1 Korintu 11:2 - Sura Malelaha

² Kaliliuana halalu, kutoiakau lawi i paka-pakana nikatuinao liliuna, hai nipeulai liliu paturongku au kupahaweakau.

1 Korintu 11:2 Mawu Ofanana

Lukasi 1:6

Tohamboko iti, manoto babehianda i peitana Pue Ala, lawi hangko i lalunda mpuu mampeulaihe ope-ope atura hai parentana Pue Ala.

1 Korintu 11:17

Kaliliuana, ara wori hampaka au kupeinao kuuliangaakau, hai bara worikau kutoia anti babehiami ide. Lawi poteruhumi bara mopaara pengkorumi i Pue Ala, agaiana moantirikau i babehia au kadake.

1 Korintu 11:22

Barakau pae mosou? Agina maande hai maenu amimokau i soumi moula peundeami. Moapari hai nibabehi nodo i poteruhuami? Niunderi pae mopapakoi hangka rangami au mewali kirana Pue Ala? Nipeinao pae mopakaeahe halalumi au meahi-ahi tuwonda? Apa au hangangaa kuuliangaakau? Ba kutoiakau? Bara! I babehiami iti barakau kutoia.

1 Korintu 15:2

Tehoremakau hangko i huku dosami, asala mepoinalai liliukau i Ngkora Marasa au kupahaweakau. Ane bara, mbero-mbero pea pepoinalaimi iti.

1 Korintu 4:17

Mewali, kutudumi Timotiu lao mampohidupaakau. Timotiu iti mampopolumao liliu bagona Pue, hai kuimbami anangku au kupokaahi. Ane hawe irikamu, ia ina mampopaingaakau noumba peulangku i Kerisitu hintoto hai paturo au kupahawe i ope-ope to Sarani i boea-boeana.

1 Korintu 7:17

Hangangaa tapokatana katuwonta au Napakanotoake Pue Ala i kaNakakionta mewali anaNa. Itimi parentaku au kupaturoahe ope-ope jumaa iumba pea kalaoangku.

1 Tesalonika 1:6

Hai ikamu halalu, kamohadimi Ngkora Marasa iti, nipeulaimi poantiki hai poantina Pue Yesu. Lawi nauri rumihi karapopeahi-ahimi, matana liliu lalumi modoko Ngkora Marasa. Kamatanami iti naweikau Inao Malelaha.

1 Tesalonika 3:6

Mewali, ide-ide, Timotiu mesulemi inde, hai napahaweamongkai bambari au mopamatana lalungki. Nauli, “To Tesalonika iti, maroho mpuu pepoinalainda hai kamaahinda. Mabila worihe irikita, hai ikita ara liliu i lalunda. Nodo katapeinaona mampohidupaahe, ihira wori mampeinao mampohidupaake.”

2 Tesalonika 2:15

Mewali halalu, nipakaroho pepoinalaimi, mekingki liliukau i hinangka au kipaturoamokau, maroa au kiuliangaakau ba au kiukiakau i lalu surangki.

2 Tesalonika 3:6

Halalu, hai kuasa au naweingkai Pue Yesu Kerisitu, kiuliangaakau: ineehe nipohintuwua halalumi hampepepoinalai au lohehe mobago hai au barahe mampeulai atura au nidoko hangko irikami.