalilo hai anami towawine ina mohowara lolitaNgku. Anantomoanemi ina moita apa au Kupopaitaahe. Tosaemi ina Kuweihe pangipi.

Suro 21:9

Ara anana iba towawine bara manihe motambi, ope-opehe mewali nabi to Sarani.

1 Korintu 11:4

Ane hadua tobalilo metolombu i tempona mekakae ba mopahawe lolitana Pue Ala i paminggu, ia mopapakoi Kerisitu, tadulakona.

1 Korintu 11:6

Mewali, ane ara hadua towawine au bara naunde metolombu i paminggu, agina ragundi peami weluana. Agaiana ane maea ragundi ba rakou, hangangaa metolombu.

1 Korintu 14:34

Mewali, towawine hangangaa mandii-ndii i lalu paminggua. Barahe rapaliu mololita, hangangaa mengkoruhe nodo au teuki i lalu Aturana Pue Ala.