1 Korintu 11:21 - Sura Malelaha

²¹ Lawi i poteruhumi, arakau au moande hai moenu mpoioru paandemi hai anggoromi i lindonda rangami au meahi-ahi alana ikamu malangumokau, hai ihira marimi hai mangkadouhe.

1 Korintu 11:21 Mawu Ofanana

Yohane 2:10

nauliangaa, “Matama mpuu ide anggoro. Katouana moula adanta, anggoro au maroa hangangaa rapoperora ioru. Ane nahadimohe maenu, hangko rakandori au bara gaga maroa. Agaiana oio, nupaibokori anggoro au matama, hai ide-ide hangko nupopesuwuri.”

1 Korintu 11:20

Masusa lalungku, lawi ane teruhu sambelakau, bara nibabehi apa au hintoto i paande roti mokatuinao kapatena Pue Yesu.

1 Korintu 11:34

Ane ara au marimi, agina maande amikau mai i sou. Ane nibabehi apa au hintoto i poteruhuami maminggu, barakau ina molambi pehuku hangko i Pue. Au ntanina, ina rapakanotoaraikau ane hawena irikamu.

2 Peturu 2:13

Ina narumpahe pehuku hintoto hai babehianda. Babehianda tauna iti mepakaea mpuu. Mogalori mabaa, raunde mobabehi dake moula peundeana lalunda haduduanda. Ane maandehe hihimbela hai ikamu i posusami, mehiorohe moula peundeana lalunda. Ido hai rakakabosai worikau tauna ntanina.

Yudasi 1:12

I pogulu-guluami, guru au mepakanawo iti maandehe hihimbela hai ikamu nodo rangami, agaiana mepakaea mpuu babehianda. Ane moguluhe hihimbela hai ikamu, mehioro mpuuhe hai mampekiri peahe watanda. Ihira nodo gawu au nawui himburu agaiana bara mopaara uda. Ihira nodo kau au bara maroa: ane hawe tempo powua, bara ara wuana. Ido hai rawuka peami alana bangi.